Kichcha Sudeep: ಟಿವಿ9 ಕನ್ನಡಕ್ಕೆ 15 ವರ್ಷ; ಶುಭಕೋರಿದ ಕಿಚ್ಚ ಸುದೀಪ್​

‘ಉತ್ತಮ ಸಮಾಜಕ್ಕಾಗಿ’ ಎನ್ನುವ ಧ್ಯೇಯ ವಾಕ್ಯದೊಂದಿಗೆ ಟಿವಿ9 ಕನ್ನಡ ಆರಂಭಯಿತು. ಕರ್ನಾಟಕ ಜನತೆಯ ಪ್ರೀತಿ ಹಾಗೂ ಬೆಂಬಲದೊಂದಿಗೆ ವಾಹಿನಿಯು 15 ವರ್ಷ ಪೂರೈಸಿದೆ. ಅಷ್ಟೇ ಅಲ್ಲ, ನಂಬರ್​ ಒನ್​ ಸ್ಥಾನವನ್ನು ಕಾಯ್ದುಕೊಂಡಿದೆ. ಟಿವಿ9 ಕನ್ನಡ 15 ವರ್ಷ ಪೂರೈಸಿದ ಹಿನ್ನೆಲೆಯಲ್ಲಿ ರಾಜಕಾರಣಿಗಳು, ಸಿನಿಮಾ ಸೆಲೆಬ್ರಿಟಿಗಳು ಶುಭಕೋರುತ್ತಿದ್ದಾರೆ. ಈ ವಿಶೇಷ ದಿನದಂದು ನಟ ಕಿಚ್ಚ ಸುದೀಪ್​ ಕೂಡ ಟಿವಿ9 ಕನ್ನಡಕ್ಕೆ ಸಂದೇಶವೊಂದನ್ನು ನೀಡಿದ್ದಾರೆ. ‘15 ವರ್ಷ, ಒಂದೂವರೆ ದಶಕ. ಈ ಅವಧಿಯಲ್ಲಿ ಒಳ್ಳೆಯ ಗುಣಮಟ್ಟ ಹಾಗೂ ಸ್ಥಾನವನ್ನು ನಿರ್ವಹಣೆ ಮಾಡುತ್ತಾ ಸಾಗುತ್ತಿರುವ ಟಿವಿ9 ಕನ್ನಡಕ್ಕೆ ನಾನು ಹುಟ್ಟುಹಬ್ಬದ ಶುಭಾಶಯ ಕೋರುತ್ತಿದ್ದೇನೆ. ಆಲ್​ ದಿ ಬೆಸ್ಟ್​. ಇದು ದೊಡ್ಡ ಸಾಧನೆ. ಇದರಲ್ಲಿ ಎಲ್ಲರೂ ಪಾಲ್ಗೊಂಡಿದ್ದೀರಿ. ಟಿವಿ9 ಕನ್ನಡದ ಇಡೀ ತಂಡಕ್ಕೆ, ಸಂಸ್ಥೆಗೆ ಅಭಿನಂದನೆಗಳು’ ಎಂದಿದ್ದಾರೆ ಕಿಚ್ಚ. ಸಿನಿಮಾ ವಿಚಾರಕ್ಕೆ ಬರೋದಾದರೆ, ಸುದೀಪ್​ ‘ವಿಕ್ರಾಂತ್​ ರೋಣ’ ಚಿತ್ರದ ಕೆಲಸದಲ್ಲಿ ಬ್ಯುಸಿ ಇದ್ದಾರೆ. ಈ ಸಿನಿಮಾ ಫೆಬ್ರವರಿ 24ರಂದು ತೆರೆಗೆ ಬರುತ್ತಿದೆ.

ಇದನ್ನೂ ಓದಿ: Vikrant Rona: ಫೆ.24ಕ್ಕೆ ‘ವಿಕ್ರಾಂತ್​ ರೋಣ’ ರಿಲೀಸ್​; ಸುದೀಪ್​ ನಟನೆಯ ಬಹುನಿರೀಕ್ಷಿತ ಚಿತ್ರದಿಂದ ಬಿಗ್​ ನ್ಯೂಸ್​

Published On - 10:41 am, Thu, 9 December 21