ಅಬ್ಬರದ ಎಕೆ-47 ಮಶೀನ್ ಗನ್ ತಯಾರಿಸುತ್ತಿದ್ದ ಕಲಾಷ್ನಿಕೋವ್ ಕಂಪನಿ ಸದ್ದಿಲ್ಲದೆ ಇಲೆಕ್ಟ್ರಿಕ್ ಕಾರು ತಯಾರಿಸುತ್ತಿದೆ!
ರಷ್ಯಾದಿಂದ ನಮಗೆ ಲಭ್ಯವಾಗಿರುವ ಮಾಹಿತಿಯು ಕಲಾಷ್ನಿಕೋವ್ ಕಂಪನಿಯು ಯುವಿ-4 ಪೇಟೆಂಟ್ಗಾಗಿ ಆ ದೇಶದಲ್ಲಿ ಅರ್ಜಿಯನ್ನು ಸಲ್ಲಿಸಿದೆ.
ಎಕೆ-47 ರೈಫಲ್ ಹೆಸರು ಕೇಳದವರು ಯಾರಾದಾರೂ ಇದ್ದಾರೆಯೇ? ಸಾಧ್ಯವೇ ಇಲ್ಲ. ಆ ಹೆಸರಲ್ಲಿ ಸಿನಿಮಾಗಳು ಬಂದವು, ಅದನ್ನು ತಮ್ಮ ಜೊತೆ ಇಟ್ಟುಕೊಂಡವರು ಮತ್ತು ಅಂಥವರನ್ನು ಮನೆಯಲ್ಲಿಟ್ಟುಕೊಂಡವರು ಜೈಲು ಕಂಬಿ ಎಣಿಸಿದ ಕತೆಗಳು ನಮಗೆ ಚೆನ್ನಾಗಿ ಗೊತ್ತಿವೆ. ರಷ್ಯಾ ಮೂಲದ ಕಲಾಷ್ನಿಕೋವ್ ಕಂಪನಿಯು ಎಕೆ-47 ಗನ್ಗಳನ್ನು ತಯಾರಿಸುತ್ತದೆ. ಈ ಗನ್ಗೆ ಕಲ್ಟ್ ಸ್ಟೇಟಸ್ ಇದೆ ಅಂದರೆ ಅದೆಷ್ಟು ಫೇಮಸ್ ಅಂತ ನೀವೇ ಅಂದಾಜು ಮಾಡಿಕೊಳ್ಳಿ. ಅದರೆ, ಸುಮಾರು ಮೂರು ವರ್ಷಗಳ ಹಿಂದೆ ಗನ್ ತಯಾರಿಸುವ ಕಲಾಷ್ನಿಕೋವ್ ಕಂಪನಿಯು ಎಲೆಕ್ಟ್ರಿಕ್ ವಾಹನನಗಳನ್ನು ತಯಾರಿಸಲಾರಂಭಿಸಿ ಸಿವಿ-1 ಹೆಸರುಳ್ಳ ಕಾರಿನ ಪರಿಕಲ್ಪನೆಯನ್ನು ಬಿಡುಗಡೆ ಮಾಡಿದ್ದು ಬಹಳ ಜನರಿಗೆ ಗೊತ್ತಿದ್ದಂತಿಲ್ಲ. ಅದಾದ ಮೇಲೆ ಕಲಾಷ್ನಿಕೋವ್ ನಾಲ್ಕು ಡೋರಿನ ಐ ಜೆಡ್ ಎಚ್ ಯುವಿ-4 ಇಲೆಕ್ಟ್ರಿಕ್ ಕಾರಿನ ವಿನ್ಯಾಸವನ್ನು ಅಭಿವೃದ್ಧಿಪಡಿಸಿ ಕಾರುಗಳ ಉತ್ಪಾದನೆಯಲ್ಲಿ ತೊಡಗಿರುವುದು ಸಹ ಕೆಲವರಿಗಷ್ಟೇ ಗೊತ್ತಿದೆ.
ರಷ್ಯಾದಿಂದ ನಮಗೆ ಲಭ್ಯವಾಗಿರುವ ಮಾಹಿತಿಯು ಕಲಾಷ್ನಿಕೋವ್ ಕಂಪನಿಯು ಯುವಿ-4 ಪೇಟೆಂಟ್ಗಾಗಿ ಆ ದೇಶದಲ್ಲಿ ಅರ್ಜಿಯನ್ನು ಸಲ್ಲಿಸಿದೆ.
ಹಾಗೆ ನೋಡಿದರೆ ರಷ್ಯಾದ ಎಲೆಕ್ಟ್ರಿಕ್ ವಾಹನಗಳ ಮಾರ್ಕೆಟ್ ನಲ್ಲಿ ವಿದೇಶಿ ಮೂಲದ ವಾಹನಗಳ ಕಾರುಬಾರೇ ಜೋರಾಗಿದೆ. ಅಲ್ಲಿನ ರಸ್ತೆಗಳ ಮೇಲೆ ಅಮೆರಿಕದ ಟೆಸ್ಲಾ, ಯುರೋಪಿಯನ್ ಬ್ರ್ಯಾಂಡ್ಗಳಾದ ಮರ್ಸಿಡಿಸ್, ವೊಕ್ಸ್ವ್ಯಾಗನ್ ಮತ್ತು ರಿನಾಲ್ಟ್, ದಕ್ಷಿಣ ಕೊರಿಯಾದ ಹ್ಯುಂಡೈ ಮತ್ತು ಚೀನಾದ ಹಲವಾರು ಬ್ರ್ಯಾಂಡ್ಗಳು ಕಾಣಿಸುತ್ತವೆ. ಈ ಹಿನ್ನೆಲೆಯಲ್ಲಿ ರಷ್ಯನ್ನರಿಗೆ ಸ್ವದೇಶಿ ಮೂಲದ ಕಾರು ಅಂತ ಹೇಳಿಕೊಳ್ಳಲು ಕಲಾಷ್ನಿಕೋವ್ ಕಂಪನಿಯ ಯುವಿ-4 ಕಾರು ದೊರಕಿದೆ.
ಕಲಾಷ್ನಿಕೋವ್ ಯುವಿ-4; 3.4 ಮೀಟರ್ ಉದ್ದ, 1.5 ಮೀಟರ್ ಆಗಲ ಮತ್ತು 1.7 ಮೀಟರ್ ಎತ್ತರವಿದೆ. ನಗರ ಪ್ರದೇಶಗಳಲ್ಲಿ ತಿರುಗಾಡಲು ಈ ಕಾರು ಹೇಳಿಮಾಡಿಸಿದಂತಿದೆ. ಹಾಗೆಯೇ, ಬಹಳ ಹಗುರವಾಗಿರುವ ಈ ಕಾರು ಒಮ್ಮೆ ರೀಚಾರ್ಜ್ ಮಾಡಿದರೆ 150 ಕಿಮೀಗಳ ಅಂತರವನ್ನು ಕ್ರಮಿಸಲಿದೆ.
ಇದನ್ನೂ ಓದಿ: Viral Video: ಮ್ಯಾಜಿಕ್ ಕಾರ್ಪೆಟ್ ಮೇಲೆ ತೇಲಿ ಮಂತ್ರಮುಗ್ಧಗೊಳಿಸಿದ ಜಾದೂಗಾರ; ಶಾಕಿಂಗ್ ವಿಡಿಯೋ ಇಲ್ಲಿದೆ