ಬಿಜೆಪಿಗೆ ಬೆಂಬಲ ಘೋಷಿಸಿದ ಹಿನ್ನೆಲೆ ರಂಗಮಂದಿರದಿಂದ ಸಂಸದೆ ಸುಮಲತಾ ಫೋಟೋ ತೆರವು

ಮಂಡ್ಯ: ಸಂಸದೆ ಸುಮಲತಾ ಅಂಬರೀಶ್​ ಅವರು ಬಿಜೆಪಿಗೆ ಬೆಂಬಲ ಘೋಶಿಸಿದ ಹಿನ್ನೆಲೆ ಜಿಲ್ಲೆಯ ನಾಗಮಂಗಲ ತಾಲೂಕಿನ ಬಿದರಕೆರೆ ಗ್ರಾಮದಲ್ಲಿನ ಲಂಕೇಶ್ ರಂಗ ಮಂದಿರದಿಂದ ಸುಮಲತಾರ ಫೋಟೋ ತೆರವುಗೊಳಿಸಲಾಗಿದೆ. ಬಿದರಕೆರೆ ಗ್ರಾಮದಲ್ಲಿ ದಿವಂಗತ ನಟ ಅಂಬರೀಶ್​ರವರ ಅನುದಾನದಿಂದ ರಂಗಮಂದಿರ ನಿರ್ಮಾಣವಾಗಿತ್ತು. ರಂಗಮಂದಿರದಲ್ಲಿ ವರನಟ ಡಾ ರಾಜ್ ಕುಮಾರ್, ದಿವಂಗತ ಅಂಬರೀಶ್​​ ಹಾಗೂ ಸುಮಲತಾರ ಫೋಟೊ ಅಳವಡಿಸಲಾಗಿತ್ತು. ನಿನ್ನೆ (ಮಾ.10) ಬಿಜೆಪಿಗೆ ತನ್ನ ಬೆಂಬಲ ಎಂದು ಘೋಷಣೆ ಮಾಡಿದ ಬೆನ್ನಲ್ಲೇ ಫೋಟೋ ತೆರವು ಮಾಡಲಾಗಿದೆ.