By bike not bullocks: ಹೊಸ ಸಾಧನ, ಸಾಹಸ : ಹತ್ತಿ ಹೊಲಕ್ಕೆ ಬೈಕ್ ಮೂಲಕ ಎಡೆ ಹೊಡೆದ ರೈತ

ಧಾರವಾಡ: ಈ ಭಾಗದಲ್ಲಿ ಈ ಬಾರಿ ಮುಂಗಾರು ತುಸು ತಡವಾಗಿ ಬಂದಿತಾದರೂ ಇತ್ತೀಚೆಗೆ ಉತ್ತಮ ಮಳೆಯಾಗಿ ರೈತಾಪಿ ವರ್ಗದಲ್ಲಿ ನವೋತ್ಸಾಹ ಮೂಡಿಸಿದೆ. ನಾನಾ ಬವಣೆಗಳನ್ನು ಪಡುವ ರೈತ ತನ್ನ ಉಳುಮೆ ಮೂಲಕವೇ ಬದುಕು ಕಟ್ಟಿಕೊಳ್ಳುವುದಕ್ಕೆ ಹರಸಾಹಸ ಪಡುತ್ತಿರುತ್ತಾನೆ. ಮಧ್ಯೆ ಮಧ್ಯೆ ಹೊಸ ಸಾಧನ, ಸಾಹಸಗಳನ್ನೂ ಹುಟ್ಟುಹಾಕುತ್ತಿರುತ್ತಾನೆ. ಇದೀಗ ಧಾರವಾಡ ಜಿಲ್ಲೆಯ ನವಲಗುಂದ ನವಲಗುಂದ ತಾಲೂಕಿನ ಶಿರಕೋಳ ಗ್ರಾಮದ (Navalgund taluk in Dharwad) ರೈತ ಬೈಕ್ ಮೂಲಕ ವಿಶೇಷವಾಗಿ ಎಡೆ ಹೊಡೆದಿದ್ದಾನೆ (Plough). ಕಲ್ಮೇಶ್ ತಲವಾಯಿ ಅನ್ನೋ ರೈತನಿಂದ (farmer) ಈ ಸಾಹಸದ ಕೆಲಸ ನಡೆದಿದೆ. ತನ್ನ ವಿಶಾಲವಾದ ಹತ್ತಿ ಹೊಲಕ್ಕೆ ರೈತ ಕಲ್ಮೇಶ್ ಬೈಕ್ ಹಿಂಬದಿಯಲ್ಲಿ ಸೈಕಲ್ ಅಳವಡಿಸಿ, ತಾನೇ ನಿರ್ಮಿಸಿರೋ ಹೊಸ ಸಾಧನದಿಂದ ಈ ಸಾಹಸ ಮಾಡಿದ್ದಾನೆ. ಎತ್ತುಗಳ ಸಹಾಯವಿಲ್ಲದೇ ಎಡೆ ಹೊಡೆದಿರುವುದು ವಿಶೇಷವಾಗಿದೆ (Plough by Bike but not bullocks).

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ