Jarkiholi Vs Shivakumar: ರಮೇಶ್ ಜಾರಕಿಹೊಳಿ ರಿಲೀಸ್ ಮಾಡಿದ ‘ಝಲಕ್‘ ಆಡಿಯೋದಲ್ಲಿ ಸೆನ್ಸೇಷನಲ್ ಅನಿಸುಂಥದ್ದೇನೂ ಕೇಳಿಸುವುದಿಲ್ಲ!

ಬೆಳಗಾವಿ: ರಮೇಶ್ ಜಾರಕಿಹೊಳಿ (Ramesh Jarkiholi) ಅವರು ಸೋಮವಾರ ಬೆಳಗ್ಗೆ ಸುದ್ದಿಗೋಷ್ಟಿ ಆರಂಭಿಸಿದಾಗ ತಮ್ಮ ಬದ್ಧ ವೈರಿ ಮತ್ತು ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ (DK Shivakumar) ವಿರುದ್ಧ ನೂರೆಂಟು ಆಪಾದನೆಗಳನ್ನು ಮಾಡಿ, ತಮಲ್ಲಿ ಸಾಕ್ಷ್ಯಗಳ ರೂಪದಲ್ಲಿ ಆಡಿಯೋ ವಿಡಿಯೋ ಸಿಡಿಗಳಿವೆ ಅಂತ ಹೇಳಿದ್ದರು. ಅವುಗಳನ್ನು ಸಂಬಂಧಪಟ್ಟ ಆಧಿಕಾರಿಗಳಿಗೆ ತೋರಿಸುವುದಾಗಿ ಹೇಳಿದ ಅವರು ಒಂದು ಝಲಕ್ ಮಾತ್ರ ಇಂದು ಪತ್ರಕರ್ತರ ಮುಂದೆ ಇಡುವುದಾಗಿ ಹೇಳಿದ್ದರು. ಹೇಳಿದಂತೆಯೇ ಅವರು ಒಂದು ಆಡಿಯೋ ಕ್ಲಿಪ್ (audio clip) ರಿಲೀಸ್ ಮಾಡಿದ್ದು ನಿಜವಾದರೂ, ಅದರಲ್ಲಿ ಸೆನ್ಸೇಷನಲ್ ಅನಿಸುವಂಥದ್ದು ಏನೂ ಇಲ್ಲ. ಶಿವಕುಮಾರ್ ಧ್ವನಿ ಅಂತ ರಮೇಶ್ ಹೇಳುತ್ತಿರುವ ವ್ಯಕ್ತಿ; ಮುಂಬೈಯಲ್ಲಿ, ದುಬೈಯಲ್ಲಿ ಮನೆಯಿದೆ ಅಂತ ಹೇಳುತ್ತಾರೆ. ಮುಂಬೈ ಮನೆ ಮೇಲೆ ದಾಳಿ ನಡೆದಾಗ ಎಷ್ಟೋ ಕೋಟಿ ರೂಪಾಯಿ ಸೀಜ್ ಆಗಿದೆ ಅನ್ನುತ್ತಾರೆ. ಆಡಿಯೋ ಕೂಡ ಸ್ಪಷ್ಟವಾಗಿಲ್ಲ. ರಮೇಶ್ ಅವರಲ್ಲಿ ಇನ್ನೂ ಹಲವಾರು ಅಡಿಯೋ-ವಿಡಿಯೋಗಳಿವೆಯಂತೆ. ಅವುಗಳನ್ನು ಸಿಬಿಐ ತನಿಖೆಗೆ ಕೊಡುವುದಾಗಿ ರಮೇಶ್ ಹೇಳುತ್ತಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ