ಅಬ್ಬಬ್ಬಾ! ಮಂಡ್ಯದಲ್ಲಿ 1 ಲಕ್ಷ 91 ಸಾವಿರ ರೂ.ಗೆ ಈ ಟಗರು ಮಾರಾಟ

ಮಂಡ್ಯ ಜಿಲ್ಲೆಯ ಮಳವಳ್ಳಿ ತಾಲೂಕಿನ ದೇವಿಪುರದಲ್ಲಿ 1 ಲಕ್ಷ 91 ಸಾವಿರ ರೂ.ಗೆ ಬಂಡೂರು ಟಗರು ಮಾರಾಟವಾಗಿದೆ. ದೇವಿಪುರದ ಸಣ್ಣಪ್ಪ ಎಂಬುವರು ಸಾಕಿದ್ದ ಬಂಡೂರು ಟಗರು 1 ಲಕ್ಷ 91 ಸಾವಿರ ರೂ.ಗೆ ಮಾರಾಟವಾಗಿದೆ. ಸಣ್ಣಪ್ಪ 2 ವರ್ಷದ ಹಿಂದೆ ಈ ಟಗರನ್ನು 1 ಲಕ್ಷ 5 ಸಾವಿರ ರೂ.ಗೆ ಖರೀದಿಸಿದ್ದರು. ಅದೇ ಟಗರನ್ನು ಇದೀಗ ಬರೋಬ್ಬರಿ 1 ಲಕ್ಷ 91 ಸಾವಿರ ರೂ.ಗೆ ಮಾರಾಟ ಮಾಡಿದ್ದಾರೆ. ಬಂಡೂರು ಟಗರಿಗೆ ರೈತ ಸಣ್ಣಪ್ಪ ಹಾರ ಹಾಕಿ, ಪೂಜೆ ಸಲ್ಲಿಸಿದ್ದಾರೆ. ನಂತರ ದೇವಿಪುರ ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಟಗರು ಮೆರವಣಿಗೆ ಮಾಡಿದ್ದಾರೆ.