Phone Number Deleted: ಫೋನ್ ನಂಬರ್ ಡಿಲೀಟ್ ಆದ್ರೆ ಮರಳಿ ಸಿಗುತ್ತೆ, ಈ ಟಿಪ್ಸ್ ನೋಡಿ

ಸ್ಮಾರ್ಟ್​ಫೋನ್ ಎನ್ನುವುದು ಇಂದು ನಮ್ಮ ಜೀವನ ಸಂಗಾತಿಗೆ ಸಮ. ಫೋನ್ ಇಲ್ಲದ ದಿನವನ್ನು, ಆ ಕ್ಷಣವನ್ನು ಊಹಿಸುವುದೂ ಕೆಲವರಿಗೆ ಅಸಾಧ್ಯ. ಅಂತಹ ಸಂದರ್ಭದಲ್ಲಿ ಫೋನ್​ನಲ್ಲಿ ಇರುವ ಕಾಂಟಾಕ್ಟ್ ನಂಬರ್​ಗಳು ಕೂಡ ತುಂಬಾ ಇಂಪಾರ್ಟೆಂಟ್ ಆಗಿರುತ್ತವೆ. ಮೊದಲು ಫೀಚರ್ ಬೇಸಿಕ್ ಫೋನ್​ಗಳಲ್ಲಿ ಸಿಮ್ ಕಾರ್ಡ್ ಮತ್ತು ಫೋನ್​ನಲ್ಲಿಯೇ ಕಾಂಟಾಕ್ಟ್ ನಂಬರ್ ಉಳಿಸಿಕೊಳ್ಳುವ ಆಯ್ಕೆ ಇರುತ್ತಿತ್ತು. ಸುಮಾರು 250 ನಂಬರ್​ಗಳನ್ನು ಸೇವ್ ಮಾಡುವ ಅವಕಾಶವೂ ಇತ್ತು. ಆ ಸಂದರ್ಭದಲ್ಲಿ ಫೋನ್ ಬದಲಾಯಿಸುವುದಿದ್ದರೆ, ನಂಬರ್ ಅನ್ನು ಕೂಡ ಒಂದೊಂದನ್ನೇ ನೋಟ್ ಮಾಡಿ, ಹೊಸ ಫೋನ್​ಗೆ ಸೇರಿಸಬೇಕಿತ್ತು. ಆದರೆ ಈಗ ಎಲ್ಲವೂ ಡಿಜಿಟಲ್ ಆಗಿದೆ. ಫೋನ್ ನಂಬರ್ ಸೇವ್ ಮಾಡಿಟ್ಟುಕೊಳ್ಳಲು ಹಲವು ಆಯ್ಕೆಗಳಿವೆ.