ಗುಜರಾತ್ನಲ್ಲಿ ಪ್ರಧಾನಿ ಮೋದಿ ರೋಡ್ ಶೋ, 34,000 ಕೋಟಿ ಮೌಲ್ಯದ ಯೋಜನೆಗಳಿಗೆ ಚಾಲನೆ
ಪ್ರಧಾನಿ ನರೇಂದ್ರ ಮೋದಿ ಇಂದು ತಮ್ಮ ತವರು ರಾಜ್ಯವಾದ ಗುಜರಾತ್ನ ಭಾವನಗರದಲ್ಲಿ ರೋಡ್ ಶೋನಲ್ಲಿ ಭಾಗವಹಿಸಿದರು. ವಿಮಾನ ನಿಲ್ದಾಣದಿಂದ ಪ್ರಾರಂಭವಾದ ಈ ರೋಡ್ ಶೋ 1 ಕಿ.ಮೀ ದೂರವನ್ನು ಕ್ರಮಿಸಿ ತಮ್ಮ ಸಾರ್ವಜನಿಕ ಸಭೆಯ ಸ್ಥಳವಾದ ಗಾಂಧಿ ಮೈದಾನದಲ್ಲಿ ಮುಕ್ತಾಯಗೊಂಡಿತು. ಇದಾದ ನಂತರ ಗುಜರಾತ್ನ ಭಾವನಗರದಲ್ಲಿ ನಡೆದ 'ಸಮುದ್ರ ಸೇ ಸಮೃದ್ಧಿ' (ಸಮುದ್ರದಿಂದ ಸಮೃದ್ಧಿ) ಕಾರ್ಯಕ್ರಮದಲ್ಲಿ ಅವರು 34,200 ಕೋಟಿ ರೂ.ಗಳಿಗೂ ಹೆಚ್ಚು ಮೌಲ್ಯದ ಬಹು ಅಭಿವೃದ್ಧಿ ಯೋಜನೆಗಳನ್ನು ಉದ್ಘಾಟಿಸಿದರು.
ಭಾವನಗರ, ಸೆಪ್ಟೆಂಬರ್ 20: ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಇಂದು (ಶನಿವಾರ) ಗುಜರಾತ್ನ ಭಾವನಗರದಲ್ಲಿ ರೋಡ್ ಶೋ ನಡೆಸಿದರು. ಮೋದಿಯವರ ಬೆಂಬಲಿಗರು ತ್ರಿವರ್ಣ ಧ್ವಜಗಳನ್ನು ಬೀಸುತ್ತಾ ಸ್ವಾಗತಿಸಿದರು. ಎಲ್ಲೆಲ್ಲೂ ಕೇಸರಿ ಶಾಲುಗಳನ್ನು ಹೊದ್ದು, ತ್ರಿವರ್ಣ ಧ್ವಜಗಳನ್ನು ಬೀಸುತ್ತಾ ಜನರು ನಿಂತಿದ್ದರು. ಪ್ರಧಾನಿಯನ್ನು ನೋಡಲು ರಸ್ತೆಗಳ ಎರಡೂ ಬದಿಗಳಲ್ಲಿ ಸಾವಿರಾರು ಬೆಂಬಲಿಗರು ಸೇರಿದ್ದರು. ಭಾವನಗರದಲ್ಲಿ ಜನರು ರಸ್ತೆಗಳಲ್ಲಿ ಹರ್ಷೋದ್ಗಾರ ಮಾಡುವ, ಧ್ವಜಗಳನ್ನು ಬೀಸುವ ಮೂಲಕ ಮೋದಿಯನ್ನು ಸ್ವಾಗತಿಸಿದರು. ಗುಜರಾತ್ನೊಂದಿಗಿನ ಅವರ ಬಲವಾದ ರಾಜಕೀಯ ಸಂಬಂಧಗಳಿಗೆ ಈ ರೋಡ್ಶೋ ಸಾಕ್ಷಿಯಾಗಿದೆ. ಇದಾದ ನಂತರ ಗುಜರಾತ್ನ ಭಾವನಗರದಲ್ಲಿ ನಡೆದ ‘ಸಮುದ್ರ ಸೇ ಸಮೃದ್ಧಿ’ (ಸಮುದ್ರದಿಂದ ಸಮೃದ್ಧಿ) ಕಾರ್ಯಕ್ರಮದಲ್ಲಿ ಅವರು 34,200 ಕೋಟಿ ರೂ.ಗಳಿಗೂ ಹೆಚ್ಚು ಮೌಲ್ಯದ ಬಹು ಅಭಿವೃದ್ಧಿ ಯೋಜನೆಗಳನ್ನು ಉದ್ಘಾಟಿಸಿದರು.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Follow Us