ಗಣೇಶ ಚತುರ್ಥಿಯಲ್ಲೂ ಪುಷ್ಪ-2 ಹವಾ: ಗಂಗಮ್ಮ ಜಾತರ ರೂಪದಲ್ಲಿ ಗಣಪತಿ ಮೂರ್ತಿ

ಆನೇಕಲ್, ಆಗಸ್ಟ್​ 28: ತಮಿಳುನಾಡಿನ ಹೊಸೂರು ಸಮೀಪದ ಡೆಂಕಣಿಕೋಟೆಯಲ್ಲಿ ಪುಷ್ಪ-2 ಗಣಪನ ಹವಾ ಜೋರಾಗಿದೆ. ಡೆಂಕಣಿಕೋಟೆ ರಾಜಮಾರ್ತಾಂಡ ಭಕ್ತ ಮಂಡಳಿ ಪುಷ್ಪ-2 ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಸೀರೆಯುಟ್ಟ ಕುಣಿಯುವ ಗಂಗಮ್ಮ ಜಾತರ ರೂಪದಲ್ಲಿ ಗಣಪತಿಯನ್ನು ಪ್ರತಿಷ್ಠಾಪಿಸಿದೆ. ಮಂಟಪವನ್ನು ರಟ್ಟಿನ ರಕ್ತಚಂದನದ ತುಂಡುಗಳಿಂದ ನಿರ್ಮಿಸಲಾಗಿದೆ. ತಗ್ಗೋದೆಯಿಲ್ಲ ಎನ್ನುವ ಪುಷ್ಪನ ಸಿಗ್ನೇಚರ್ ಪ್ರತಿಮೆ ನಿಲ್ಲಿಸಲಾಗಿದೆ. ಪುಷ್ಪನ ಹಿಂದೆ ಹೆಲಿಕಾಪ್ಟರ್ ಪಾರ್ಕ್​ ಮಾಡಲಾಗಿದೆ.

ಸುಮಾರು 18 ಲಕ್ಷ ರೂ. ವೆಚ್ಚದಲ್ಲಿ ಪುಷ್ಪ-2 ಸ್ಟೈಲ್ ಗಣಪ ಮಂಟಪ ನಿರ್ಮಾಣ ಮಾಡಲಾಗಿದೆ. 100ಕ್ಕೂ ಅಧಿಕ ಕಲಾವಿದರ ಪರಿಶ್ರಮದಿಂದ ಬೃಹತ್ ಮಂಟಪ ನಿರ್ಮಾಣವಾಗಿದೆ. ಚಿತ್ತಾ ಜಿನೇಂದ್ರ ಮತ್ತು ತಂಡ ನಿರ್ಮಾಣ ಮಾಡಿದೆ. ಈ ಹಿಂದೆ ಬಾಹುಬಲಿ, ಕೆಜಿಎಫ್, ಕಾಂತಾರ, ಕಲ್ಕಿ ಇದೀಗ ಪುಷ್ಪ-2 ಸಿನಿಮಾದ ಪ್ರಮುಖ ಸನ್ನಿವೇಶಗಳ ಸೃಷ್ಟಿ ಮಾಡಿದೆ. ಪುಷ್ಪಾ-2 ಗಣಪನ ದರ್ಶನ ಪಡೆಯಲು ಅಪಾರ ಸಂಖ್ಯೆಯಲ್ಲಿ ಭಕ್ತರು ಬರುತ್ತಿದ್ದಾರೆ. ಪುಷ್ಪ-2 ಸಿನಿಮಾ ಸ್ಟೈಲ್ ಗಣಪನ ವೀಕ್ಷಣೆಗೆ ಬೆಂಗಳೂರು ಸೇರಿದಂತೆ, ಆಂಧ್ರ ಕೇರಳದಿಂದಲೂ ಜನರು ಆಗಮಿಸುತ್ತಿದ್ದಾರೆ.