Realme Pad 2: ಆಕರ್ಷಕ ವಿನ್ಯಾಸ, ಸೂಪರ್ ಸ್ಪೀಡ್ ರಿಯಲ್​ಮಿ ಪ್ಯಾಡ್ 2

ಟ್ಯಾಬ್ಲೆಟ್ ಕುರಿತು ಜನರಿಗೆ ಕ್ರೇಜ್ ಕಡಿಮೆಯಾಗಿಲ್ಲ ಎನ್ನುವುದಕ್ಕೆ ಗ್ಯಾಜೆಟ್ ಮಾರುಕಟ್ಟೆಯ ಇತ್ತೀಚಿನ ಟ್ರೆಂಡ್ ಸಾಕ್ಷಿ. ಲೆನೋವೊ ಮತ್ತು ಹಾನರ್ ಬಳಿಕ ಈಗ ರಿಯಲ್​ಮಿ ಹೊಸ ಪ್ಯಾಡ್ ಬಿಡುಗಡೆ ಮಾಡಿದೆ. ಕಳೆದ ತಿಂಗಳಷ್ಟೇ ರೆಡ್ಮಿ ಹೊಸ ಪ್ಯಾಡ್ ಬಿಡುಗಡೆಯಾಗಿತ್ತು. ಈ ಬಾರಿ ರಿಯಲ್​ಮಿ ಪ್ಯಾಡ್ 2 ಹೊಸ ವಿನ್ಯಾಸದಲ್ಲಿ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ. ರಿಯಲ್​ಮಿ ಪ್ಯಾಡ್ 2, 11.5 ಇಂಚಿನ ಡಿಸ್​ಪ್ಲೇ ಹೊಂದಿದೆ. ಜತೆಗೆ ಹಗುರ ವಿನ್ಯಾಸದಿಂದಾಗಿ ಜನರಿಗೆ ಇಷ್ಟವಾಗುತ್ತದೆ ಎಂದು ಕಂಪನಿ ತಿಳಿಸಿದೆ. 8,360mAh ಬ್ಯಾಟರಿ ಮತ್ತು 33W SUPERVOOC ಚಾರ್ಜಿಂಗ್ ರಿಯಲ್​ಮಿ ಪ್ಯಾಡ್ ವಿಶೇಷತೆಯಾಗಿದೆ.