Big Bash League: ಬಿಗ್ ಬ್ಯಾಷ್ ಲೀಗ್​ನಲ್ಲಿ ಜೆಟ್​ಪ್ಯಾಕ್ ಶೋ: ಐಪಿಎಲ್​ನಲ್ಲಿ ಇದೆಲ್ಲ ಇಲ್ಲ ಎಂದ ಫ್ಯಾನ್ಸ್

ಬಿಗ್ ಬ್ಯಾಷ್ ಲೀಗ್ 2023-24 (Big Bash League) ಅಬ್ಬರದೊಂದಿಗೆ ಪ್ರಾರಂಭವಾಗಿದೆ. ಆಸ್ಟ್ರೇಲಿಯಾದ ದೇಶೀಯ ಟಿ 20 ಲೀಗ್‌ಗೆ ಡಿಸೆಂಬರ್ 7 ರಂದು ಕ್ವಿಕ್ ಸ್ಟಾರ್ಟ್ ಸಿಕ್ಕಿತು. ಕ್ರಿಕೆಟ್‌ನ ಗುಣಮಟ್ಟದಲ್ಲಿ ಬಿಗ್ ಬ್ಯಾಷ್ ಲೀಗ್ ಮತ್ತು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಡುವೆ ಹೆಚ್ಚಿನ ವ್ಯತ್ಯಾಸವಿಲ್ಲ. ಆದರೆ, ಬಿಗ್ ಬ್ಯಾಷ್ ಲೀಗ್​ನಲ್ಲಿ ಈ ಬಾರಿಯ ಉದ್ಘಾಟನಾ ಸಮಾರಂಭ ವಿಶೇಷವಾಗಿತ್ತು. ಬ್ರಿಸ್ಬೇನ್ ಹೀಟ್ ಮಿಡ್ ಇನ್ನಿಂಗ್ಸ್​ನಲ್ಲಿ ಜೆಟ್​ಪ್ಯಾಕ್ ಶೋ ಹಮ್ಮಿಕೊಂಡಿದ್ದು, ಇದನ್ನು ಕಂಡು ಅಭಿಮಾನಿಗಳು ಖುಷಿಗೊಂಡಿದ್ದಾರೆ. ಅಲ್ಲದೆ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಇದನ್ನು ನೋಡಿ ಭಾರತೀಯ ಫ್ಯಾನ್ಸ್ ಐಪಿಎಲ್​ನಲ್ಲಿ ಇದೆಲ್ಲ ಕಂಡುಬರುವುದಿಲ್ಲ ಎಂದು ಹೇಳಿದ್ದಾರೆ. ರಾಕೆಟ್‌ಮ್ಯಾನ್ ಸೂಟ್‌ನಲ್ಲಿ ಕ್ರೀಡಾಂಗಣದ ಸುತ್ತಲೂ ಹಾರುವ ವ್ಯಕ್ತಿ, 2016/17 ಬಿಗ್ ಬ್ಯಾಷ್ ಲೀಗ್ ಋತುವಿನಲ್ಲೂ ಕಂಡುಬಂದಿದ್ದರು. ಇದು ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಕಂಡಿದ್ದಕ್ಕಿಂತ ಭಿನ್ನವಾಗಿದೆ. ಐಪಿಎಲ್‌ 2023ರ ಉದ್ಘಾಟನಾ ಮತ್ತು ಸಮಾರೋಪ ಸಮಾರಂಭಗಳಲ್ಲಿ ಹಿನ್ನೆಲೆ ಗಾಯಕ ಅರಿಜಿತ್ ಸಿಂಗ್, ತಮನ್ನಾ ಭಾಟಿಯಾ ಮತ್ತು ರಶ್ಮಿಕಾ ಮಂದಣ್ಣ ಅವರ ನೃತ್ಯ ಪ್ರದರ್ಶನವಿತ್ತು. ಈ ಬಾರಿ ಐಪಿಎಲ್ ಮಂಡಳಿ ಏನಾದರು ಹೊಸತನ ತರುತ್ತಾ ನೋಡಬೇಕು.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 7:28 am, Fri, 8 December 23