ಸ್ಪಂದನ ವಿಜಯ್ ಗೆ ಶ್ರದ್ಧಾಂಜಲಿ: ವಿಜಯ ರಾಘವೇಂದ್ರರನ್ನು ಪ್ರಿಯಾಂಕಾ ಉಪೇಂದ್ರ ಹಿರಿಯಕ್ಕನ ಹಾಗೆ ಸಂತೈಸಿದರು

ಬೆಂಗಳೂರು: ಸ್ಪಂದನ ವಿಜಯ್ ಅಂತಿಮ ದರ್ಶನಕ್ಕೆ ಆಗಮಿಸಿದ ಕನ್ನಡ ಚಿತ್ರರಂಗದ ಹೆಸರಾಂತ ನಿರ್ದೇಶಕ-ನಟ ಉಪೇಂದ್ರ ಅವರ ಪತ್ನಿ ಹಾಗೂ ನಟಿ ಪ್ರಿಯಾಂಕ ಉಪೇಂದ್ರ, ದುಃಖದ ಮಡುವಿನಲ್ಲಿರುವ ವಿಜಯರಾಘವೇಂದ್ರರನ್ನು ಸಂತೈಸಿರುವ ದೃಶ್ಯ ದೂರದಲ್ಲಿ ಕೂತು ಈ ವಿಡಿಯೋ ವೀಕ್ಷಿಸುತ್ತಿರುವವರ ಕಣ್ಣನ್ನೂ ತೇವಗೊಳಿಸುತ್ತದೆ. ಬಿಕ್ಕಿ ಬಿಕ್ಕಿ ಅಳುತ್ತಾ ವಿಜಯ್ ಬಳಿ ಹೋಗುವ ಪ್ರಿಯಾಂಕಾ ಒಬ್ಬ ಹಿರಿಯ ಸಹೋದರಿಯಂತೆ ಸಾಂತ್ವನ ಹೇಳುತ್ತಾರೆ. ಎರಡು ಸಲ ತಬ್ಬಿಕೊಂಡು ಸಂತೈಸುತ್ತಾರೆ. ನಂತರ ಪ್ರಿಯಾಂಕಾ ವಿಜಯ್ ಪಕ್ಕದಲ್ಲಿ ಕುಳಿತಿದ್ದ ಎಸ್ ಎ ಚಿನ್ನೇಗೌಡರ ಪಾದಮುಟ್ಟಿ ನಮಸ್ಕರಿಸುತ್ತಾರೆ. ಕುಟುಂಬದ ಸದಸ್ಯರೊಂದಿಗೆ ವಿದೇಶ ಪ್ರವಾಸ ತೆರಳಿದ್ದ ಸ್ಪಂದನ ಸೋಮವಾರ ಬೆಳಗಿನ ಜಾವ ಬ್ಯಾಂಕಾಕ್ ನ ಹೋಟೆಲೊಂದರ ಕೋಣೆಯಲ್ಲಿ ತೀವ್ರ ಹೃದಯಾಘಾತಕ್ಕೊಳಗಾಗಿ ಅಕಾಲಿಕ ಮರಣಕ್ಕೀಡಾದರು. ಅವರ ಅಂತಿಮ ಸಂಸ್ಕಾರ ಬೆಂಗಳೂರಿನ ಹರಿಶ್ಚಂದ್ರ ಘಾಟ್ ನಲ್ಲಿ ಇಂದು ಮಧ್ಯಾಹ್ನ ನಡೆಯಲಿದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ