ಅಯ್ಯೋ 19 ವರ್ಷಗಳಿಂದ ಮಗುವಂತೆ ಸಾಕಿದ್ದ ಬೆಕ್ಕು ಹೋಗಿ ಬಿಡ್ತಾ, ನಡೆದಿದ್ದೇನು ನೋಡಿ

ಸಾಕುಪ್ರಾಣಿಗಳು ನಮ್ಮ ಕುಟುಂಬದ ಸದಸ್ಯರಂತೆಯೇ ಇದ್ದುಬಿಡುತ್ತವೆ. ನಮ್ಮ ಜತೆಯೇ ಆಟ, ನಮ್ಮ ಜತೆಯೇ ಊಟ, ನಮ್ಮ ಜತೆಯೇ ನಿದ್ರೆ ಕೂಡ. ಅವುಗಳ ವಯಸ್ಸಾಗುತ್ತಾ ಬಂದಂತೆ, ಅವುಗಳನ್ನು ಕಳೆದುಕೊಳ್ಳುವ ಭಯ ನಮ್ಮನ್ನು ಸದಾ ಕಾಡುತ್ತಿರುತ್ತದೆ. ಇಂತಹದೇ ಒಂದು ಭಾವನಾತ್ಮಕ ಕ್ಷಣ ಮಹಿಳೆಯೊಬ್ಬರ ಜೀವನದಲ್ಲಿ ಎದುರಾಯಿತು.
ಆಕೆಯ ಮನೆಯಲ್ಲಿದ್ದ 19 ವರ್ಷದ ಮುದ್ದಿನ ಬೆಕ್ಕು ಸ್ವಲ್ಪ ಹೊತ್ತು ಯಾವುದೇ ಚಲನೆಯಿಲ್ಲದೆ ಮಲಗಿತ್ತು. ವಯಸ್ಸಾಗಿದ್ದರಿಂದ, ಅದು ನಿದ್ದೆಯಲ್ಲೇ ಶಾಂತವಾಗಿ ಕೊನೆಯುಸಿರೆಳೆದಿದೆ ಎಂದು ಆಕೆ ಭಾವಿಸಿದ್ದರು. ಆಳವಾದ ದುಃಖ ಮತ್ತು ಮೌನ ಇಡೀ ಮನೆಯನ್ನು ಆವರಿಸಿತ್ತು. ಆಕೆ ತನ್ನ ಪ್ರೀತಿಯ ಜೀವ ಇನ್ನು ನೆನಪು ಮಾತ್ರ ಎಂದುಕೊಂಡು, ನಡುಗುವ ಕೈಗಳಿಂದ ಅದರ ಮೃದುವಾದ ದೇಹದ ಮೇಲೆ ಕೈಯಿಟ್ಟರು.

ಆದರೆ, ಆ ಕ್ಷಣ ಪವಾಡವೊಂದು ಸಂಭವಿಸಿತು, ಬೆಕ್ಕಿನ ದೇಹದೊಳಗಿಂದ ಸಣ್ಣದಾಗಿ ಹೃದಯ ಬಡಿತ (Heartbeat) ಕೇಳಿಸಿತು. ಅದು ಸತ್ತಿರಲಿಲ್ಲ, ಕೇವಲ ಗಾಢವಾದ ನಿದ್ದೆಗೆ ಜಾರಿತ್ತು. ಪ್ರೀತಿಯ ಬೆಕ್ಕಿಗೆ ಹೊಸ ಜೀವ ಬಂದಂತೆ ಆಕೆಗೆ ಭಾಸವಾಯಿತು. ಈ ಅಪರೂಪದ ಕ್ಷಣ ಪ್ರಾಣಿ ಮತ್ತು ಮನುಷ್ಯನ ನಡುವಿನ ಅವಿನಾಭಾವ ಸಂಬಂಧಕ್ಕೆ ಸಾಕ್ಷಿಯಾಗಿದೆ.

ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ