ಅಭಿಮಾನಿಗಳಿಗೆ ಕೈ ತುತ್ತು ತಿನ್ನಿಸಿದ ಶಿವಣ್ಣ; ದೊಡ್ಮನೆ ಸರಳತೆಗೆ ಈ ವಿಡಿಯೋ ಸಾಕ್ಷಿ
ಹಲವಾರು ಸಿನಿಮಾಗಳಲ್ಲಿ ಶಿವರಾಜ್ಕುಮಾರ್ ಬ್ಯುಸಿ ಆಗಿದ್ದಾರೆ. ಅದರ ನಡುವೆಯೂ ಅವರು ಅಭಿಮಾನಿಗಳಿಗಾಗಿ ಸಮಯ ನೀಡಿದ್ದಾರೆ.
ಕನ್ನಡ ಚಿತ್ರರಂಗದಲ್ಲಿ ನಟ ಶಿವರಾಜ್ಕುಮಾರ್ (Shivarajkumar) ಅವರು ಸ್ಟಾರ್ ಆಗಿ ಮೆರೆಯುತ್ತಿದ್ದರೂ ಕೂಡ ಸರಳತೆಯನ್ನು ಮರೆತಿಲ್ಲ. ಡಾ. ರಾಜ್ಕುಮಾರ್ ಕುಟುಂಬದ ಗುರುತೇ ಸರಳತೆ. ಅಣ್ಣಾವ್ರ ಮಕ್ಕಳು ಅದನ್ನು ಪಾಲಿಸುತ್ತಾ ಬಂದಿದ್ದಾರೆ. ಸಿಂಪ್ಲಿಸಿಟಿ ವಿಚಾರದಲ್ಲಿ ಶಿವರಾಜ್ಕುಮಾರ್ (Dr. Rajkumar) ಅವರದ್ದು ಒಂದು ಕೈ ಮೇಲೆ. ಅಭಿಮಾನಿಗಳ (Shivarajkumar Fans) ಜೊತೆ ಅವರು ತುಂಬ ಆಪ್ತವಾಗಿ ಬೆರೆಯುತ್ತಾರೆ. ಇತ್ತೀಚೆಗೆ ಅವರು ಮೈಸೂರಿನಲ್ಲಿ ಒಂದು ಹೋಟೆಲ್ ಉದ್ಘಾಟನೆ ಮಾಡಿದರು. ಆ ವೇಳೆ ಅಲ್ಲಿನ ಊಟವನ್ನು ಸವಿದರು. ಜೊತೆಯಲ್ಲಿ ಇದ್ದ ಅಭಿಮಾನಿಗಳಿಗೆ ಶಿವಣ್ಣ ಕೈ ತುತ್ತು ತಿನಿಸಿದರು. ‘ಹ್ಯಾಟ್ರಿಕ್ ಹೀರೋ’ ತೋರಿಸಿದ ಈ ಪರಿ ಪ್ರೀತಿಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಬಳಿಕ ಅಭಿಮಾನಿಗಳೆಲ್ಲರೂ ಶಿವಣ್ಣನ ಕಾಲಿಗೆ ನಮಸ್ಕರಿಸಿದರು. ಜ.26ರಂದು ಶಿವರಾಜ್ಕುಮಾರ್ ಅವರು ಶಕ್ತಿಧಾಮದ ಮಕ್ಕಳ ಜೊತೆ ಗಣರಾಜ್ಯೋತ್ಸವ ಆಚರಿಸಿದರು. ಧ್ವಜಾರೋಹಣ ಮಾಡಿದ ಬಳಿಕ ಮಕ್ಕಳಿಗೆ ಸಿಹಿ ಹಂಚಿದರು. ಆಶ್ರಮದ ಮಕ್ಕಳ ಜೊತೆ ಜಾಲಿ ರೈಡ್ ಕೂಡ ಹೋಗಿದ್ದರು. ಈ ಎಲ್ಲ ವಿಡಿಯೋಗಳು ಈಗ ವೈರಲ್ ಆಗುತ್ತಿವೆ. ದೊಡ್ಮನೆಯ ಸರಳತೆಗೆ ಸಾಕ್ಷಿ ಒದಗಿಸುತ್ತಿವೆ. ಹಲವಾರು ಸಿನಿಮಾಗಳಲ್ಲಿ ಶಿವಣ್ಣ ಬ್ಯುಸಿ ಆಗಿದ್ದಾರೆ. ಅದರ ನಡುವೆಯೂ ಅವರು ಅಭಿಮಾನಿಗಳಿಗಾಗಿ ಸಮಯ ನೀಡಿದ್ದಾರೆ.
ಇದನ್ನೂ ಓದಿ:
ಸಂಕ್ರಾಂತಿ ಹಬ್ಬದಲ್ಲಿ ಪುನೀತ್ ರಾಜ್ಕುಮಾರ್ ನೆನಪು; ಫ್ಯಾನ್ಸ್ ಜೊತೆ ಹೊಸ ಸುದ್ದಿ ಹಂಚಿಕೊಂಡ ಶಿವಣ್ಣ
ಓಟಿಟಿಯಲ್ಲಿ ನೋಡಬಹುದು ‘ಭಜರಂಗಿ 2’ ಸಿನಿಮಾ; ಶಿವರಾಜ್ಕುಮಾರ್ ಅಭಿಮಾನಿಗಳಿಗೆ ಗುಡ್ ನ್ಯೂಸ್