ಫಿನಾಲೆ ಹಂತದಲ್ಲಿ ‘ನನ್ನಮ್ಮ ಸೂಪರ್​ ಸ್ಟಾರ್​ 3’; ಏನಂತಾರೆ ಸೃಜನ್​ ಲೋಕೇಶ್​?

ಮಕ್ಕಳ ಮೂಲಕ ಮನರಂಜನೆ ನೀಡುವ ‘ನನ್ನಮ್ಮ ಸೂಪರ್​ ಸ್ಟಾರ್​’ (Nannamma Super Star) ಶೋಗೆ ದೊಡ್ಡ ಪ್ರೇಕ್ಷಕ ವರ್ಗ ಇದೆ. ಈಗ ಇದರ ಮೂರನೇ ಸೀಸನ್​ ನಡೆಯುತ್ತಿದೆ. ‘ಕಲರ್ಸ್​ ಕನ್ನಡ’ (Colors Kannada) ವಾಹಿನಿಯ ಈ ಜನಪ್ರಿಯ ಕಾರ್ಯಕ್ರಮ ಈಗ ಫಿನಾಲೆ ಸಮೀಪಿಸುತ್ತಿದೆ. ‘ಮೂರು ಸೀಸನ್​ಗಳನ್ನು ಮಾಡಿರುವುದು ಸುಲಭವಲ್ಲ. ಒಂದೇ ಮಾದರಿಯ ಕಾರ್ಯಕ್ರಮವನ್ನು ಜನರು ನೋಡಿ ಒಪ್ಪಿಕೊಂಡಿದ್ದಾರೆ ಎಂದಾಗ ಅವರಿಗೆ ಇನ್ನೂ ಜಾಸ್ತಿ ಮನರಂಜನೆ ನೀಡಬೇಕು ಎಂಬ ನಮ್ಮ ಜವಾಬ್ದಾರಿ ಹೆಚ್ಚಾಗುತ್ತದೆ. ಈ ಸೀಸನ್​ನಲ್ಲಿ ನಮಗೆ ಸಿಕ್ಕ ಮಕ್ಕಳು ತುಂಬ ಚೂಟಿ ಆಗಿದ್ದಾರೆ. ಫಿನಾಲೆ ಹಂತಕ್ಕೆ ಬಂದಿದ್ದೇವೆ. ಆರು ಜನ ಯಾರು ಫೈನಲಿಸ್ಟ್​ ಆಗುತ್ತಾರೆ ಎಂಬ ಕುತೂಹಲ ನಮಗೂ ಇದೆ’ ಎಂದು ಸೃಜನ್​ ಲೋಕೇಶ್​ (Srujan Lokesh) ಹೇಳಿದ್ದಾರೆ. ‘ಇಲ್ಲಿ ಮಕ್ಕಳ ಜೊತೆ ಇರಲು ಯಾವಾಗಲೂ ಖುಷಿ ಆಗುತ್ತದೆ. ಮಕ್ಕಳ ಜೊತೆ ಇದ್ದಾಗ ಒಂದಲ್ಲಾ ಒಂದು ಹೊಸದು ಕಲಿಯುತ್ತೇವೆ. ಮೂರು ಸೀಸನ್​ನಲ್ಲೂ ಕಲಿತಿದ್ದೇನೆ. ಆ ಬಗ್ಗೆ ನನಗೆ ಸಾರ್ಥಕ ಭಾವನೆ ಇದೆ’ ಎಂದು ನಟಿ ತಾರಾ ಅನುರಾಧಾ ಹೇಳಿದ್ದಾರೆ. ‘ಇದು ನನಗೆ ತುಂಬ ಒಳ್ಳೆಯ ಅನುಭವ. ಹಲವು ವರ್ಷಗಳ ಬಳಿಕ ನಾನು ಕಿರುತೆರೆಗೆ ವಾಪಸ್​ ಬಂದಿದ್ದೇ ಈ ಶೋ ಮೂಲಕ. ಮೂರು ಸೀಸನ್​ ಮೂಲಕ ಕರುನಾಡಿನ ಜನರ ಮನಸ್ಸು ಗೆದ್ದಿದ್ದೇವೆ’ ಎಂದು ನಟಿ ಅನು ಪ್ರಭಾಕರ್​ ಹೇಳಿದ್ದಾರೆ. ನಟಿ ಸುಷ್ಮಾ ಕೆ. ರಾವ್​ ಅವರು ಈ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.