ಅಮೇರಿಕಾದಲ್ಲೂ ಹೀಗಾಗುತ್ತೆ: ಆಪರೇಶನ್ ನಡೆಯುವಾಗ ಕಣ್ಣೀರು ಹಾಕಿದ್ದಕ್ಕೆ ಹಣ ತೆತ್ತ ಮಹಿಳೆ!
Updated on: Oct 03, 2021 | 6:41 AM
ಆಪರೇಷನ್ ನಡೆಯುವಾಗ ಏನನ್ನೋ ನೆನೆದು ಅವರ ಕಣ್ಣಲ್ಲಿ ನೀರು ಜಿನುಗಿದೆ. ಆ ಆಸ್ಪತ್ರೆಯವರಿಗೆ ಅಷ್ಟು ಸಾಕಿತ್ತು. ಆಸ್ಪತ್ರೆ ನೀಡಿದ ಬಿಲ್ ನಲ್ಲಿ ಮಿಜ್ ಕಣ್ಣೀರು ಹಾಕಿದ್ದಕ್ಕೆ 11 ಡಾಲರ್ಗಳನ್ನು ಸೇರಿಸಿದೆ!
ನೀವು ಜಗತ್ತಿನ ಅತಿ ಮುಂದುವರಿದ ರಾಷ್ಟ್ರವೆಂದು ಕರೆಸಿಕೊಳ್ಳುವ ಅಮೆರಿಕಾನಲ್ಲಿ ವಾಸವಾಗಿದ್ದೀರಾ? ಅಥವಾ ನಿಮ್ಮ ಸಂಬಂಧಿಕರಲ್ಲಿ ಯಾರಾದರೂ ಅಂಕಲ್ ಸ್ಯಾಮ್ನ ದೇಶದಲ್ಲಿದ್ದರೆ, ಅವರಿಗೆ ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳುವ ಸ್ಥಿತಿ ಎದುರಾಗಿದ್ದರೆ ಮತ್ತು ಅದನ್ನು ನೆನಸಿಕೊಂಡು ಅವರು ಆತಂಕಿತರಾಗಿ ಕಣ್ಣೀರು ಹಾಕುತ್ತಿದ್ದರೆ, ಕಣ್ಣೀರನ್ನೆಲ್ಲ ಮನೆಯಲ್ಲೇ ಬರಿದು ಮಾಡಿಕೊಂಡೇ ಆಸ್ಪತ್ರೆಗೆ ದಾಖಲಾಗುವಂತೆ ಅವರಿಗೆ ದಯವಿಟ್ಟು ಹೇಳಿ. ಇದೇನು ತಮಾಷೆ ಅಂತ ಕೋಪ ಮಾಡ್ಕೋಬೇಡಿ. ವಿಷಯವೇ ಹಾಗಿದೆ. ಅಮೇರಿಕಾದ ಆಸ್ಪತ್ರೆಯೊಂದರಲ್ಲಿ ಮಚ್ಚೆ ತೆಗೆಸಿಕೊಳ್ಳುವ ಒಂದು ಚಿಕ್ಕ ಆಪರೇಶನ್ಗೆ ಅಂತ ಮಹಿಳೆಯೊಬ್ಬರು ದಾಖಲಾಗಿದ್ದರು. ಅವರ ಹೆಸರು ಮಿಜ್ ಆಗಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಸಕ್ರಿಯರಾಗಿರುವ ಮಹಿಳೆಯಾಗಿದ್ದಾರೆ.
ಓಕೆ, ಆಪರೇಷನ್ ನಡೆಯುವಾಗ ಏನನ್ನೋ ನೆನೆದು ಅವರ ಕಣ್ಣಲ್ಲಿ ನೀರು ಜಿನುಗಿದೆ. ಆ ಆಸ್ಪತ್ರೆಯವರಿಗೆ ಅಷ್ಟು ಸಾಕಿತ್ತು. ಆಸ್ಪತ್ರೆ ನೀಡಿದ ಬಿಲ್ ನಲ್ಲಿ ಮಿಜ್ ಕಣ್ಣೀರು ಹಾಕಿದ್ದಕ್ಕೆ 11 ಡಾಲರ್ಗಳನ್ನು ಸೇರಿಸಿದೆ! ನಮ್ಮ ದೇಶದ ಕರೆನ್ಸಿಯಲ್ಲಾದರೆ ಸುಮಾರು 820 ರೂಪಾಯಿ. ಮಚ್ಚೆ ತೆಗೆಯುವುದಕ್ಕೆ 223 ಡಾಲರ್, ಅತ್ತಿದ್ದಕ್ಕೆ 11 ಡಾಲರ್ ಅಂತ ಬಿಲ್ನಲ್ಲಿ ಸ್ಪಷ್ಟವಾಗಿ ನಮೂದಿಸಲಾಗಿದೆ.
ಮಿಜ್, ಸದರಿ ಬಿಲ್ಲನ್ನು ಸೋಷಿಯಲ್ ಮೀಡಿಯಾನಲ್ಲಿ ಶೇರ್ ಮಾಡಿದ್ದಾರೆ. ನೆಟ್ಟಿಗರು ಅದನ್ನು ನೋಡಿ ಹೌಹಾರಿದ್ದಾರೆ. ಅವರಲ್ಲಿ ಹಲವು ಜನ ಆಸ್ಪತ್ರೆಯನ್ನು ತರಾಟೆಗೆ ತೆಗೆದುಕೊಂಡಿದ್ದರೆ ಇನ್ನೂ ಕೆಲವರು ತಾವು ಸಹ ಅಂಥ ಸಂದರ್ಭಗಳನ್ನು ಎದುರಿಸಿರುವ ಬಗ್ಗೆ ಹೇಳಿಕೊಂಡಿದ್ದಾರೆ.
Mole removal: $223
Crying: extra pic.twitter.com/4FpC3w0cXu— Midge (@mxmclain) September 28, 2021
ಸರ್ಜರಿಯ ನಂತರ ಆಸ್ಪತ್ರೆಯವರು ತನಗೆ ಒಂದು ಲಾಲಿಪಾಪ್ ಸಹ ಕೊಡಲಿಲ ಅಂತ ಮಿಜ್ ತಮ್ಮ ಇನ್ನೊಂದು ಟ್ವೀಟ್ನಲ್ಲಿ ಹೇಳಿಕೊಂಡಿದ್ದಾರೆ.
Is a lollipop too much to ask?
— Midge (@mxmclain) September 28, 2021
ಮಿಜ್ ಅವರಿ ಪೋಸ್ಟ್ ಕ್ಷಿಪ್ರಗತಿಯಲ್ಲಿ ವೈರಲ್ ಆಗಿ ಎರಡು ಲಕ್ಷಕ್ಕೂ ಹೆಚ್ಚು ಲೈಕ್ಗಳನ್ನು ಸಂಪಾದಿಸಿದೆ.
ಬೇರೆಯವರು ಹೀಗೆಲ್ಲ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.
I had a mole removed, asked Dr “ will it hurt when anaesthetic wears off?” She replied” what anaesthetic?” And promptly snipped it off with what looked like kitchen scissors! I couldn’t scream, my kids were behind the curtain ?
— Joanne Rowles (@jotheduke) September 29, 2021
ಮತ್ತೊಬ್ಬರು ಹೀಗೆ ಹೇಳಿದ್ದಾರೆ.
Any time my non-American friends complain about how “horrible” their medical system is in their country (e.g. Japan, France, UK, Sweden), I’m like, Mademoiselle, come to America first. We will charge you for having a “brief emotion.” https://t.co/kMmfRK3BN1
— ?JUPY!? plooshie queen ? (@jupy314) September 30, 2021
ಇದನ್ನೂ ಓದಿ: Navjot Singh Sidhu ನೈತಿಕತೆಯೊಂದಿಗೆ ರಾಜಿ ಮಾಡಲು ಸಾಧ್ಯವಿಲ್ಲ: ವಿಡಿಯೊ ಸಂದೇಶ ಬಿಡುಗಡೆ ಮಾಡಿದ ನವಜೋತ್ ಸಿಂಗ್ ಸಿಧು
