ವರಮಹಾಲಕ್ಷ್ಮಿ ಹಬ್ಬ: ಕೆಆರ್ ಮಾರ್ಕೆಟ್ನಲ್ಲಿ ಹೂವಿನ ವ್ಯಾಪಾರಿಗಳ ಜೊತೆ ಗ್ರಾಹಕ ಮಹಿಳೆಯರೂ ಖುಷ್!
ಖರೀದಿಗೆ ಅಂತ ಬಂದವರು ತಮ್ಮ ಅನುಭವವನ್ನು ಹಾಗೆ ಹೇಳಿಕೊಂಡರೆ ವ್ಯಾಪಾರಿಗಳ ಭಾರೀ ಸಂತಸದಲ್ಲಿದ್ದಾರೆ. ನಮ್ಮ ವರದಿಗಾರನೊಂದಿಗೆ ಮಾತಾಡಿರುವ ವ್ಯಾಪಾರಿ ಅನ್ನಪೂರ್ಣ ರಾತ್ರಿ 10 ಗಂಟೆಗೆ ಬಂದು ಇದುವರೆಗೆ ಒಂದು ಲಕ್ಷ ರೂ. ಮೌಲ್ಯದ ಹೂ ಮಾರಿದ್ದಾರೆ. ಪೀಣ್ಯ 2 ನೇ ಹಂತದಿಂದ ಬರುವ ಇನ್ನೊಬ್ಬ ಮಹಿಳಾ ವ್ಯಾಪಾರಿ ನಿನ್ನೆ ಸುರಿದ ಮಳೆಯಿಂದ ಹೂವು ಸ್ವಲ್ಪ ಹಾಳಾಗಿದೆ, ಹಾಕಿದ ಬಂಡವಾಳ ಬಂದಿದೆ ಎನ್ನುತ್ತಾರೆ. ಈ ವ್ಯಾಪಾರಿಗಳೆಲ್ಲ ಮುಂದಿನ ವಾರ ಹಬ್ಬ ಮಾಡುತ್ತಾರಂತೆ.
ಬೆಂಗಳೂರು, ಆಗಸ್ಟ್ 8: ಇವತ್ತು ವರಮಹಾಲಕ್ಷ್ಮಿ ಹಬ್ಬ. ನಗರದ ಕೆಆರ್ ಮಾರ್ಕೆಟ್ನಲ್ಲಿ (KR Market) ಹೂವು, ಹಣ್ಣು ಮತ್ತು ಬೇರೆ ಪೂಜಾ ಸಾಮಗ್ರಿಗಳ ವ್ಯಾಪಾರ ಜೋರಾಗಿ ನಡೆಯುತ್ತಿದೆ. ಹೂಮಾರುವವರು ನಿನ್ನೆ ರಾತ್ರಿ 10 ಗಂಟೆಯಿಂದಲೇ ಮಾರ್ಕೆಟ್ಗೆ ಬಂದು ವ್ಯಾಪಾರ ಆರಂಭಿಸಿದ್ದಾರೆ. ಗೃಹಿಣಿಯರು ಸುವಾಸನೆಭರಿತ ಹೂವುಗಳಿಗಾಗಿ ಹುಡುಕಾಟ ನಡೆಸಿದ್ದಾರೆ. ಮಲ್ಲಿಗೆ ಎಲ್ಲರಿಗೂ ಸಿಗುತ್ತಿದೆ, ಆದರೆ ಸಂಪಿಗೆ, ಜಾಜಿ, ಕನಕಾಂಬರ ಮೊದಲಾದ ಹೂಗಳು ಸಿಗುತ್ತಿಲ್ಲ ಎಂದು ಕಬ್ಬನ್ ಪೇಟೆಯ ಸೌಮ್ಯ ಹೇಳುತ್ತಾರೆ. ಕಳೆದ ವಾರಕ್ಕೆ ಹೋಲಿಸಿದರೆ ಈ ವಾರ ಎಲ್ಲ ಅಗತ್ಯ ವಸ್ತುಗಳ ಬೆಲೆ ಜಾಸ್ತಿಯೆಂದು ಬಹಳಷ್ಟು ಜನ ಹೇಳುತ್ತಿದ್ದಾರೆ. ಆದರೆ ಹಬ್ಬದ ಸಂತೆ ಮಾಡಲು ಬಂದಿರುವ ಡಾ ಅಶ್ವಥಾ ಅವರಿಗೆ ಬೆಲೆಗಳು ಹೆಚ್ಚು ಅನಿಸುತ್ತಿಲ್ಲ. ಹೊರಗಡೆ ಸಿಗುವ ವಸ್ತುಗಳ ಬೆಲೆಗೆ ಕಂಪೇರ್ ಮಾಡಿದರೆ ಕೆಅರ್ ಮಾರ್ಕೆಟ್ನಲ್ಲಿ ಕಡಿಮೆ ಎನ್ನುತ್ತಾರೆ.
ಇದನ್ನೂ ಓದಿ: Varamahalakshmi Festival 2025: ವರಮಹಾಲಕ್ಷ್ಮಿ ಹಬ್ಬದ ದಿನ ಮುತ್ತೈದೆಯರಿಗೆ ಹಸಿರು ಬಣ್ಣದ ಬಳೆಗಳನ್ನೇ ಕೊಡುವುದೇಕೆ
ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ