Video: ಕಾರು ಗುದ್ದಿದ್ದಕ್ಕೆ ನಾಯಿ ರಿವೇಂಜ್ ತೀರಿಸಿಕೊಂಡಿದ್ಹೇಗೆ ನೋಡಿ

ಕಾರೊಂದು ನಾಯಿಗೆ ಡಿಕ್ಕಿ ಹೊಡೆದಿದ್ದು, ಅದರ ಪ್ರತೀಕಾರವಾಗಿ ನಾಯಿ ತನ್ನ ಸ್ನೇಹಿತನ ಜತೆ ಸೇರಿ ಕಾರನ್ನು ಸ್ಕ್ರ್ಯಾಚ್ ಮಾಡಿರುವ ಘಟನೆ ಮಧ್ಯಪ್ರದೇಶದ ಸಾಗರ್​ನಲ್ಲಿ ನಡೆದಿದೆ. ಪ್ರಾಣಿಗಳ ಆಶ್ಚರ್ಯಕರ ನಡೆಯು ಜನರ ಗಮನ ಸೆಳೆದಿದೆ.

ಸಾಗರ್‌ನ ತಿರುಪತಿ ಪುರಂ ಕಾಲೋನಿಯ ನಿವಾಸಿ ಪ್ರಹ್ಲಾದ್ ಸಿಂಗ್ ಘೋಷಿ ಅವರು ತಮ್ಮ ಕುಟುಂಬದೊಂದಿಗೆ ಮಧ್ಯಾಹ್ನ 2 ಗಂಟೆಯ ಸುಮಾರಿಗೆ ಮದುವೆಗೆ ತೆರಳುತ್ತಿದ್ದಾಗ ಅವರ ಕಾರು ಆಕಸ್ಮಿಕವಾಗಿ ಅವರ ಮನೆಯಿಂದ ಸುಮಾರು 500 ಮೀಟರ್ ದೂರದಲ್ಲಿ ನಾಯಿಯೊಂದಕ್ಕೆ ಡಿಕ್ಕಿ ಹೊಡೆದಿದೆ. ನಾಯಿಗೇನು ಗಾಯಗಳಾಗಿರಲಿಲ್ಲ, ಬೊಗಳುತ್ತಾ ಸ್ವಲ್ಪ ದೂರ ಹಿಂಬಾಲಿಸಿ ಮರೆಯಾಗಿತ್ತು.

ಮಧ್ಯರಾತ್ರಿ 1 ಗಂಟೆ ಸುಮಾರಿಗೆ ಘೋಷಿ ಮನೆಗೆ ಹಿಂದಿರುಗಿದ್ದರು, ಕಾರನ್ನು ಹೊರಗಡೆ ನಿಲ್ಲಿಸಲಾಗಿತ್ತು, ನಾಯಿ ಕಾರಿನತ್ತ ಬಂದು ಬೇರೆ ನಾಯಿಯನ್ನು ಕರೆದುಕೊಂಡು ಬಂದು ಸಂಪೂರ್ಣವಾಗಿ ಸ್ಕ್ರ್ಯಾಚ್ ಮಾಡಿದೆ. ಈ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಗೀರುಗಳನ್ನು ಸರಿ ಮಾಡಲು 15 ಸಾವಿರ ರೂ. ಪಾವತಿಸುವಂತಾಯಿತು.

ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ