Vijay Prakash: ಕೇದಾರನಾಥ ದೇವಾಲಯದಲ್ಲಿ ‘ಓಂ ಶಿವೋಂ..’ ಹಾಡಿಗೆ ಧ್ವನಿಯಾದ ಗಾಯಕ ವಿಜಯ್​ ಪ್ರಕಾಶ್​

ಜನಪ್ರಿಯ ಹಿನ್ನೆಲೆ ಗಾಯಕ ವಿಜಯ್​ ಪ್ರಕಾಶ್​ (Vijay Prakash) ಅವರು ಸಾಕಷ್ಟು ಬ್ಯುಸಿ ಆಗಿದ್ದಾರೆ. ಅವರು ನೀಡಿದ ಸೂಪರ್​ ಹಿಟ್​ ಹಾಡುಗಳು ಅನೇಕ. ಅವರಿಗೆ ಅಧ್ಯಾತ್ಮದ ಕಡೆಗೂ ಸಖತ್​ ಒಲವು ಇದೆ. ಅದಕ್ಕೆ ಸಾಕ್ಷಿ ಎಂಬಂತೆ ಅವರೀಗ ಕೇದಾರನಾಥ ದೇವಾಲಯಕ್ಕೆ (Kedarnath temple) ಭೇಟಿ ನೀಡಿದ್ದಾರೆ. ಅಲ್ಲಿ ದೇವರ ಹಾಡು ಹೇಳುವ ಮೂಲಕ ಭಕ್ತಿ ಮೆರೆದಿದ್ದಾರೆ. ಕುಟುಂಬ ಸಮೇತರಾಗಿ ವಿಜಯ್​ ಪ್ರಕಾಶ್​ ಅವರು ಕೇದಾರನಾಥದಲ್ಲಿ ದೇವರ ದರ್ಶನ ಪಡೆದಿದ್ದಾರೆ. ಉತ್ತರಖಂಡದಲ್ಲಿರುವ ಈ ದೇವಾಲಯದಲ್ಲಿ ‘ಓಂ ಶಿವೋಂ..’ ಹಾಡಿನ ಮೂಲಕ ಪ್ರತಿನಿತ್ಯ ಪೂಜೆ ನಡೆಯುತ್ತದೆ. ವಿಜಯ್​ ಪ್ರಕಾಶ್​ ಕೂಡ ದೇವರ ಸನ್ನಿಧಿಯಲ್ಲಿ ‘ಓಂ ಶಿವೋಂ..’ (Om Shivoham) ಗೀತೆ ಹಾಡುವ ಮೂಲಕ ಪೂಜೆ ಸಲ್ಲಿಸಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.