ಬಿಗ್​ ಬಾಸ್​ನಲ್ಲಿ ಮೂರನೇ ವಾರದ ಎಲಿಮಿನೇಷನ್​​ನಿಂದ ಸೇಫ್​ ಆದ ವಿನಯ್​ ಗೌಡ

ಕಲರ್ಸ್​ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ ‘ಬಿಗ್​ ಬಾಸ್​ ಕನ್ನಡ ಸೀಸನ್​ 10’ (Bigg Boss Kannada Season 10) ರಿಯಾಲಿಟಿ ಶೋ ಈಗ ಮೂರನೇ ವಾರಕ್ಕೆ ಕಾಲಿಟ್ಟಿದೆ. ಈ ವಾರ ಯಾರು ಎಲಿಮಿನೇಟ್​ ಆಗುತ್ತಾರೆ ಎಂಬ ಕೌತುಕ ಮೂಡಿದೆ. 3ನೇ ವಾರದ ಎಲಿಮಿನೇಷನ್​ಗೆ (Bigg Boss Elimination) ವಿನಯ್​ ಗೌಡ, ಭಾಗ್ಯಶ್ರೀ, ಡ್ರೋನ್​ ಪ್ರತಾಪ್​, ಕಾರ್ತಿಕ್​ ಮಹೇಶ್​, ತನಿಶಾ ಕುಪ್ಪಂಡ, ಮೈಕೆಲ್​ ಅಜಯ್​, ಸ್ನೇಹಿತ್​ ಮತ್ತು ಈಶಾನಿ ಅವರು ನಾಮಿನೇಟ್​ ಆಗಿದ್ದರು. ಆದರೆ ಈಗ ವಿನಯ್​ ಗೌಡ ಅವರಿಗೆ ಮನೆಮಂದಿಯೆಲ್ಲ ವೋಟ್​ ನೀಡಿ ಬಚಾವ್​ ಮಾಡಿದ್ದಾರೆ.. ಹಾಗಾಗಿ ವಿನಯ್​ ಗೌಡ (Vinay Gowda) ಅವರು ಈ ವಾರ ಎಲಿಮಿನೇಟ್​ ಆಗುವುದಿಲ್ಲ. ತಮ್ಮ ರಫ್​ ಆ್ಯಂಡ್​ ಟಫ್​ ಸ್ವಭಾವದ ಕಾರಣಕ್ಕೆ ಅವರು ದೊಡ್ಮನೆಯಲ್ಲಿ ಗುರುತಿಸಿಕೊಂಡಿದ್ದಾರೆ. ಕೆಲವರಿಂದ ಅವರು ಟೀಕೆ ಎದುರಿಸಿದ್ದಾರೆ. ಅವರು ಸ್ಮೋಕಿಂಗ್​ ರೂಮ್​ ನಿಯಮವನ್ನು ಉಲ್ಲಂಘಿಸಿದ ಕಾರಣಕ್ಕೆ ಮನೆಮಂದಿಯೆಲ್ಲ ಶಿಕ್ಷೆ ಅನುಭವಿಸುವಂತೆ ಆಗಿತ್ತು. ಆದರೂ ಕೂಡ ಅವರು 3ನೇ ವಾರದ ಎಲಿಮಿನೇಷನ್​ನಿಂದ ಬಚಾವ್​ ಆಗಿದ್ದು ಅಚ್ಚರಿ ಮೂಡಿಸಿದೆ. ‘ಜಿಯೋ ಸಿನಿಮಾ’ ಮೂಲಕ ಬಿಗ್​ ಬಾಸ್​ ಶೋ 24 ಗಂಟೆಯೂ ಉಚಿತವಾಗಿ ವೀಕ್ಷಣೆಗೆ ಲಭ್ಯವಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.