ಶಂಕರ್ ನಾಗ್ ಮಗಳು ಚಿತ್ರರಂಗಕ್ಕೇಕೆ ಬಂದಿಲ್ಲ? ಉತ್ತರಿಸಿದ ಅನಂತ್ ನಾಗ್

ಕನ್ನಡ ಚಿತ್ರರಂಗದ ಖ್ಯಾತ ನಟ ಅನಂತ್ ನಾಗ್ ಅವರು ತಮ್ಮ ಸುದೀರ್ಘ ವೃತ್ತಿಜೀವನದ ಕುರಿತು ಹಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ‘ಈ ರೀತಿಯ ಪಾತ್ರವೇ ಬೇಕು ಎಂಬ ಅಪೇಕ್ಷೆ ಎಂದಿಗೂ ಇರಲಿಲ್ಲ. ಇಷ್ಟು ಚಿತ್ರಗಳು ಮತ್ತು ನಾಟಕಗಳಲ್ಲಿ ಕೆಲಸ ಮಾಡಿದ ನಂತರ ಅಂತಹ ಆಸೆಗಳು ಉಳಿದಿಲ್ಲ’ ಎಂದು ಹೇಳಿದ್ದಾರೆ. ತಮ್ಮ ಮಗಳು ಅಥವಾ ತಮ್ಮನ ಮಗಳು ಚಿತ್ರರಂಗಕ್ಕೆ ಬಾರದಿರಲು ಕಾರಣವನ್ನೂ ಅನಂತ್ ನಾಗ್ ವಿವರಿಸಿದರು. ‘ನಾನು ಚಿತ್ರರಂಗಕ್ಕೆ ಬಂದಿದ್ದು ಆಕಸ್ಮಿಕ. ಈ ಉದ್ಯಮದಲ್ಲಿ ಸ್ವರೂಪ ಬದಲಾವಣೆ ನಿರಂತರ. ಕಲಾವಿದರಿಗೆ ನಿರಂತರ ಕೆಲಸ ಸಿಗುವುದು ಕಷ್ಟಕರ. ಕೆಳ ಮಧ್ಯಮ ವರ್ಗದವರಿಗೆ ಆರ್ಥಿಕ ಸ್ಥಿರತೆ ಬಹಳ ಮುಖ್ಯ. ಹೀಗಾಗಿ ನಮ್ಮ ಕುಟುಂಬದವರು ಯಾರೂ ಇಲ್ಲಿ ಬಂದಿಲ್ಲ’ ಎಂದು ಅನಂತ್ ನಾಗ್ ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.