ಸಾವಿನ ವದಂತಿಗಳ ನಡುವೆ ಸಾರ್ವಜನಿಕವಾಗಿ ಕಾಣಿಸಿಕೊಂಡ ತಾಲಿಬಾನ್ ಮುಖ್ಯಸ್ಥ ಹೈಬತುಲ್ಲಾ ಅಖುಂಡಜಾದ

ಕಾಬೂಲ್: ತಾಲಿಬಾನ್‌ನ ಏಕಾಂಗಿ ಸರ್ವೋಚ್ಚ ನಾಯಕ, ಹೈಬತುಲ್ಲಾ ಅಖುಂಡಜಾದ (Haibatullah Akhundzada)  ದಕ್ಷಿಣ ನಗರವಾದ ಕಂದಹಾರ್‌ನಲ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾನೆ ಎಂದು ತಾಲಿಬಾನ್ ಮೂಲಗಳು ಭಾನುವಾರ ತಿಳಿಸಿದ್ದು, ಅವರ ಸಾವಿನ ವ್ಯಾಪಕ ವದಂತಿಗಳನ್ನು ಸುಳ್ಳು ಮಾಡಿದೆ. ನಿಷ್ಠಾವಂತ ನಾಯಕ ಅಥವಾ ಅಮೀರ್ ಉಲ್ ಮೊಮಿನೀನ್ ಎಂದು ಕರೆಯಲ್ಪಡುವ ಅಖುಂಡಜಾದ, ತಾಲಿಬಾನ್ ಆಗಸ್ಟ್ ನಲ್ಲಿ ದೇಶವನ್ನು ವಶಪಡಿಸಿಕೊಂಡ ನಂತರವೂ ಸಾರ್ವಜನಿಕವಾಗಿ ಕಾಣಿಸಿಕೊಂಡಿರಲಿಲ್ಲ. ಹಾಗಾಗಿ ಇದು ಊಹಾಪೋಹಗಳಿಗೆ ಕಾರಣವಾಗಿತ್ತು. ಶನಿವಾರ ಕಂದಹಾರ್‌ನಲ್ಲಿರುವ ಧಾರ್ಮಿಕ ಶಾಲೆಯಾದ ಜಾಮಿಯಾ ದಾರುಲ್ ಅಲೂಮ್ ಹಕಿಮಿಯಾಗೆ ಸರ್ವೋಚ್ಚ ನಾಯಕ  ಅಖುಂಡಜಾದ ಭೇಟಿ ನೀಡಿದ್ದರು ಎಂದು  ಅವರೊಂದಿಗೆ ಹಾಜರಿದ್ದ ಹಿರಿಯ ತಾಲಿಬಾನ್ ನಾಯಕ ರಾಯಿಟರ್ಸ್‌ಗೆ ತಿಳಿಸಿದರು.

ಯುಎಸ್ ನೇತೃತ್ವದ ಪಡೆಗಳು ಹಿಂತೆಗೆದುಕೊಂಡ ನಂತರ ಸೆಪ್ಟೆಂಬರ್‌ನಲ್ಲಿ ತಾಲಿಬಾನಿಗಳು ತನ್ನ ಮಧ್ಯಂತರ ಸರ್ಕಾರವನ್ನು ಅನಾವರಣಗೊಳಿಸುತ್ತಿದ್ದಂತೆ, ನಿಗೂಢ ಅಖುಂಡಜಾದ 2016 ರಿಂದ ಸರ್ವೋಚ್ಚ ನಾಯಕನ ಪಾತ್ರವನ್ನು ಉಳಿಸಿಕೊಂಡರು. ಇವರಿಗೆ ಗುಂಪಿನ ರಾಜಕೀಯ, ಧಾರ್ಮಿಕ ಮತ್ತು ಮಿಲಿಟರಿ ವ್ಯವಹಾರಗಳ ಮೇಲಿನ ಅಂತಿಮ ಅಧಿಕಾರವಿತ್ತು.

ಕೆಲವು ಅಧಿಕಾರಿಗಳ ಪ್ರಕಾರ ಅಖುಂಡಜಾದ ಅವರು ಈ ಹಿಂದೆ ಸಾರ್ವಜನಿಕವಾಗಿ ಪ್ರಕಟವಾಗದ ರೀತಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಮೇ 2016 ರಲ್ಲಿ ತಾಲಿಬಾನ್ ಟ್ವಿಟರ್ ಫೀಡ್‌ನಲ್ಲಿ ಪೋಸ್ಟ್ ಮಾಡಿದ ದಿನಾಂಕವಿಲ್ಲದ ಚಿತ್ರ ಮಾತ್ರ ರಾಯಿಟರ್ಸ್ ಅವರ ಬಗ್ಗೆ ಪರಿಶೀಲಿಸಲು ಸಾಧ್ಯವಾಯಿತು. ಈ ಹಿಂದೆ, ತಾಲಿಬಾನ್ ತಮ್ಮ ಸಂಸ್ಥಾಪಕ ಮತ್ತು ಮೂಲ ಸರ್ವೋಚ್ಚ ನಾಯಕ ಮುಲ್ಲಾ ಒಮರ್ ಅವರ ಸಾವನ್ನು ವರ್ಷಗಳವರೆಗೆ ದೃಢಪಡಿಸಿರಲಿಲ್ಲ.

ಇದನ್ನೂ ಓದಿ: 2022ರ ಅಂತ್ಯದ ಹೊತ್ತಿಗೆ 5ಬಿಲಿಯನ್​ ಡೋಸ್​ ಕೊರೊನಾ ಲಸಿಕೆ ಉತ್ಪಾದನೆ: ಜಿ20 ನಾಯಕರನ್ನುದ್ದೇಶಿಸಿ ಪ್ರಧಾನಿ ಮೋದಿ ಮಾತು