ಚೀನಾ ಶೃಂಗಸಭೆಯಲ್ಲಿ ಪುಟಿನ್ ಮಾತನಾಡಲು ಪ್ರಾರಂಭಿಸುತ್ತಿದ್ದಂತೆ ಹೊರನಡೆದ ಯುರೋಪಿಯನ್ ಪ್ರತಿನಿಧಿಗಳು

ಬೀಜಿಂಗ್ ಅಕ್ಟೋಬರ್ 19: ಬಹುಕೋಟಿ ಡಾಲರ್ ಮೂಲಸೌಕರ್ಯ ಯೋಜನೆಯಾದ ಬೆಲ್ಟ್ ಮತ್ತು ರೋಡ್ (BRI) ಯೋಜನೆಯನ್ನು ಆಚರಿಸಲು ಚೀನಾ (China) ಶೃಂಗಸಭೆಯನ್ನು ಆಯೋಜಿಸಿದೆ. ಚೀನಾ ಅಧ್ಯಕ್ಷ ಷಿ ಜಿನ್‌ಪಿಂಗ್ (Xi Jinping) ಬುಧವಾರ ಬೀಜಿಂಗ್‌ನ (Beijing) ಗ್ರೇಟ್ ಹಾಲ್ ಆಫ್ ಪೀಪಲ್‌ನಲ್ಲಿ ಹಲವಾರು ವಿಶ್ವ ನಾಯಕರು ಮತ್ತು 1,000 ಕ್ಕೂ ಹೆಚ್ಚು ಪ್ರತಿನಿಧಿಗಳ ಸಮ್ಮುಖದಲ್ಲಿ ಸಮಾರಂಭಕ್ಕೆ ಚಾಲನೆ ನೀಡಿದ್ದಾರೆ. ಅಷ್ಟೇ ಅಲ್ಲ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ (Vladimir Putin) ಅವರೊಂದಿಗೆ ವೇದಿಕೆ ಹಂಚಿಕೊಂಡರು. ಈ ವರ್ಷ ಹೀಗೆ ವೇದಿಕೆ ಹಂಚಿಕೊಂಡಿದ್ದು ಇದೇ ಮೊದಲು. ಆದಾಗ್ಯೂ ಪುಟಿನ್ ಅವರ ಭಾಷಣದ ಮೊದಲು, ಯುರೋಪಿಯನ್ ಪ್ರತಿನಿಧಿಗಳು ಸೇರಿದಂತೆ ಹಲವಾರು ಜನರು ಶೃಂಗಸಭೆಯಿಂದ ಹೊರನಡೆದಿದ್ದಾರೆ.

ಯುರೋಪಿಯನ್ ಜೀನ್-ಪಿಯರೆ ರಾಫರಿನ್, ಫ್ರಾನ್ಸ್‌ನ ಮಾಜಿ ಪ್ರಧಾನಿ ಮೊದಲಾದವರು ಸಮಾರಂಭದಿಂದ ಹೊರ ನಡೆದಿದ್ದಾರೆ ಎಂದು ಸುದ್ದಿ ಸಂಸ್ಥೆ ರಾಯಿಟರ್ಸ್ ವರದಿ ಮಾಡಿದೆ. ಪುಟಿನ್ ಅವರು ಷಿ ನಂತರ ತಮ್ಮ ಹೇಳಿಕೆಗಳನ್ನು ನೀಡಲು ಸಿದ್ಧರಾದಾಗ ರಾಫರಿನ್ ಮತ್ತು ಇತರ ಪ್ರತಿನಿಧಿಗಳು ಗ್ರೇಟ್ ಹಾಲ್‌ನಿಂದ ಹೊರಡುತ್ತಿರುವುದನ್ನು ಕಾರ್ಯಕ್ರಮದ ವಿಡಿಯೊದಲ್ಲಿ ಕಾಣುತ್ತದೆ.

ಭಾಷಣದಲ್ಲಿ ಪುಟಿನ್ ಚೀನಾದ ನಾಯಕರ ಆಹ್ವಾನಕ್ಕಾಗಿ ಧನ್ಯವಾದಗಳನ್ನು ಅರ್ಪಿಸಿದರು ಮತ್ತು ಪ್ರಾಚೀನ ಸಿಲ್ಕ್ ರೋಡ್ ಚೀನಾದ ಆಧುನಿಕ ದಿನದ ಪುನರುಜ್ಜೀವನದಲ್ಲಿ ರಷ್ಯಾ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಹೇಳಿದರು.

“ರಷ್ಯಾ ಮತ್ತು ಚೀನಾ ಪ್ರಪಂಚದ ಹೆಚ್ಚಿನ ದೇಶಗಳಂತೆ, ನಾಗರಿಕತೆಯ ವೈವಿಧ್ಯತೆ ಮತ್ತು ಪ್ರತಿ ರಾಜ್ಯವು ತನ್ನದೇ ಆದ ಅಭಿವೃದ್ಧಿ ಮಾದರಿಯ ಹಕ್ಕನ್ನು ಗೌರವಿಸುತ್ತಾ, ಸಾರ್ವತ್ರಿಕ ಸುಸ್ಥಿರ ಮತ್ತು ದೀರ್ಘಕಾಲೀನ ಆರ್ಥಿಕ ಪ್ರಗತಿ ಮತ್ತು ಸಾಮಾಜಿಕ ಯೋಗಕ್ಷೇಮವನ್ನು ಸಾಧಿಸಲು ಸಮಾನ, ಪರಸ್ಪರ ಪ್ರಯೋಜನಕಾರಿ ಸಹಕಾರದ ಬಯಕೆಯನ್ನು ಹಂಚಿಕೊಳ್ಳುತ್ತವೆ ಎಂದು ರಷ್ಯಾದ ಅಧ್ಯಕ್ಷರು ಹೇಳಿದ್ದಾರೆ.

ಉಕ್ರೇನ್‌ನಿಂದ ರಷ್ಯಾಕ್ಕೆ ಮಕ್ಕಳನ್ನು ಅಕ್ರಮವಾಗಿ ಗಡೀಪಾರು ಮಾಡಿದ್ದಕ್ಕಾಗಿ ಮಾರ್ಚ್‌ನಲ್ಲಿ ಅಂತರರಾಷ್ಟ್ರೀಯ ಕ್ರಿಮಿನಲ್ ಕೋರ್ಟ್ (ಐಸಿಸಿ) ಅವರ ವಿರುದ್ಧ ಬಂಧನ ವಾರಂಟ್ ಹೊರಡಿಸಿದ ನಂತರ ಅವರು ವಿದೇಶದಲ್ಲಿ ತಿಳಿದಿರುವ ಎರಡನೇ ಪ್ರವಾಸದಲ್ಲಿ ಅವರು ಮಂಗಳವಾರ ಬೀಜಿಂಗ್‌ಗೆ ಆಗಮಿಸಿದರು.

ಪುಟಿನ್ ಅವರನ್ನು ಬಂಧಿಸಲಾಗದ ಕೆಲವೇ ಸ್ಥಳಗಳಲ್ಲಿ ಚೀನಾ ಕೂಡ ಒಂದು, ಏಕೆಂದರೆ ಅದು ಐಸಿಸಿ ರಾಜ್ಯವಲ್ಲ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ