Mrs World 2022: ಬೆಸ್ಟ್ ನ್ಯಾಷನಲ್​​ ಕಾಸ್ಟ್ಯೂಮ್​ ಪ್ರಶಸ್ತಿ ಗೆದ್ದ ಮಿಸೆಸ್​ ವರ್ಲ್ಡ್​ 2022 ಸ್ಪರ್ಧಿ ನವದೀಪ್​ ಕೌರ್​

2021ರ ಮಿಸೆಸ್ ಇಂಡಿಯಾ ಪಟ್ಟ ಗೆದ್ದು ಲಾಸ್​ ವೇಗಾಸ್​ನಲ್ಲಿ ನಡೆಯುತ್ತಿರುವ ಮಿಸೆಸ್​ ವರ್ಲ್ಡ್​ 2022ರ ಸ್ಪರ್ಧೆಗೆ ಆಯ್ಕೆಯಾಗಿರುವ ಭಾರತದ ನವದೀಪ್​ ಕೌರ್​ ಮಿಸೆಸ್​ ವರ್ಲ್ಡ್ ಸ್ಪರ್ಧೆಯಲ್ಲಿ ನಡೆದ ಬೆಸ್ಟ್​ ನ್ಯಾಷನಲ್​ ಕಾಸ್ಟ್ಯೂಮ್​​ ಸ್ಪರ್ಧೆಯಲ್ಲಿ ವಿಜೇತರಾಗಿದ್ದಾರೆ. ಕುಂಡಲಿನಿ ಚಕ್ರದ ವೇಷಭೂಷಣ ಧರಿಸಿ ಪ್ರಶಸ್ತಿ ಗೆದ್ದಿದ್ದಾರೆ.  ಈ ವಸ್ತ್ರವಿನ್ಯಾಸವನ್ನು ಕಲಾವಿದ ಎಗ್ಗಿ ಜಾಸ್ಮಿನ್ ಕೌರ್​ ವಿನ್ಯಾಸಗೊಳಿಸಿದ್ದಾರೆ. ಈ ವಿಶೇಷ ವಸ್ತ್ರ ವಿನ್ಯಾಸವನ್ನು ಧರಿಸಿದ ಫೋಟೋವನ್ನು ನವದೀಪ್​ ಕೌರ್​ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಫೋಟೋ ಶೇರ್​ ಮಾಡಿದ ಅವರು ಉಡುಗೆಯ ಬಗ್ಗೆ ಚಕ್ರವು ತಲೆಯ ಮೇಲೆ ಧರಿಸಿದ ಕಿರೀಟದ ಬುಡದಿಂದ ಬೆನ್ನುಮೂಳೆಯವರೆಗೆ ದೇಹದ ಶಕ್ತಿಯ ಚಲನೆಯನ್ನು ಸಂಕೇತಿಸುತ್ತದೆ ಎಂದು ತಮ್ಮ ಉಡುಪಿನ ಅರ್ಥವನ್ನು ಹೇಳಿದ್ದಾರೆ. ನವದೀಪ್​ ಕವರ್​ ಅವರು ಧರಿಸಿರುವ ಚಿನ್ನದ ವೇಷಭೂಷಣದಲ್ಲಿ ದೈತ್ಯಾಕಾರದ ಸರ್ಪದ ಆಕೃತಿಯನ್ನು ತಲೆಯ ಇಟ್ಟುಕೊಂಡಿರುವುದನ್ನು ಕಾಣಬಹದು. ಜತೆಗೆ ಹಾವಿನ ಬೆತ್ತದ ಜೊತೆಗೆ ಚಿನ್ನದ ಬಣ್ಣದಲ್ಲಿ ಉಡುಗೆಯನ್ನು ಧರಿಸಿದ್ದಾರೆ.

ಮಿಸೆಸ್​ ವರ್ಲ್ಡ್​ ಸ್ಪರ್ಧೆಯಲ್ಲಿ ದೇಶವನ್ನು ಪ್ರತಿನಿಧಿಸುವ ವೇಷಭೂಷಣ ರೌಂಡ್​ನಲ್ಲಿ ಕುಂಡಲಿನಿ ಚಕ್ರದ ಉಡುಪನ್ನು ನವದೀಪ್​ ಕೌರ್​ ಧರಿಸಿದ್ದಾರೆ. ಕುಂಡಲಿನಿ ಚಕ್ರ ಮಾನವನ ದೇಹದ ವಿವಿಧ ಸಕಾರಾತ್ಮಕ ಗುಣಗಳನ್ನು ಪ್ರಚೋದಿಸುತ್ತದೆ ಎಂದು ಪೋಸ್ಟ್​ನಲ್ಲಿ ಬರೆದುಕೊಂಡಿದ್ದಾರೆ. ಈ ಕುರಿತು ಅವರು ಅಧಿಕೃತ ಇನ್ಸ್ಟಾಗ್ರಾಮ್​  ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.  ಯಾವುದೆ ಪ್ಯಾಷನ್​ ಜಗತ್ತಿನ ಹಿನ್ನಲೆಯಿಲ್ಲದೆ  ಬಂದ ನವದೀಪ್​ ಒಡಿಶಾ, ಮೂಲದ ರೋರ್ಕೆಲಾದವರು. 2021ರಲ್ಲಿ ಮಿಸಸ್​ ಇಂಡಿಯಾ ಪಟ್ಟವನ್ನು ಗೆದ್ದು ಬೀಗಿದ್ದ ನವದೀಪ್​ ಕೌರ್​ ಅವರು  2022ರ ಮಿಸಸ್​ ವರ್ಲ್ಡ್​ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದಾರೆ, ಇದೀಗ ಸ್ಪರ್ಧೆಯಲ್ಲಿ ಅತ್ಯುತ್ತಮ ವೇಷಭೂಷಣ ಪ್ರಶಸ್ತಿಯನ್ನು ಗೆದ್ದಿದ್ದು, ಮಿಸಸ್​ ವರ್ಲ್ಡ್​ ಪಟ್ಟವನ್ನೂ ಗೆಲ್ಲುತ್ತಾರಾ ಎನ್ನುವ ಕುತೂಹಲ ಹೆಚ್ಚಾಗಿದೆ.

ಇದನ್ನೂ ಓದಿ:

ಆಸ್ಕರ್​ ಸಮಾರಂಭ ನಿರೂಪಣೆ ಮಾಡ್ತಾರಾ ಸೆಲೆನಾ ಗೊಮೆಜ್​? ಕೇಳಿಬರ್ತಿವೆ ಹಲವರ ಹೆಸರು​