ಮಾರುತಿ ಡಿಜೈರ್ ಬಳಿಕ 5-ಸ್ಟಾರ್ ಸೇಫ್ಟಿ ಕ್ಲಬ್‌ಗೆ ಸೇರಿದೆ ಮತ್ತೊಂದು ಆಕರ್ಷಕ ಕಾರು: ಯಾವುದು?

ಇತ್ತೀಚಿನ ದಿನಗಳಲ್ಲಿ ದೇಶದಲ್ಲಿ ಬಿಡುಗಡೆ ಆಗುವ ಹಲವು ಕಾರುಗಳು ಒಂದರ ಹಿಂದೆ ಒಂದರಂತೆ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆಯುತ್ತಿವೆ. ಏತನ್ಮಧ್ಯೆ, ಭಾರತ್ ಎನ್‌ಸಿಎಪಿ ದೇಶದೊಳಗೆ ಕೂಡ ಕೆಲಸ ಮಾಡಲು ಪ್ರಾರಂಭಿಸಿದೆ. ಇತ್ತೀಚೆಗೆ, ಮಾರುತಿ ಹೊಸದಾಗಿ ಬಿಡುಗಡೆ ಮಾಡಿದ ಡಿಜೈರ್ ಇಂಡಿಯಾ NCAP ನಿಂದ 5-ಸ್ಟಾರ್ ರೇಟಿಂಗ್ ಅನ್ನು ಪಡೆದುಕೊಂಡಿತು. ಇದೀಗ ಸ್ಕೋಡಾದ ಹೊಸ ಎಸ್​ಯುವಿ ಕೂಡ ಈ ಕ್ಲಬ್‌ಗೆ ಸೇರಿದೆ.

ಸ್ಕೋಡಾ ಆಟೋ ಇಂಡಿಯಾದಿಂದ ಕೆಲವು ಸಮಯದ ಹಿಂದೆ ಬಿಡುಗಡೆ ಮಾಡಿದ ಸ್ಕೋಡಾ ಕೈಲಾಕ್‌ಗೆ ಭಾರತ್ ಎನ್‌ಸಿಎಪಿ 5-ಸ್ಟಾರ್ ರೇಟಿಂಗ್ ನೀಡಿದೆ. ಕ್ರ್ಯಾಶ್ ಟೆಸ್ಟ್‌ನಲ್ಲಿ, ಈ ಕಾರು ವಯಸ್ಕ ಮತ್ತು ಮಕ್ಕಳ ಪ್ರಯಾಣಿಕರಿಗೆ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಸ್ಕೋಡಾ ಕೈಲಾಕ್ ಒಂದು ಕಾಂಪ್ಯಾಕ್ಟ್ SUV ಆಗಿದ್ದು, ಇದು ದೇಶದ ಮೊದಲ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಕಾರ್ ಟಾಟಾ ನೆಕ್ಸಾನ್‌ನೊಂದಿಗೆ ಮಾರುಕಟ್ಟೆಯಲ್ಲಿ ಸ್ಪರ್ಧಿಸುತ್ತದೆ.

ಯಾವ ವರ್ಗದಲ್ಲಿ ಎಷ್ಟು ಸುರಕ್ಷಿತ?:

32 ರಲ್ಲಿ 30.88 ಅಂಕಗಳೊಂದಿಗೆ ವಯಸ್ಕ ನಿವಾಸಿಗಳ ವಿಭಾಗದಲ್ಲಿ ಸ್ಕೋಡಾ ಕೈಲಾಕ್ ಅನ್ನು ಸುರಕ್ಷಿತವೆಂದು ಪರಿಗಣಿಸಲಾಗಿದೆ. ಈ ಮೂಲಕ ಕಾರಿನ ಸ್ಕೋರ್ 97 ಪ್ರತಿಶತ ಬಂದಿದೆ. ಅದೇ ಸಮಯದಲ್ಲಿ, ಈ ಕಾರನ್ನು ಮಕ್ಕಳ ಸುರಕ್ಷತೆಗೆ ಸಂಬಂಧಿಸಿದ 49 ಸ್ಕೋರ್​ನಲ್ಲಿ 45 ಅಂಶಗಳು ಸುರಕ್ಷಿತವೆಂದು ಪರಿಗಣಿಸಲಾಗಿದೆ. ಈ ವಿಭಾಗದಲ್ಲಿ ಇದರ ಸುರಕ್ಷತೆಯ ಸ್ಕೋರ್ 92 ಪ್ರತಿಶತ. ಈ ಮೂಲಕ ಸ್ಕೋಡಾ ಕೈಲಾಕ್ ದೇಶದ ಅತ್ಯಂತ ಸುರಕ್ಷಿತ ಕಾರು ಎನಿಸಿಕೊಂಡಿದೆ ಎಂದು ಕಂಪನಿ ಹೇಳಿದೆ.

EV Cars Mileage Tips: ಎಲೆಕ್ಟ್ರಿಕ್ ಕಾರುಗಳ ಮೈಲೇಜ್ ಹೆಚ್ಚಿಸಲು ಏನು ಮಾಡಬೇಕು?, ಇಲ್ಲಿದೆ ನೋಡಿ ಟಿಪ್ಸ್

ಒಟ್ಟಾರೆ ಸುರಕ್ಷತೆ ರೇಟಿಂಗ್:

ಸ್ಕೋಡಾ ಕೈಲಾಕ್ ಕಾರು ಒಟ್ಟಾರೆ ಸುರಕ್ಷತೆಯ 13 ಪ್ಯಾರಾಮೀಟರ್‌ಗಳಲ್ಲಿ 9 ರಲ್ಲಿ ಪರಿಪೂರ್ಣವಾಗಿದೆ ಎಂದು ಕಂಡುಬಂದಿದೆ. ಈ ರೀತಿಯಾಗಿ, ಈ ಕಾರು ತನ್ನಲ್ಲಿ ಕುಳಿತಿರುವ ಪ್ರಯಾಣಿಕರಿಗೆ ಅಪಾರ ಸುರಕ್ಷತೆಯನ್ನು ಒದಗಿಸುತ್ತದೆ. ಸ್ಕೋಡಾ ಕೈಲಾಕ್‌ನಲ್ಲಿ ಕಂಪನಿಯು 6 ಏರ್‌ಬ್ಯಾಗ್‌ಗಳನ್ನು ಪ್ರಮಾಣಿತವಾಗಿ ನೀಡುತ್ತದೆ. ಇದಲ್ಲದೆ, ಈ ಕಾರಿನಲ್ಲಿ 25 ಕ್ಕೂ ಹೆಚ್ಚು ಸುರಕ್ಷತಾ ವೈಶಿಷ್ಟ್ಯಗಳು ಸ್ಟ್ಯಾಂಡರ್ಡ್ ಆಗಿ ಲಭ್ಯವಿದೆ. ಇದು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಹಿಲ್ ಹೋಲ್ಡ್ ಕಂಟ್ರೋಲ್, ಮಲ್ಟಿ ಕೊಲಿಶನ್ ಬ್ರೇಕಿಂಗ್ ಮತ್ತು XDS+ ಸುಪೀರಿಯರ್ ಕ್ರ್ಯಾಶ್ ರೆಸಿಲಿಯನ್ಸ್‌ನಂತಹ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

Safety ratings of Skoda-Kylaq.

The Skoda- Kylaq has scored 5-Star Safety Ratings in both Adult Occupant Protection (AOP) and Child Occupant Protection (COP) in the latest Bharat NCAP crash tests.#bharatncap #safetyfirst #safetybeyondregulations #morestarssafercars pic.twitter.com/PLyVhEMFcR

— Bharat NCAP (@bncapofficial) January 15, 2025

ಸ್ಕೋಡಾ ಕೈಲಾಕ್ 1.0 ಲೀಟರ್ TSI ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದ್ದು, ಇದು 85 kW ಗರಿಷ್ಠ ಶಕ್ತಿಯನ್ನು ಮತ್ತು 178 ನ್ಯೂಟನ್ ಮೀಟರ್‌ಗಳ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. 6 ಸ್ಪೀಡ್ ಮ್ಯಾನುವಲ್ ಜೊತೆಗೆ 6 ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಆಯ್ಕೆಗಳನ್ನು ಹೊಂದಿರುತ್ತದೆ. ಮೈಲೇಜ್ ವಿಚಾರದಲ್ಲೂ ಕೈಲಾಕ್ ಉತ್ತಮವಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಕಂಪನಿಯು ಸ್ಕೋಡಾ ಕೈಲಾಕ್ ಅನ್ನು ರೂ. 7.89 ಲಕ್ಷದ ಆರಂಭಿಕ ಬೆಲೆಗೆ ಬಿಡುಗಡೆ ಮಾಡಿದೆ.

ಪ್ರಸ್ತುತ, 4 ಮೀಟರ್‌ಗಿಂತ ಚಿಕ್ಕದಾದ ಎಸ್‌ಯುವಿಗಳು ಹೆಚ್ಚು ಮಾರಾಟವಾಗುತ್ತವೆ. ಸ್ಕೋಡಾ ಆಟೋ ಇಂಡಿಯಾ ಇದುವರೆಗೆ ಕುಶಾಕ್ ಮೂಲಕ ಮಧ್ಯಮ ಗಾತ್ರದ ಎಸ್‌ಯುವಿ ಮತ್ತು ಸ್ಲಾವಿಯಾ ಮೂಲಕ ಮಧ್ಯಮ ಗಾತ್ರದ ಸೆಡಾನ್ ವಿಭಾಗದಲ್ಲಿ ಸಕ್ರಿಯವಾಗಿತ್ತು, ಈಗ ಈ ಕಂಪನಿಯು ಕೈಲಾಕ್ ಮೂಲಕ ಉಪ-4 ಮೀಟರ್ ಕಾಂಪ್ಯಾಕ್ಟ್ ಎಸ್‌ಯುವಿ ವಿಭಾಗಕ್ಕೆ ಪ್ರವೇಶಿಸಿದೆ.

ಅಟೋಮೊಬೈಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 4:19 pm, Thu, 16 January 25