Mercedes G 450d: ಮರ್ಸಿಡಿಸ್-ಬೆನ್ಜ್ನಿಂದ ಅತ್ಯಂತ ಶಕ್ತಿಶಾಲಿ ಎಸ್ಯುವಿ ಬಿಡುಗಡೆ: ಇದರ ಬೆಲೆ 2.90 ಕೋಟಿ
Mercedes-Benz G 450d Launched: ಈ ಕಾರು 12.3-ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು 12.3-ಇಂಚಿನ ಇನ್ಫೋಟೈನ್ಮೆಂಟ್ ಟಚ್ಸ್ಕ್ರೀನ್ ಅನ್ನು ಪಡೆಯುತ್ತದೆ. ಇದು ಕಂಪನಿಯ ಇತ್ತೀಚಿನ MBUX NTG7 ಸಾಫ್ಟ್ವೇರ್ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ಟ್ರಾನ್ಸ್ಫರೆಂಟ್ ಬಾನೆಟ್ ಕಾರ್ಯವನ್ನು ಸಹ ಒಳಗೊಂಡಿದೆ. ಈ ಹೊಸ SUV ಯನ್ನು ಮರ್ಸಿಡಿಸ್-ಬೆನ್ಜ್ ನ ಇದುವರೆಗಿನ ಅತ್ಯಂತ ಶಕ್ತಿಶಾಲಿ ಡೀಸೆಲ್ SUV ಎಂದು ಪರಿಗಣಿಸಲಾಗಿದೆ.
Updated on:Oct 13, 2025 | 6:05 PM
ಬೆಂಗಳೂರು (ಅ. 13): ಮರ್ಸಿಡಿಸ್-ಬೆನ್ಜ್ ಇಂಡಿಯಾ (Mercedes-Benz) ತನ್ನ ಜಿ-ಕ್ಲಾಸ್ ಶ್ರೇಣಿಯಲ್ಲಿ ಹೊಸ ಡೀಸೆಲ್ ರೂಪಾಂತರವನ್ನು ಬಿಡುಗಡೆ ಮಾಡಿದೆ. ಜಿ 450ಡಿ ಬೆಲೆ ಬರೋಬ್ಬರಿ 2.90 ಕೋಟಿ ರೂ.. ಹೊಸ ಮರ್ಸಿಡಿಸ್-ಬೆನ್ಜ್ ಜಿ 450ಡಿ 3.0-ಲೀಟರ್ ಇನ್ಲೈನ್-ಸಿಕ್ಸ್ ಡೀಸೆಲ್ ಎಂಜಿನ್ನಿಂದ 48ವಿ ಮೈಲ್ಡ್-ಹೈಬ್ರಿಡ್ ಸಿಸ್ಟಮ್ನೊಂದಿಗೆ ಜೋಡಿಸಲ್ಪಟ್ಟಿದೆ. ಈ ಮಾದರಿಯು ಅಸ್ತಿತ್ವದಲ್ಲಿರುವ ಪೆಟ್ರೋಲ್ ಮತ್ತು ಎಲೆಕ್ಟ್ರಿಕ್ ರೂಪಾಂತರಗಳಿಗೆ ಹೊಸ ಪರ್ಯಾಯವಾಗಿದೆ. ಈ ಹೊಸ SUV ಯನ್ನು ಮರ್ಸಿಡಿಸ್-ಬೆನ್ಜ್ ನ ಇದುವರೆಗಿನ ಅತ್ಯಂತ ಶಕ್ತಿಶಾಲಿ ಡೀಸೆಲ್ SUV ಎಂದು ಪರಿಗಣಿಸಲಾಗಿದೆ.
ಇದು G-Class ನ ವಿಶಿಷ್ಟ ಲಕ್ಷಣವಾಗಿರುವ ಅದೇ ಲ್ಯಾಡರ್-ಫ್ರೇಮ್ ಚಾಸಿಸ್ ಮತ್ತು ಆಫ್-ರೋಡ್ ಸೆಟಪ್ ಅನ್ನು ಉಳಿಸಿಕೊಂಡಿದೆ, ಜೊತೆಗೆ ಸುಧಾರಿತ ಚಾಲನಾ ಸಹಾಯ ವ್ಯವಸ್ಥೆಗಳನ್ನು ಹೊಂದಿದೆ. ಇದು ಇಂಟಿಗ್ರೇಟೆಡ್ ಸ್ಟಾರ್ಟರ್ ಜನರೇಟರ್ (ISG) ಅನ್ನು ಕೂಡ ಹೊಂದಿದೆ, ಇದು ಕಡಿಮೆ ವೇಗದಲ್ಲಿ ಎಂಜಿನ್ಗೆ 20 bhp ವರೆಗೆ ವಿದ್ಯುತ್ ಶಕ್ತಿಯನ್ನು ಒದಗಿಸುತ್ತದೆ, ಪಿಕಪ್ (ಥ್ರೊಟಲ್ ಪ್ರತಿಕ್ರಿಯೆ) ಮತ್ತು ಇಂಧನ ದಕ್ಷತೆಯನ್ನು ಸುಧಾರಿಸುತ್ತದೆ.
ಮರ್ಸಿಡಿಸ್-ಬೆನ್ಜ್ ಜಿ-ಕ್ಲಾಸ್ SUV ಯ ವೈಶಿಷ್ಟ್ಯಗಳು:
- ಎಂಜಿನ್ ಸಾಮರ್ಥ್ಯ- 2,989 ಸಿಸಿ
- ಎಂಜಿನ್- 3.0-ಲೀಟರ್ ಇನ್ಲೈನ್-6 ಡೀಸೆಲ್ ಎಂಜಿನ್ ಜೊತೆಗೆ ಸೌಮ್ಯ-ಹೈಬ್ರಿಡ್ ವ್ಯವಸ್ಥೆ
- ಶಕ್ತಿ- 362 ಬಿಎಚ್ಪಿ
- ಟಾರ್ಕ್- 750 ಎನ್ಎಂ
- 0 ರಿಂದ 100 ಕಿಮೀ/ಗಂ- 5.8 ಸೆಕೆಂಡುಗಳಲ್ಲಿ
- ಗರಿಷ್ಠ ವೇಗ- ಗಂಟೆಗೆ 210 ಕಿ.ಮೀ.
- ಡ್ರೈವ್ ಸಿಸ್ಟಮ್- ಆಲ್-ವೀಲ್ ಡ್ರೈವ್ (ಎಲ್ಲಾ ಚಕ್ರಗಳಿಗೆ ಪವರ್)
- ಗ್ರೌಂಡ್ ಕ್ಲಿಯರೆನ್ಸ್- 241 ಮಿ.ಮೀ.
- ಫೋರ್ಡಿಂಗ್ ಡೆಪ್ತ್- 70 ಸೆಂ.ಮೀ.
Maruti Suzuki: ದೀಪಾವಳಿಯ ಬಂಪರ್ ಕೊಡುಗೆ: ಮಾರುತಿ ಕಾರುಗಳ ಬೆಲೆ ಇಷ್ಟೊಂದು ಕಡಿಮೆ
ಆಫ್-ರೋಡ್ ಮತ್ತು ಕಾರ್ಯಕ್ಷಮತೆ?
G 450d ಲ್ಯಾಡರ್-ಫ್ರೇಮ್ ಬಾಡಿ, ಮೂರು ಡಿಫರೆನ್ಷಿಯಲ್ ಲಾಕ್ಗಳು, ಅಟೋ ಮುಂಭಾಗದ ಸಸ್ಪೆನ್ಷನ್ ಮತ್ತು ಬಲವರ್ಧಿತ ಹಿಂಭಾಗದ ಆಕ್ಸಲ್ ಅನ್ನು ಒಳಗೊಂಡಿದೆ. ಅಡಾಪ್ಟಿವ್ ಡ್ಯಾಂಪರ್ಗಳು ಪ್ರಮಾಣಿತವಾಗಿದ್ದು, ಈ SUV ತನ್ನ ಅತ್ಯುತ್ತಮ ಆಫ್-ರೋಡ್ ಸಾಮರ್ಥ್ಯಗಳನ್ನು ಕಾಪಾಡಿಕೊಳ್ಳುವುದನ್ನು ಖಚಿತಪಡಿಸುತ್ತದೆ.
ಈ ಕಾರು 12.3-ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು 12.3-ಇಂಚಿನ ಇನ್ಫೋಟೈನ್ಮೆಂಟ್ ಟಚ್ಸ್ಕ್ರೀನ್ ಅನ್ನು ಪಡೆಯುತ್ತದೆ. ಇದು ಕಂಪನಿಯ ಇತ್ತೀಚಿನ MBUX NTG7 ಸಾಫ್ಟ್ವೇರ್ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ಟ್ರಾನ್ಸ್ಫರೆಂಟ್ ಬಾನೆಟ್ ಕಾರ್ಯವನ್ನು ಸಹ ಒಳಗೊಂಡಿದೆ. ಈ ಕಾರಿಗೆ ಹೊಸದಾಗಿ ವಿನ್ಯಾಸಗೊಳಿಸಲಾದ ಮುಂಭಾಗ ಮತ್ತು ಹಿಂಭಾಗದ ಬಂಪರ್ಗಳು ಲಭ್ಯವಿದ್ದು, ಇದು ಹೊಸ ಅನುಭವವನ್ನು ನೀಡುತ್ತದೆ.
ಈ ಕಾರು ನಪ್ಪಾ ಲೆದರ್ ಅಪ್ಹೋಲ್ಸ್ಟರಿ, ಕಸ್ಟಮೈಸ್ ಮಾಡಬಹುದಾದ ಆಂಬಿಯೆಂಟ್ ಲೈಟಿಂಗ್ ಮತ್ತು ಡಾಲ್ಬಿ ಅಟ್ಮಾಸ್ನೊಂದಿಗೆ 760W 18-ಸ್ಪೀಕರ್ ಬರ್ಮೆಸ್ಟರ್ ಸೌಂಡ್ ಸಿಸ್ಟಮ್ನೊಂದಿಗೆ ಬರುತ್ತದೆ. ಈ ಮರ್ಸಿಡಿಸ್ ಕಾರು ಸುರಕ್ಷತೆಗಾಗಿ ಲೆವೆಲ್ 2 ADAS ಸೂಟ್ನೊಂದಿಗೆ ಬರುತ್ತದೆ, ಇದರಲ್ಲಿ ಸಕ್ರಿಯ ಬ್ರೇಕ್ ಅಸಿಸ್ಟ್, ಲೇನ್-ಕೀಪಿಂಗ್ ಅಸಿಸ್ಟ್ ಮತ್ತು 360-ಡಿಗ್ರಿ ಕ್ಯಾಮೆರಾವನ್ನು ಪ್ರಮಾಣಿತವಾಗಿ ಒಳಗೊಂಡಿದೆ.
ಅಟೋಮೊಬೈಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 6:04 pm, Mon, 13 October 25
