Cyber Insurance: ಹಣಕಾಸಿನ ರಕ್ಷಣೆಗಾಗಿ ನೀಡುವ ಸೈಬರ್ ವಿಮಾ ಪಾಲಿಸಿಯ ಪ್ರಯೋಜನಗಳು ಹೀಗಿವೆ
ನೀವು ಸೈಬರ್ ವಿಮಾ ಪಾಲಿಸಿ ಮಾಡಿಸದೇ ಇದ್ದಲ್ಲಿ ಈ ಕೂಡಲೇ ಮಾಡಿಸಿಕೊಳ್ಳಿ. ಏಕೆಂದರೆ ಈ ವಿಮೆಯು ಸೈಬರ್ ವಂಚನೆಗಳಿಂದ ಉಂಟಾಗುವ ಹಣಕಾಸಿನ ನಷ್ಟವನ್ನು ತುಂಬಲಿದೆ.
ಇತ್ತೀಚಿನ ದಿನಗಳಲ್ಲಿ ಸೈಬರ್ ಕಳ್ಳರ ಹಾವಳಿ ಹೆಚ್ಚಾಗಿರುವುದು ಎಲ್ಲರಿಗೂ ತಿಳಿದ ಸಂಗತಿ. ಆದರೆ ಇಂತಹ ಸೈಬರ್ ವಂಚನೆಗಳಿಂದ ಉಂಟಾಗುವ ಹಣಕಾಸಿನ ನಷ್ಟದ ವಿರುದ್ಧ ರಕ್ಷಣೆ ನೀಡಲು ಹಣಕಾಸಿನ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಸೈಬರ್ ವಿಮಾ ಪಾಲಿಸಿ ಎಂಬುದು ಇದೆ. ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (IRDA), ವಿಮಾ ಕಂಪನಿಗಳ ಸಹಯೋಗದೊಂದಿಗೆ ರಾಷ್ಟ್ರದ ಉನ್ನತ ವಿಮಾ ನಿಯಂತ್ರಕ ಸಂಸ್ಥೆಯು ಸೈಬರ್ ವಿಮಾ ಪಾಲಿಸಿಗಳನ್ನು ಪರಿಚಯಿಸಿದೆ. ನೆಟ್‌ವರ್ಕ್ ಆಧಾರಿತ ಘಟನೆಗಳಿಂದ ಉಂಟಾಗುವ ಹಣಕಾಸಿನ ಹಾನಿಗಳಿಂದ ನಿಗಮ ಅಥವಾ ವೈಯಕ್ತಿಕ ಪಾಲಿಸಿದಾರರನ್ನು ಸೈಬರ್ ವಿಮಾ ರಕ್ಷಣೆಯಿಂದ ರಕ್ಷಿಸಬಹುದು. ಭದ್ರತಾ ಉಲ್ಲಂಘನೆಯ ನಂತರ ವೆಚ್ಚವನ್ನು ಪಾವತಿಸುವ ಮೂಲಕ ಅಪಾಯದ ಒಡ್ಡುವಿಕೆಯ ಪರಿಣಾಮಗಳಿಂದ ಪಾಲಿಸಿದಾರರನ್ನು ರಕ್ಷಿಸುವುದು ಇದರ ಉದ್ದೇಶವಾಗಿದೆ. ಹಾಗಿದ್ದರೆ ವಿಮಾ ರಕ್ಷಣೆಯಲ್ಲಿ ಯಾವ ಸೇವೆಯನ್ನು ಸೇರಿಸಲಾಗಿದೆ ಎಂಬುದನ್ನು ಈ ಸುದ್ದಿ ಮೂಲಕ ತಿಳಿದುಕೊಳ್ಳಿ.
ವಿಮಾ ರಕ್ಷಣೆಯಲ್ಲಿ ಸೇರಿಸಲಾದ ಸೇವೆಗಳು
- ವೈಯಕ್ತಿಕ ಸೈಬರ್ ವಿಮಾ ಯೋಜನೆಗಳು ಸೈಬರ್ ಘಟನೆಗಳು ಅಥವಾ ಬ್ಯಾಂಕ್ ಖಾತೆಗಳು, ಕ್ರೆಡಿಟ್, ಡೆಬಿಟ್ ಕಾರ್ಡ್‌ಗಳು ಮತ್ತು ಮೊಬೈಲ್ ವ್ಯಾಲೆಟ್‌ಗಳ ಮೂರನೇ ವ್ಯಕ್ತಿಯ ಹ್ಯಾಕಿಂಗ್‌ನಿಂದ ಉಂಟಾಗುವ ನಷ್ಟಗಳಿಗೆ ಕವರೇಜ್ ನೀಡುತ್ತದೆ.
- ಸೈಬರ್ ಸ್ಟಾಕರ್ ಅನ್ನು ಕಂಡುಹಿಡಿಯುವ ಮತ್ತು ನ್ಯಾಯಕ್ಕೆ ತರುವ ವೆಚ್ಚವನ್ನು ಮರುಪಾವತಿಸಲಾಗುತ್ತದೆ.
- ನಷ್ಟದ ನಂತರ ಡೇಟಾ ಮರುಸ್ಥಾಪನೆಗೆ ಸಂಬಂಧಿಸಿದ ವೆಚ್ಚಗಳನ್ನು ಸರಿದೂಗಿಸಲಾಗುತ್ತದೆ.
- ಇದು ಆನ್‌ಲೈನ್ ವಂಚಕರ ಆರ್ಥಿಕ ಸುಲಿಗೆ ವಿರುದ್ಧ ರಕ್ಷಣೆ ನೀಡುತ್ತದೆ. ಅಪರಾಧಿಗಳ ವಿಚಾರಣೆಯ ವೆಚ್ಚವನ್ನು ಸಹ ಮರುಪಾವತಿ ಮಾಡಲಾಗುತ್ತದೆ.
- ಬ್ಯಾಂಕ್ ಖಾತೆ, ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಅಥವಾ ಇ-ವ್ಯಾಲೆಟ್ ಅನ್ನು ಬಳಸಿಕೊಂಡು ಮೂರನೇ ವ್ಯಕ್ತಿಗಳು ಮೋಸದಿಂದ ಮಾಡಿದ ಆನ್‌ಲೈನ್ ಖರೀದಿಗಳನ್ನು ರಕ್ಷಿಸಲಾಗುತ್ತದೆ.
- ಅಪರಾಧಿಗಳನ್ನು ಹೊಣೆಗಾರರನ್ನಾಗಿ ಮಾಡುವ ವೆಚ್ಚಗಳು ಸೇರಿದಂತೆ ನಕಲಿ ಇಮೇಲ್ ದಾಳಿಯಿಂದ ಉಂಟಾಗುವ ಹಣಕಾಸಿನ ನಷ್ಟಗಳನ್ನು ಸರಿದೂಗಿಸಲಾಗುತ್ತದೆ.
- ವಂಚನೆ ಪರಿಣಾಮವಾಗಿ ಅಪರಾಧಿಗಳನ್ನು ವಿಚಾರಣೆಗೆ ಒಳಪಡಿಸುವುದು ಮತ್ತು ಪ್ರಯಾಣ ವೆಚ್ಚಗಳು ಸೇರಿದಂತೆ ಕಾನೂನು ರಕ್ಷಣಾ ವೆಚ್ಚಗಳನ್ನು ಪಾವತಿಸಲಾಗುತ್ತದೆ.
- ಮೂರನೇ ವ್ಯಕ್ತಿಯ ಡೇಟಾ ಉಲ್ಲಂಘನೆ ಮತ್ತು ಅಥವಾ ಗೌಪ್ಯತೆ ಉಲ್ಲಂಘನೆಯ ಹಕ್ಕುಗಳಿಂದ ಉಂಟಾಗುವ ರಕ್ಷಣಾ ವೆಚ್ಚಗಳು ಮತ್ತು ನಷ್ಟಗಳನ್ನು ಒಳಗೊಂಡಿದೆ.
ಆದಾಗ್ಯೂ, ಕ್ರಿಪ್ಟೋಕರೆನ್ಸಿಗಳಿಂದ ನಷ್ಟಗಳು, ಜೂಜು, ಅಪ್ರಾಮಾಣಿಕ ನಡವಳಿಕೆ ಅಥವಾ ಅನಧಿಕೃತ ಡೇಟಾ ಸಂಗ್ರಹಣೆ, ನಿರ್ಬಂಧಿಸಿದ ವೆಬ್‌ಸೈಟ್‌ಗಳನ್ನು ಪ್ರವೇಶಿಸುವುದು, ಉಪಕರಣಗಳನ್ನು ನವೀಕರಿಸುವ ವೆಚ್ಚ ಮತ್ತು ಹಲವಾರು ಇತರ ಚಟುವಟಿಕೆಗಳಲ್ಲಿ ಉಂಟಾದ ನಷ್ಟವನ್ನು ಈ ವಿಮೆ ರಕ್ಷಣೆ ನೀಡುವುದಿಲ್ಲ.
ಮತ್ತಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ