2024-25ಕ್ಕೆ ಇಪಿಎಫ್ ಹಣಕ್ಕೆ ಶೇ. 8.25 ಬಡ್ಡಿ: ಸಿಬಿಟಿ ನಿರ್ಧಾರ; 1952ರಿಂದೀಚೆಗಿನ ಇಪಿಎಫ್ ಬಡ್ಡಿದರಗಳ ಪಟ್ಟಿ

EPFO interest rates of 8.25% for 2024-25: ಇಪಿಎಫ್ಒ ಸಂಸ್ಥೆ 2024-25ರ ವರ್ಷದಲ್ಲಿ ಪಿಎಫ್ ಹಣಕ್ಕೆ ಶೇ. 8.25 ಬಡ್ಡಿ ನೀಡಲು ನಿರ್ಧರಿಸಿದೆ. ಇಪಿಎಫ್ಒನ ಸಿಬಿಟಿ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದ್ದು, ಹಣಕಾಸು ಸಚಿವಾಲಯದಿಂದ ಅನುಮೋದನೆ ಸಿಕ್ಕ ಬಳಿಕ ಪಿಎಫ್ ಖಾತೆಗಳಿಗೆ ಬಡ್ಡಿಹಣ ಜಮೆ ಮಾಡಲಾಗುತ್ತದೆ.

ಇಪಿಎಫ್

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: Feb 28, 2025 | 3:24 PM

ನವದೆಹಲಿ, ಫೆಬ್ರುವರಿ 28: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯಾದ ಇಪಿಎಫ್ಒ 2024-25ರ ಸಾಲಿನ ವರ್ಷದ ಇಪಿಎಫ್ ಠೇವಣಿಗಳಿಗೆ ಬಡ್ಡಿದರ ಘೋಷಣೆ ಮಾಡಿದೆ. ಕಳೆದ ವರ್ಷದ ಇದ್ದ ಶೇ. 8.25ರ ಬಡ್ಡಿದರವನ್ನೇ ಮುಂದುವರಿಸಲು ಇಪಿಎಫ್ಒ ನಿರ್ಧರಿಸಿದೆ. ಇಂದು ಶುಕ್ರವಾರ ಇಪಿಎಫ್ಒನ ಕೇಂದ್ರ ಟ್ರಿಸ್ಟಿಗಳ ಮಂಡಳಿ (ಸಿಬಿಟಿ- Central board of trustees) ಇಂದು ಸಭೆ ಸೇರಿ ಬಡ್ಡಿದರ ನಿಗದಿ ಮಾಡಿದೆ. ಸಿಬಿಟಿ ಈ ವರ್ಷದ ಬಡ್ಡಿದರದ ನಿರ್ಧಾರಕ್ಕೆ ಹಣಕಾಸು ಸಚಿವಾಲಯದ ಅನುಮೋದನೆ ಸಿಗಬೇಕಾಗುತ್ತದೆ. ಅದಾದ ಬಳಿಕ ಇಪಿಎಫ್ ಖಾತೆಗಳಿಗೆ ಒಂದು ವರ್ಷದ ಠೇವಣಿಗಳಿಗೆ ಬಡ್ಡಿದರ ಜಮೆ ಆಗುತ್ತದೆ.

ಇಪಿಎಫ್ಒದಲ್ಲಿ 7.37 ಕೋಟಿಗೂ ಅಧಿಕ ಇಪಿಎಫ್ ಖಾತೆಗಳಿವೆ. 25 ಲಕ್ಷ ಕೋಟಿ ರೂನಷ್ಟು ಹಣವು ಈ ಖಾತೆಗಳಲ್ಲಿವೆ. ಈ ಹಣಕ್ಕೆ ಇಪಿಎಫ್ಒ 2024-25ರ ವರ್ಷಕ್ಕೆ ಶೇ. 8.25ರಷ್ಟು ಬಡ್ಡಿ ಜಮೆ ಮಾಡಲಿದೆ. ಸಾಮಾನ್ಯವಾಗಿ ಜುಲೈ ನಂತರ ಬಡ್ಡಿ ಹಣವನ್ನು ಇಪಿಎಫ್ ಅಕೌಂಟ್ಗಳಿಗೆ ಕ್ರೆಡಿಟ್ ಮಾಡಲಾಗುತ್ತದೆ.

2022-23ರಲ್ಲಿ ಇಪಿಎಫ್ಗೆ ಶೇ. 8.15ರಷ್ಟು ಬಡ್ಡಿದರ ನೀಡಲಾಗಿತ್ತು. 2023-24ಕ್ಕೆ ಅದನ್ನು ಶೇ. 8.25ಕ್ಕೆ ಹೆಚ್ಚಿಸಲಾಯಿತು. ಈಗ ಅದೇ ದರವನ್ನು ಮುಂದುವರಿಸಲಾಗಿದೆ. 1952-53ರಿಂದ 1955-56ರವರೆಗೆ ಇಪಿಎಫ್ ಬಡ್ಡಿದರ ಶೇ. 3ರಷ್ಟು ಇತ್ತು. ಇದು ಕನಿಷ್ಠ ಬಡ್ಡಿದರ ಎನಿಸಿದೆ.

ಇದನ್ನೂ ಓದಿ: ಕರ್ನಾಟಕದಲ್ಲಿ ಈದ್, ಹೋಳಿ ಹಬ್ಬಕ್ಕೆ ರಜೆಯಾ? ಇಲ್ಲಿದೆ ಮಾರ್ಚ್ನಲ್ಲಿ 14 ಬ್ಯಾಂಕ್ ರಜಾದಿನಗಳ ಪಟ್ಟಿ

1989-90ರಿಂದ 2000-01ರವರೆಗೆ ಶೇ. 12ರಷ್ಟು ಬಡ್ಡಿ ನಿಗದಿ ಮಾಡಲಾಗಿತ್ತು. ಅದು ಇದೂವರೆಗಿನ ಗರಿಷ್ಠ ಬಡ್ಡಿ ದರ ಎನಿಸಿದೆ.