ಈಕ್ವಿಟಿ ಫಂಡ್ಗಳಿಗೆ ಹರಿದುಬಂದ ಬಂಡವಾಳ 29,329 ಕೋಟಿ ರೂ; ಆಗಸ್ಟ್ನಲ್ಲಿ ನಿವ್ವಳ ಹೂಡಿಕೆಯಲ್ಲಿ ಶೇ. 19 ಏರಿಕೆ
ಮ್ಯೂಚುವಲ್ ಫಂಡ್ಗಳಲ್ಲಿ ಹೂಡಿಕೆದಾರರ ವಿಶ್ವಾಸ ಮುಂದುವರಿದಿದೆ. ಮ್ಯೂಚುವಲ್ ಫಂಡ್ ಅಸೋಸಿಯೇಶನ್ ಬಿಡುಗಡೆ ಮಾಡಿರುವ ದತ್ತಾಂಶದ ಪ್ರಕಾರ, ಆಗಸ್ಟ್ ತಿಂಗಳಲ್ಲಿ ಈಕ್ವಿಟಿ ಮ್ಯೂಚುವಲ್ ಫಂಡ್ಗಳಿಗೆ ಬಹುತೇಕ ಮೂವತ್ತು ಸಾವಿರ ಕೋಟಿ ರೂನಷ್ಟು ಹೂಡಿಕೆ ಸಿಕ್ಕಿದೆ. ಜುಲೈನಲ್ಲಿ 25,000 ಕೋಟಿ ರೂ ಸಮೀಪದಷ್ಟು ಹೂಡಿಕೆಯನ್ನು ಈಕ್ವಿಟಿ ಫಂಡ್ಗಳು ಪಡೆದಿದ್ದವು.
ನವದೆಹಲಿ, ಸೆಪ್ಟೆಂಬರ್ 10: ಭಾರತೀಯ ಮ್ಯೂಚುಯಲ್ ಫಂಡ್ ಅಸೋಸಿಯೇಷನ್ (AMFI) ಪ್ರಕಟಿಸಿರುವ ಆಗಸ್ಟ್ 2026ರ ದತ್ತಾಂಶದ ಪ್ರಕಾರ, ದೇಶೀಯ ಈಕ್ವಿಟಿ ಮ್ಯೂಚುಯಲ್ ಫಂಡ್ಗಳಿಗೆ ಹರಿದುಬಂದ ನಿವ್ವಳ ಹೂಡಿಕೆಯು ಶೇ. 19 ರಷ್ಟು ಏರಿಕೆಯಾಗಿದ್ದು, ₹29,329 ಕೋಟಿ ತಲುಪಿದೆ. ಇದು ಕಳೆದ 4 ತಿಂಗಳುಗಳಲ್ಲೇ ದಾಖಲಾದ ಗರಿಷ್ಠ ಮಾಸಿಕ ಹೂಡಿಕೆಯಾಗಿದೆ. ಜುಲೈ ತಿಂಗಳಿನಲ್ಲಿ ಈಕ್ವಿಟಿ ಫಂಡ್ಗಳಿಗೆ ₹24,697 ಕೋಟಿ ಹೂಡಿಕೆ ಹರಿದುಬಂದಿತ್ತು.
ಆಕ್ಟೀವ್ ಈಕ್ವಿಟಿ ವಿಭಾಗದಲ್ಲಿ ಸ್ಮಾಲ್ಕ್ಯಾಪ್ (Small-cap) ಫಂಡ್ಗಳು ಗರಿಷ್ಠ ₹7,973 ಕೋಟಿ ಹಾಗೂ ಮಿಡ್ಕ್ಯಾಪ್ (Mid-cap) ಫಂಡ್ಗಳು ₹6,989 ಕೋಟಿ ಹೂಡಿಕೆಯನ್ನು ಆಕರ್ಷಿಸಿವೆ. ಫ್ಲೆಕ್ಸಿ-ಕ್ಯಾಪ್ ಫಂಡ್ಗಳು ₹5,059 ಕೋಟಿ ಹೂಡಿಕೆ ಪಡೆದಿವೆ.
ಇದನ್ನೂ ಓದಿ: ಎಐ ಏಜೆಂಟ್ಗಳ ಮೂಲಕ ಯುಪಿಐ ಪಾವತಿ: ಕ್ರಾಂತಿಕಾರಿ ತಂತ್ರಜ್ಞಾನಕ್ಕೆ ಎನ್ಪಿಸಿಐ ಆಲೋಚನೆ
ಲಾರ್ಜ್ಕ್ಯಾಪ್ನಲ್ಲಿ ಧನಸಂಗ್ರಹ ಹಿನ್ನಡೆ: ಹೂಡಿಕೆದಾರರು ಸಣ್ಣ ಮತ್ತು ಮಧ್ಯಮ ಪ್ರಮಾಣದ ಕಂಪನಿಗಳ ಫಂಡ್ಗಳತ್ತ ಹೆಜ್ಜೆ ಇಟ್ಟಿದ್ದರಿಂದ, ಲಾರ್ಜ್ಕ್ಯಾಪ್ (Large-cap) ಫಂಡ್ಗಳಿಂದ ₹1,147 ಕೋಟಿ ಹೊರಹರಿವು (Outflow) ದಾಖಲಾಗಿದೆ.
ಡೆಟ್ ಫಂಡ್ಗಳಿಂದ ಹಣ ಹಿಂಪಡೆತ: ಸಾಲ ಆಧಾರಿತ ಅಥವಾ ಸ್ಥಿರ ಆದಾಯದ ‘ಡೆಟ್ ಫಂಡ್ಗಳಿಂದ’ (Debt-oriented schemes) ಆಗಸ್ಟ್ ತಿಂಗಳಿನಲ್ಲಿ ₹8,127 ಕೋಟಿ ಹಣ ಹೊರಹೋಗಿದೆ. ಜುಲೈನಲ್ಲಿ ಡೆಟ್ ಫಂಡ್ಗಳಿಗೆ ₹1.88 ಲಕ್ಷ ಕೋಟಿ ಹರಿದುಬಂದಿತ್ತು.
ದಾಖಲೆಯ ಎಸ್ಐಪಿ (SIP) ಹೂಡಿಕೆ: ಸಣ್ಣ ಹೂಡಿಕೆದಾರರ ನೆಚ್ಚಿನ ಎಸ್ಐಪಿ ಮೂಲಕ ಮಾಸಿಕ ಹೂಡಿಕೆಯು ಸರ್ವಕಾಲಿಕ ಗರಿಷ್ಠ ಮಟ್ಟವಾದ ₹32,297 ಕೋಟಿಗೆ ತಲುಪಿದೆ.
ಇದನ್ನೂ ಓದಿ: ಭಾರತದಲ್ಲಿ ಹೊಸ ಕೈಗಾರಿಕಾ ಕ್ರಾಂತಿ; ಆರು ವಲಯಗಳ ಉತ್ಕೃಷ್ಟ ಬೆಳವಣಿಗೆ: ಜೆಫರೀಸ್ ವರದಿ
ಡೆಟ್ ಫಂಡ್ಗಳಿಂದ ಹಣ ಹಿಂಪಡೆದರೂ, ಈಕ್ವಿಟಿ ಮಾರುಕಟ್ಟೆಯ ಚೇತರಿಕೆಯಿಂದಾಗಿ ಮ್ಯೂಚುಯಲ್ ಫಂಡ್ ಉದ್ಯಮದ ಒಟ್ಟು ನಿರ್ವಹಣೆಯ ಆಸ್ತಿ ಮೌಲ್ಯ (AUM) ಆಗಸ್ಟ್ ಅಂತ್ಯಕ್ಕೆ ₹87.07 ಲಕ್ಷ ಕೋಟಿ ತಲುಪಿ ಹೊಸ ದಾಖಲೆ ಬರೆದಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ