Mutual Funds

ಮ್ಯೂಚುವಲ್ ಫಂಡ್ ಎಂಬುದು ಎಂಬುದು ಹಲವು ಹೂಡಿಕೆದಾರರಿಂದ ಹಣ ಸಂಗ್ರಹಿಸಿ ಅದನ್ನು ಷೇರು ಮಾರುಕಟ್ಟೆ, ಸಾಲದ ಮಾರುಕಟ್ಟೆ (Debt Market) ಇತ್ಯಾದಿ ಕಡೆ ಹೂಡಿಕೆ ಮಾಡುವ ಒಂದು ಟ್ರಸ್ಟ್ ಸಂಸ್ಥೆ. ಈ ರೀತಿಯ ಹೂಡಿಕೆಗಳಿಂದ ಮ್ಯೂಚುವಲ್ ಫಂಡ್ ಸಂಸ್ಥೆ ಗಳಿಸುವ ಆದಾಯ ಅಥವಾ ಆಗುವ ನಷ್ಟ ಹೂಡಿಕೆದಾರರಿಗೂ ರವಾನೆಯಾಗುತ್ತದೆ. ಅಸೆಟ್ ಮ್ಯಾನೇಜ್ಮೆಂಟ್ ಕಂಪನಿ (ಎಎಂಸಿ) ಈ ಮ್ಯೂಚುವಲ್ ಫಂಡ್ ಅನ್ನು ನಿರ್ವಹಿಸುತ್ತದೆ. ಭಾರತದಲ್ಲಿ ಎಕ್ಸಿಸ್ ಮ್ಯೂಚುವಲ್ ಫಂಡ್, ಎಚ್​ಡಿಎಫ್​ಸಿ ಮ್ಯೂಚುವಲ್ ಫಂಡ್, ಎಸ್​ಬಿಐ ಮ್ಯೂಚುವಲ್ ಫಂಡ್ ಹೀಗೆ ಹಲವು ಅಸೆಟ್ ಮ್ಯಾನೇಜ್ಮೆಂಟ್ ಕಂಪನಿಗಳಿವೆ. ಒಂದೊಂದು ಎಎಂಸಿಯೂ ಕೂಡ ಒಂದಕ್ಕಿಂತ ಹೆಚ್ಚು ಮ್ಯೂಚುವಲ್ ಫಂಡ್​ಗಳನ್ನು ನಿರ್ವಹಿಸಬಹುದು. ಒಂದು ಮ್ಯೂಚುವಲ್ ಫಂಡ್​ನಲ್ಲಿ ಹಣ ಹೂಡಿಕೆ ಮಾಡುವುದು ಎಂದರೆ ಆ ಫಂಡ್​ನಲ್ಲಿ ನಿರ್ದಿಷ್ಟ ಪಾಲನ್ನು ಖರೀದಿಸಿದಂತೆ. ಆ ಫಂಡ್ ಕಂಪನಿ ಲಾಭ ಮಾಡಿದರೆ ಹೂಡಿಕೆದಾರರಿಗೆ ಅವರ ಹೂಡಿಕೆಯ ಹಣಕ್ಕೆ ಅನುಗುಣವಾಗಿ ಲಾಭ ಸಿಗುತ್ತದೆ.