ನಾನ್-ಕಮರ್ಷಿಯಲ್ ವಾಹನಗಳಿಗೆ ಫಾಸ್ಟ್ಯಾಗ್ ಆಧಾರಿತ ವಾರ್ಷಿಕ ಪಾಸ್; ಬೆಲೆ 3,000 ರೂ; 200 ಟ್ರಿಪ್ ಮಿತಿ
Nitin Gadkari announces FASTag based annual pass scheme: ಕೇಂದ್ರ ಸರ್ಕಾರ ಶೀಘ್ರದಲ್ಲೇ ಫಾಸ್ಟ್ಯಾಗ್ ಆಧಾರಿತ ವಾರ್ಷಿಕ ಪಾಸ್ ವಿತರಣೆ ಆರಂಭಿಸಲಿದೆ. ವಾಣಿಜ್ಯೇತರ ಖಾಸಗಿ ಕಾರು, ಜೀಪು, ವ್ಯಾನ್ ವಾಹನಗಳಿಗೆ ಈ ಪಾಸ್ ಕೊಡಲಾಗುತ್ತದೆ. ಒಂದು ವರ್ಷದ ವ್ಯಾಲಿಡಿಟಿ ಇರುವ ಈ ಪಾಸ್ನಲ್ಲಿ ಗರಿಷ್ಠ 200 ಟ್ರಿಪ್ ಮಾಡಬಹುದು. ಆಗಸ್ಟ್ 15ರಿಂದ ಪಾಸ್ ವಿತರಣೆ ಆರಂಭವಾಗಲಿದೆ ಎಂದು ಸಚಿವ ನಿತಿನ್ ಗಡ್ಕರಿ ಹೇಳಿದ್ದಾರೆ.
Updated on:Jun 18, 2025 | 2:12 PM
ನವದೆಹಲಿ, ಜೂನ್ 18: ಬಸ್, ಮೆಟ್ರೋ ಇತ್ಯಾದಿಯಲ್ಲಿ ಇರುವಂತೆ ಹೆದ್ದಾರಿ ಟೋಲ್ಗಳಿಗೂ ಪಾಸ್ ಸಿಸ್ಟಂ ಬರುತ್ತಿದೆ. ಫಾಸ್ಟ್ಯಾಗ್ ಆಧಾರಿತ ವಾರ್ಷಿಕ ಪಾಸ್ ಸಿಸ್ಟಂ (FASTag based annual pass) ಅನ್ನು ಕೇಂದ್ರ ಸರ್ಕಾರ ಜಾರಿಗೆ ತರುತ್ತಿದೆ. ಕೇಂದ್ರ ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ (Nitin Gadkari) ಈ ಪಾಸ್ ಸ್ಕೀಮ್ ಅನ್ನು ಘೋಷಿಸಿದ್ದಾರೆ. ‘ಮೂರು ಸಾವಿರ ರೂ ಬೆಲೆಯ ಫಾಸ್ಟ್ಯಾಗ್ ಆಧಾರಿತ ವಾರ್ಷಿಕ ಪಾಸ್ ಅನ್ನು ಪರಿಚಯಿಸುತ್ತಿದ್ದೇವೆ’ ಎಂದು ನಿತಿನ್ ಗಡ್ಕರಿ ಹೇಳಿದ್ದಾರೆ.
ಕಮರ್ಷಿಯಲ್ ವಾಹನಗಳಿಗೆ ಈ ಪಾಸ್ ಲಭ್ಯ ಇರೋದಿಲ್ಲ. ಕಮರ್ಷಿಯಲ್ ಅಲ್ಲದ ಕಾರ್, ಜೀಪ್, ವ್ಯಾನ್ ಇತ್ಯಾದಿ ಖಾಸಗಿ ವಾಹನಗಳಿಗೆ (Non commercial private cars) ಮಾತ್ರ ಇದು ಸಿಗುತ್ತದೆ. 2025ರ ಆಗಸ್ಟ್ 15ರಿಂದ ಈ ಫಾಸ್ಟ್ಯಾಗ್ ಪಾಸ್ ವಿತರಣೆ ನಡೆಯಲಿದೆ. ಒಂದು ಪಾಸ್ ಬೆಲೆ 3,000 ರೂ ಇರಲಿದೆ. ಪಾಸ್ ಆ್ಯಕ್ಟಿವೇಟ್ ಆಗಿ ಒಂದು ವರ್ಷದವರೆಗೆ ಸಿಂಧು (valid) ಇರುತ್ತದೆ. ಆದರೆ, 200 ಟ್ರಿಪ್ ಮಿತಿ ಇರುತ್ತದೆ.
Important Announcement 📢
🔹In a transformative step towards hassle-free highway travel, we are introducing a FASTag-based Annual Pass priced at ₹3,000, effective from 15th August 2025. Valid for one year from the date of activation or up to 200 trips—whichever comes…
— Nitin Gadkari (@nitin_gadkari) June 18, 2025
ದೇಶದಲ್ಲಿ ಯಾವುದೇ ಭಾಗದಲ್ಲೂ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ತಡೆರಹಿತವಾಗಿ ವಾಹನಗಳಲ್ಲಿ ಹೋಗಲು ಈ ವಾರ್ಷಿಕ ಪಾಸ್ ಅನುವು ಮಾಡಿಕೊಡುತ್ತದೆ. ಈ ಪಾಸ್ ಸ್ಕೀಮ್ನಲ್ಲಿ ವರ್ಷಕ್ಕೆ 200 ಟ್ರಿಪ್ ಮಿತಿ ಎಂದು ಹೇಳಲಾಗಿದೆ. ಆದರೆ, ಒಂದು ಟ್ರಿಪ್ ಎಂದರೆ ಏನೆಂದು ಸಚಿವರು ಇಲ್ಲಿ ಸ್ಪಷ್ಟಪಡಿಸಿಲ್ಲ. ಒಂದು ಟೋಲ್ ಪ್ಲಾಜಾ ದಾಟಿದರೆ ಅದನ್ನು ಒಂದು ಟ್ರಿಪ್ ಎಂದು ಪರಿಗಣಿಸಲಾಗಬಹುದು.
ಇದನ್ನೂ ಓದಿ: ಗಮನಿಸಿ, ಐಸಿಐಸಿಐ ಬ್ಯಾಂಕ್ನ ಎಟಿಎಂ ಟ್ರಾನ್ಸಾಕ್ಷನ್, ಕ್ಯಾಷ್ ಡೆಪಾಸಿಟ್ ಇತ್ಯಾದಿ ಶುಲ್ಕಗಳಲ್ಲಿ ಬದಲಾವಣೆ
ರಾಜಮಾರ್ಗ್ ಯಾತ್ರಾ ಆ್ಯಪ್ನಲ್ಲಿ ಆ್ಯಕ್ಟಿವೇಶನ್ ಲಿಂಕ್
ಫಾಸ್ಟ್ಯಾಗ್ ಆಧಾರಿತವಾದ ವಾರ್ಷಿಕ ಪಾಸ್ ಅನ್ನು ಆನ್ಲೈನ್ನಲ್ಲೇ ಪಡೆಯಬಹುದು. ರಾಜಮಾರ್ಗ್ ಯಾತ್ರಾ ಆ್ಯಪ್ನಲ್ಲಿ, ಎನ್ಎಚ್ಎಐ ವೆಬ್ಸೈಟ್, ಹಾಗು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯದ (MoRTH) ವೆಬ್ಸೈಟ್ಗಳಲ್ಲಿ ಶೀಘ್ರದಲ್ಲೇ ಈ ಪಾಸ್ ಪಡೆಯಲು ಲಿಂಕ್ ಪ್ರಕಟವಾಗಲಿದೆ. ಅಲ್ಲಿ ಪಾಸ್ ಅನ್ನು ಆ್ಯಕ್ಟಿವೇಟ್ ಮಾಡುವ ಮತ್ತು ರಿನಿವಲ್ ಮಾಡುವ ಅವಕಾಶ ನೀಡಲಾಗಿರುತ್ತದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 2:11 pm, Wed, 18 June 25
