ಜಾಗತಿಕ ಸಾಲ 21 ಟ್ರಿಲಿಯನ್ ಡಾಲರ್ ಏರಿಕೆ; ಎಲ್ಲಾ ದೇಶಗಳ ಸಾಲ ಸೇರಿಸಿದರೆ ಎಷ್ಟಾಗುತ್ತೆ ಗೊತ್ತಾ?

ನವದೆಹಲಿ, ಸೆಪ್ಟೆಂಬರ್ 26: ಜಾಗತಿಕ ಸಾಲ ಜನವರಿಯಿಂದ ಜೂನ್​ವರೆಗೆ 21 ಟ್ರಿಲಿಯನ್ ಡಾಲರ್​ನಷ್ಟು ಏರಿಕೆ ಆಗಿದೆ ಎಂದು ಇನ್ಸ್​ಟಿಟ್ಯೂಟ್ ಆಫ್ ಇಂಟರ್​ನ್ಯಾಷನಲ್ ಫೈನಾನ್ಸ್ (Institute of International Finance) ಸಂಸ್ಥೆಯ ವರದಿಯೊಂದು ಹೇಳುತ್ತಿದೆ. ಈ ವರ್ಷದ ಮೊದಲ ಆರು ತಿಂಗಳು ಸಾಲದ (Debt) ಪ್ರಮಾಣ ಹೆಚ್ಚಲು ಮುಖ್ಯ ಕಾರಣಗಳಲ್ಲಿ ಅಮೆರಿಕನ್ ಡಾಲರ್ ಮೌಲ್ಯ ಕಡಿಮೆ ಆಗಿರುವುದೂ ಒಂದು. ಈ 21 ಟ್ರಿಲಿಯನ್ ಡಾಲರ್​ನಷ್ಟು ಸಾಲ ಏರಿಕೆಯೊಂದಿಗೆ ಇದೀಗ ಜಾಗತಿಕವಾಗಿ ಇರುವ ಸಾಲದ ಮೊತ್ತ 337.7 ಟ್ರಿಲಿಯನ್ ಡಾಲರ್​ಗೆ ಏರಿದಂತಾಗಿದೆ. ಅಂದರೆ, ಅಮೆರಿಕ ಜಿಡಿಪಿಯ 11 ಪಟ್ಟು ಹೆಚ್ಚು ಮೊತ್ತದಷ್ಟು ಸಾಲವು ಜಾಗತಿಕವಾಗಿ ಇದೆ ಎಂದಾಗುತ್ತದೆ.

ಮೊದಲ ಆರು ತಿಂಗಳು ಹೆಚ್ಚಳವಾದ 21 ಟ್ರಿಲಿಯನ್ ಡಾಲರ್ ಸಾಲಕ್ಕೆ ಅತಿಹೆಚ್ಚು ಕೊಡುಗೆ ಬಂದಿರುವುದು ಚೀನಾ, ಫ್ರಾನ್ಸ್, ಅಮೆರಿಕ, ಜರ್ಮನಿ, ಬ್ರಿಟನ್ ಮತ್ತು ಜಪಾನ್ ದೇಶಗಳಿಂದ. ಕೋವಿಡ್ ಸಂದರ್ಭದಲ್ಲಿ ಮಾತ್ರ ಈ ಪರಿಯ ಸಾಲ ಏರಿಕೆ ಕಂಡುಬಂದಿತ್ತು ಎಂದು ಹೇಳುತ್ತದೆ ಐಐಎಫ್.

ಇದನ್ನೂ ಓದಿ: ಅಕ್ಟೋಬರ್​ನಲ್ಲಿ ಹೊಸ ನಿಯಮಗಳು; ಯುಪಿಐ, ಎಲ್​ಪಿಜಿ, ಬಡ್ಡಿಯಲ್ಲಿ ಬದಲಾವಣೆ?

ಇನ್ನು, ಭಾರತ ಸೇರಿದಂತೆ ಉದಯೋನ್ಮುಖ ಮಾರುಕಟ್ಟೆಗಳ ದೇಶಗಳಲ್ಲಿ ಸಾಲವು ಈ ಆರು ತಿಂಗಳಲ್ಲಿ 3.4 ಟ್ರಿಲಿಯನ್ ಡಾಲರ್ ಡಾಲರ್​ನಷ್ಟು ಏರಿದೆ. ಈ ಎಮರ್ಜಿಂಗ್ ಮಾರ್ಕೆಟ್​ಗಳ ಒಟ್ಟು ಸಾಲ 109 ಟ್ರಿಲಿಯನ್ ಡಾಲರ್​​ನಷ್ಟಿದೆ.

ಅತಿಹೆಚ್ಚು ಸಾಲ ಇರುವ 10 ದೇಶಗಳ ಪಟ್ಟಿ

1. ಅಮೆರಿಕ: 32.9 ಟ್ರಿಲಿಯನ್ ಡಾಲರ್
2. ಚೀನಾ: 15 ಟ್ರಿಲಿಯನ್ ಡಾಲರ್
3. ಜಪಾನ್: 10.9 ಟ್ರಿಲಿಯನ್ ಡಾಲರ್
4. ಬ್ರಿಟನ್: 3.4 ಟ್ರಿಲಿಯನ್ ಡಾಲರ್
5. ಫ್ರಾನ್ಸ್: 3.4 ಟ್ರಿಲಿಯನ್ ಡಾಲರ್
6. ಇಟಲಿ: 3.1 ಟ್ರಿಲಿಯನ್ ಡಾಲರ್
7. ಭಾರತ: 3 ಟ್ರಿಲಿಯನ್ ಡಾಲರ್
8. ಜರ್ಮನಿ: 2.8 ಟ್ರಿಲಿಯನ್ ಡಾಲರ್
9. ಕೆನಡಾ: 2.3 ಟ್ರಿಲಿಯನ್ ಡಾಲರ್
10. ಬ್ರೆಜಿಲ್: 1.8 ಟ್ರಿಲಿಯನ್ ಡಾಲರ್

ಇದನ್ನೂ ಓದಿ: ಹಬ್ಬಗಳ ಮಾಸ ಅಕ್ಟೋಬರ್​ನಲ್ಲಿ 21 ದಿನ ಬ್ಯಾಂಕ್ ರಜೆ; ಇಲ್ಲಿದೆ ಪಟ್ಟಿ

ಜಿಡಿಪಿ ಮತ್ತು ಸಾಲದ ಅನುಪಾತ (Debt to GDP ratio) ಹೆಚ್ಚು ಇರುವ ದೇಶಗಳು

1. ಲೆಬನಾನ್: ಶೇ. 283
2. ಸೂಡಾನ್: ಶೇ. 256
3. ಜಪಾನ್: ಶೇ. 255
4. ಸಿಂಗಾಪುರ್: ಶೇ. 168
5. ಎರಿಟ್ರಿಯಾ: ಶೇ. 164
6. ಗ್ರೀಸ್: ಶೇ. 162
7. ಅರ್ಜೆಂಟೀನಾ: ಶೇ. 155
8. ವೆನಿಜುವೆಲಾ: ಶೇ. 146
9. ಇಟಲಿ: ಶೇ 135
10. ಭೂತಾನ್: ಶೇ. 123

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ