Gold, Silver Rates Today: ಚಿನ್ನದ ಬೆಲೆ ದುಬೈನಲ್ಲಿ ತುಸು ಇಳಿಕೆ; ಭಾರತ ಮತ್ತು ವಿದೇಶಗಳಲ್ಲಿ ಎಷ್ಟಿದೆ ದರ?

2023, March 7h: ಬೆಳ್ಳಿ ಮತ್ತು ಚಿನ್ನದ ಬೆಲೆಗಳು ಬಹುತೇಕ ಯಥಾಸ್ಥಿತಿ ಕಾಯ್ದುಕೊಂಡಿವೆ. ದುಬೈ ಮತ್ತು ಸಿಂಗಾಪುರದಲ್ಲಿ ಚಿನ್ನದ ಬೆಲೆ ತುಸು ಕಡಿಮೆ ಆಗಿದೆ. ಅನಿವಾಸಿ ಭಾರತೀಯ ಸಮುದಾಯದವರು ಹೆಚ್ಚಾಗಿ ಇರುವ ಅಮೆರಿಕ, ಸಿಂಗಾಪುರ, ಮಲೇಷ್ಯಾ, ದುಬೈ ಮೊದಲಾದ ಕಡೆ ಚಿನ್ನದ ಬೆಲೆ 50 ಸಾವಿರ ರೂಗಿಂತ ಕಡಿಮೆ ಇದೆ.

ಚಿನ್ನ

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: Mar 07, 2023 | 5:00 AM

ಬೆಂಗಳೂರು: ಚಿನ್ನ ಮತ್ತು ಬೆಳ್ಳಿ ಬೆಲೆಗಳು (Gold and Silver Prices) ದೇಶಾದ್ಯಂತ ಬಹುತೇಕ ಯಥಾಸ್ಥಿತಿ ಕಾಯ್ದುಕೊಂಡಿವೆ. ದುಬೈ ಮತ್ತು ಸಿಂಗಾಪುರದಲ್ಲಿ ಚಿನ್ನದ ಬೆಲೆ ತುಸು ಕಡಿಮೆ ಆಗಿದೆ. ಅನಿವಾಸಿ ಭಾರತೀಯ ಸಮುದಾಯದವರು ಹೆಚ್ಚಾಗಿ ಇರುವ ಅಮೆರಿಕ, ಸಿಂಗಾಪುರ, ಮಲೇಷ್ಯಾ, ದುಬೈ ಮೊದಲಾದ ಕಡೆ ಚಿನ್ನದ ಬೆಲೆ 50 ಸಾವಿರ ರೂಗಿಂತ ಕಡಿಮೆ ಇದೆ. ಭಾರತದ ಚಿನಿವಾರ ಪೇಟೆಯಲ್ಲಿ (Bullion Market) 22 ಕ್ಯಾರಟ್ನ 10 ಗ್ರಾಮ ಚಿನ್ನದ ಬೆಲೆ 51,900 ರೂ ಆಗಿದೆ. ಅಪರಂಜಿ ಅಥವಾ ಶುದ್ಧ ಚಿನ್ನವೆನಿಸಿರುವ 24 ಕ್ಯಾರಟ್ ಗೋಲ್ಡ್ ಬೆಲೆ 56,600 ರೂ ಇದೆ. ಬೆಂಗಳೂರಿನಲ್ಲಿಯೂ ಆಭರಣ ಚಿನ್ನದ ಬೆಲೆ 10 ಗ್ರಾಮ್ಗೆ 51,900 ರೂ ಇದೆ. ಬೆಳ್ಳಿ ಬೆಲೆ 10 ಗ್ರಾಮ್ಗೆ 669 ರೂಪಾಯಿ ಇದೆ. ಬೆಂಗಳೂರು ಹಾಗೂ ಕೆಲ ನಗರಗಳಲ್ಲಿ 700 ರೂ ಆಗಿದೆ.

ಇದೇ ವೇಳೆ, ಕೆಲ ಪ್ರಮುಖ ವಿದೇಶೀ ಮಾರುಕಟ್ಟೆಗಳಲ್ಲಿ ಚಿನ್ನದ ಬೆಲೆ ಭಾರತದಕ್ಕಿಂತ ತುಸು ಕಡಿಮೆ ಇದೆ. ಅನಿವಾಸಿ ಭಾರತೀಯ ಸಮುದಾಯದವರು ಹೆಚ್ಚಾಗಿ ಇರುವ ಅಮೆರಿಕ, ಸಿಂಗಾಪುರ, ಮಲೇಷ್ಯಾ, ದುಬೈ ಮೊದಲಾದ ಕಡೆ ಚಿನ್ನದ ಬೆಲೆ 50 ಸಾವಿರ ರೂಗಿಂತ ಕಡಿಮೆ ಇದೆ. ಅಮೆರಿಕ ಮತ್ತು ದುಬೈನಲ್ಲಿ 46 ಸಾವಿರ ರೂ ಆಸುಪಾಸಿನಲ್ಲಿ ಚಿನ್ನದ ಬೆಲೆ ಇದೆ.