ಹಾರ್ಲೆ-ಡೇವಿಡ್ಸನ್ 2021ರ ಮಾಡೆಲ್ಗಳ ಬೆಲೆಯನ್ನು ಘೋಷಣೆ ಮಾಡಿದ ಹೀರೋ ಮೋಟೋಕಾರ್ಪ್

ಹೀರೋ ಮೋಟೋಕಾರ್ಪ್ನಿಂದ ಭಾರತದಲ್ಲಿ 2021ರ ಹಾರ್ಲೆ ಡೇವಿಡ್ಸನ್ ಬೈಕ್ಗಳ ಬೆಲೆಯನ್ನು ಬುಧವಾರ ಘೋಷಣೆ ಮಾಡಲಾಗಿದೆ.

ಹಾರ್ಲೆ ಡೇವಿಡ್ಸನ್ ಬೈಕ್ (ಪ್ರಾತಿನಿಧಿಕ ಚಿತ್ರ)

Srinivas Mata |
Updated on: Apr 28, 2021 | 7:33 PM

ಹೀರೋ ಮೋಟೋಕಾರ್ಪ್ ಮತ್ತು ಹಾರ್ಲೆ- ಡೇವಿಡ್ಸನ್ನಿಂದ ಬುಧವಾರ ಹಾರ್ಲೆ-ಡೇವಿಡ್ಸನ್ 2021ರ ಮಾಡೆಲ್ಗಳ ಬೆಲೆಯನ್ನು ಘೋಷಣೆ ಮಾಡಲಾಗಿದೆ. ಪ್ಯಾನ್ ಅಮೆರಿಕ 1250 ಅಡ್ವೆಂಚರ್ ಟೂರಿಂಗ್ ಮೋಟಾರ್ಸೈಕಲ್ ಅನ್ನು ಸದ್ಯದಲ್ಲೇ ಭಾರತದಲ್ಲಿ ಆರಂಭಿಕ ಬೆಲೆ ರೂ. 16,90,000ಕ್ಕೆ ದೊರೆಯುವಂತೆ ಮಾಡಲಾಗುತ್ತದೆ ಎಂದು ರೆಗ್ಯುಲೇಟರಿ ಫೈಲಿಂಗ್ನಲ್ಲಿ ಹೀರೋ ಮೋಟೋಕಾರ್ಪ್ ಹೇಳಿದೆ. ಮಾಡೆಲ್ ಹೆಸರು ಹಾಗೂ ಭಾರತದ ರೂಪಾಯಿ ಲೆಕ್ಕದಲ್ಲಿ ದರಗಳು (ಎಕ್ಸ್- ಶೋರೂಮ್) ಈ ಕೆಳಕಂಡಂತಿವೆ.

IRON 883™ 10,11,000

FORTY-EIGHTTM 11,75,000

SOFTAILTM STANDARD 15,25,000

STREET BOBTM 15,99,000

FAT BOBTM 114 16,75,000

PAN AMERICATM 1250 16,90,000

PAN AMERICATM 1250 SPECIAL 19,99,000

FAT BOYTM 114 20,90,000

HERITAGE CLASSIC 21,49,000

ELECTRA GLIDETM STANDARD 24,99,000

ROAD KINGTM 26,99,000

STREET GLIDETM SPECIAL 31,99,000

ROAD GLIDETM SPECIAL 34,99,000

ಬುಕ್ಕಿಂಗ್ ಆರಂಭದ ಬಗ್ಗೆ ಹೀರೋ ಮೋಟೋಕಾರ್ಪ್ ಪ್ರೀಮಿಯಂ ಸೆಗ್ಮೆಂಟ್ ಬಿಜಿನೆಸ್ ಯೂನಿಟ್ ಮುಖ್ಯಸ್ಥ ರವಿ ಅವಲೂರ್ ಮಾತನಾಡಿ, ಭಾರತದಲ್ಲಿ 2021ರ ಹಾರ್ಲೆ- ಡೇವಿಡ್ಸನ್ ಬುಕ್ಕಿಂಗ್ ಶುರು ಮಾಡುವುದಕ್ಕೆ ಉತ್ಸಾಹದಿಂದ ಇದ್ದೇವೆ. ಪ್ಯಾನ್ ಅಮೆರಿಕ ಅಡ್ವೆಂಚರ್ ಟೂರರ್ ಪರಿಚಯದ ಮೂಲಕ ಈ ಲೈನ್ ಅಪ್ ಮತ್ತಷ್ಟು ಬಲಿಷ್ಠವಾಗಿದೆ. 2021ರ ಮಾಡೆಲ್ ರೇಂಜ್ ದೊಡ್ಡ ಮಟ್ಟದ ಗ್ರಾಹಕ ವಲಯವನ್ನು ತಲುಪಲಿದೆ. ಈ ಮೂಲಕ ಲೀಷರ್ ಮೋಟಾರ್ಸೈಕ್ಲಿಂಗ್ ಸೆಗ್ಮೆಂಟ್ನಲ್ಲಿ ಮುಂಚೂಣಿಯಲ್ಲಿ ಹಾರ್ಲೆ ಡೇವಿಡ್ಸನ್ ನಿಲ್ಲಲಿದೆ ಎಂಬ ಖಾತ್ರಿ ಇದೆ ಎಂದಿದ್ದಾರೆ.

ಸಲೀಸಾದ ಹಾಗೂ ಸರಳವಾದ ಮತ್ತು ಆರಾಮದಾಯಕ ಮಾಲೀಕತ್ವದ ಅನುಭವವನ್ನು ಈಗಿರುವ ಹಾಗೂ ಮುಂದೆ ಆಗಲಿರುವ ಗ್ರಾಹಕರಿಗೆ ಒದಗಿಸಿಕೊಡಲು ಹೀರೋ ಮೋಟೋಕಾರ್ಪ್ ಮತ್ತು ಹಾರ್ಲೆ ಡೇವಿಡ್ಸನ್ ಎರಡೂ ಸಹ ಬದ್ಧವಾಗಿವೆ ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ಭಾರತಕ್ಕೆ ವಿದಾಯ ಹೇಳಲಿದೆ ಪ್ರಪಂಚದ ದುಬಾರಿ ಬೈಕ್ ಕಂಪನಿ, ಯಾವುದದು?