ICICI Bank: ಎಫ್​ಡಿ ಬಡ್ಡಿ ದರ ಹೆಚ್ಚಿಸಿದ ಐಸಿಐಸಿಐ ಬ್ಯಾಂಕ್; ಠೇವಣಿ ಮೇಲೆ ಹೆಚ್ಚಿನ ಲಾಭ

ಐಸಿಐಸಿಐ ಬ್ಯಾಂಕ್ (ICICI Bank) ಸ್ಥಿರ ಠೇವಣಿಗಳ ಬಡ್ಡಿದರ (FD Interest Rate) ವನ್ನು ಹೆಚ್ಚಿಸಿದ್ದು, 2 ಕೋಟಿಗಿಂತ ಕಡಿಮೆ ಮೊತ್ತದ ಎಫ್‌ಡಿಗಳ ಮೇಲಿನ ಬಡ್ಡಿ ದರವನ್ನು 25 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಿಸಲಾಗಿದೆ. ಈ ಹೊಸ ದರಗಳು ಸೆ.26 ರಿಂದ ಜಾರಿಗೆ ಬಂದಿವೆ. ಇದರೊಂದಿಗೆ ಐಸಿಐಸಿಐ ಬ್ಯಾಂಕ್ ತನ್ನ ಗ್ರಾಹಕರಿಗೆ ಎಫ್​ಡಿಗಳ ಮೇಲೆ 2.75 ಪ್ರತಿಶತದಿಂದ 6.10 ಪ್ರತಿಶತದಷ್ಟು ಬಡ್ಡಿದರವನ್ನು ನೀಡುತ್ತದೆ. ಈ ಬಡ್ಡಿ ದರಗಳನ್ನು 7 ದಿನಗಳಿಂದ 10 ವರ್ಷಗಳ ಅವಧಿಯ ಎಫ್​ಡಿಗಳ ಮೇಲೆ ನೀಡಲಾಗುತ್ತದೆ. ರೆಪೋ ದರ ಹೆಚ್ಚಳದ ನಂತರ ಎಫ್‌ಡಿ ದರಗಳಲ್ಲಿ ಬಂಪರ್ ಹೆಚ್ಚಳವಾಗಿದೆ. ರಿಸರ್ವ್ ಬ್ಯಾಂಕ್ ರೆಪೊ ದರ (Repo Rate)ವನ್ನು ಹೆಚ್ಚಿಸಲು ಆರಂಭಿಸಿದಾಗಿನಿಂದ ಎಫ್‌ಡಿ ದರಗಳು ನಿರಂತರವಾಗಿ ಹೆಚ್ಚುತ್ತಲೇ ಇವೆ.

ಐಸಿಐಸಿಐ ಬ್ಯಾಂಕ್ ವೆಬ್‌ಸೈಟ್ ಪ್ರಕಾರ, 91 ದಿನಗಳಿಂದ 120 ದಿನಗಳು, 121 ದಿನಗಳಿಂದ 150 ದಿನಗಳು ಮತ್ತು 151 ದಿನಗಳಿಂದ 184 ದಿನಗಳವರೆಗೆ ಪಕ್ವವಾಗುವ ಎಫ್‌ಡಿಗಳ ಮೇಲಿನ ಬಡ್ಡಿ ದರವನ್ನು 25 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಿಸಲಾಗಿದೆ. ಈ ಹಿಂದೆ ಈ ಎಫ್‌ಡಿಗಳ ದರವು 3.75 ಪ್ರತಿಶತದಷ್ಟು ಇತ್ತು. ಅದೀಗ 4 ಪ್ರತಿಶತಕ್ಕೆ ತಲುಪಿದೆ. ಆದರೆ ಉಳಿದ ಎಫ್​ಡಿ ಯೋಜನೆಗಳ ಮೇಲಿನ ಬಡ್ಡಿ ದರಗಳು ಮೊದಲಿನಂತೆಯೇ ಇರುತ್ತವೆ. ಸಾಮಾನ್ಯ ಠೇವಣಿದಾರರಿಗಿಂತ ಹಿರಿಯ ನಾಗರಿಕರಿಗೆ ಎಫ್‌ಡಿ ಯೋಜನೆಯಲ್ಲಿ 50 ಬೇಸಿಸ್ ಪಾಯಿಂಟ್‌ಗಳ ಹೆಚ್ಚಿನ ಬಡ್ಡಿಯನ್ನು ನೀಡಲಾಗುತ್ತಿದೆ.

ಐಸಿಐಸಿಐ ಬ್ಯಾಂಕ್ ಎಫ್​ಡಿಯಲ್ಲಿ ಪ್ರತಿ ತಿಂಗಳು ಬಡ್ಡಿ ಹಣವನ್ನು ತೆಗೆದುಕೊಳ್ಳಬಹುದು. ಇದಕ್ಕಾಗಿ ಗ್ರಾಹಕರು ಬ್ಯಾಂಕ್ ಶಾಖೆಯನ್ನು ಸಂಪರ್ಕಿಸಬೇಕು. ಐಸಿಐಸಿಐ ಬ್ಯಾಂಕ್ ಎಫ್‌ಡಿಗಳು ತೆರಿಗೆಗೆ ಒಳಪಡುತ್ತವೆ ಮತ್ತು ಗ್ರಾಹಕರು ಅವರ ತೆರಿಗೆ ಸ್ಲ್ಯಾಬ್‌ಗೆ ಅನುಗುಣವಾಗಿ ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ ಎಂಬುದನ್ನು ನೆನಪಿನಲ್ಲಿಡಿ. ಎಫ್‌ಡಿಯಲ್ಲಿ ಗಳಿಸಿದ ಬಡ್ಡಿಯ ಮೇಲೆ ಟಿಡಿಎಸ್ ಕಡಿತಗೊಳಿಸಲಾಗುತ್ತದೆ. ಆದ್ದರಿಂದ ತೆರಿಗೆ ಉಳಿಸಲು ಗ್ರಾಹಕರು ತೆರಿಗೆ ಉಳಿತಾಯ ಎಫ್​ಡಿ ತೆಗೆದುಕೊಳ್ಳುವ ಆಯ್ಕೆಯನ್ನು ಹೊಂದಿರುತ್ತಾರೆ. ಈ ಎಫ್​ಡಿ 5 ವರ್ಷಗಳಿಗಿಂತ ಹೆಚ್ಚಿನ ಅವಧಿಯನ್ನು ಹೊಂದಿರುತ್ತದೆ. ತೆರಿಗೆ ಉಳಿಸುವ ಎಫ್​ಡಿ ಒಂದು ವರ್ಷದಲ್ಲಿ 46,800 ರೂ.ವರೆಗೆ ತೆರಿಗೆ ಉಳಿಸಬಹುದು.

ಬದಲಾವಣೆಯ ನಂತರ, ICICI ಬ್ಯಾಂಕ್‌ನ FD ಕನಿಷ್ಠ 2.75 ಶೇಕಡಾ ಮತ್ತು ಗರಿಷ್ಠ 6.10 ಶೇಕಡಾ ಬಡ್ಡಿಯನ್ನು ಪಡೆಯುತ್ತಿದೆ. ಹೆಚ್ಚಿನ ಬಡ್ಡಿಯನ್ನು ಗಳಿಸಲು ಒಬ್ಬರು 5 ವರ್ಷಗಳಿಗಿಂತ ಹೆಚ್ಚಿನ FD ಗಳಂತಹ ದೀರ್ಘಾವಧಿಯ ಎಫ್​ಡಿಗಳಲ್ಲಿ ಹೂಡಿಕೆ ಮಾಡಬಹುದು. ಐಸಿಐಸಿಐ ಬ್ಯಾಂಕ್ ಸಾಮಾನ್ಯ ಜನರಿಗೆ 6.10 ಪ್ರತಿಶತ ಬಡ್ಡಿಯನ್ನು ನೀಡುತ್ತಿದ್ದು, 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಹಿರಿಯ ನಾಗರಿಕರು 6.60 ಪ್ರತಿಶತ ಬಡ್ಡಿಯ ಲಾಭವನ್ನು ಪಡೆಯುತ್ತಿದ್ದಾರೆ.

ಹಿರಿಯ ನಾಗರಿಕರಿಗೆ ಹೆಚ್ಚಿನ ಲಾಭ

ನೀವು ದೀರ್ಘಾವಧಿಯ ಎಫ್‌ಡಿಗಳ ಖಾತೆಯನ್ನು ನೋಡಿದರೆ 18 ತಿಂಗಳಿಂದ 2 ವರ್ಷಗಳ ಎಫ್‌ಡಿಗಳಿಗೆ ಶೇ 5.50 ಬಡ್ಡಿಯನ್ನು ನೀಡಲಾಗುತ್ತಿದೆ ಮತ್ತು ಹಿರಿಯ ನಾಗರಿಕರಿಗೆ ಶೇ 6 ಬಡ್ಡಿಯನ್ನು ನೀಡಲಾಗುತ್ತಿದೆ. 2 ವರ್ಷಗಳ ಒಂದು ದಿನದಿಂದ 3 ವರ್ಷಗಳವರೆಗೆ FD ಮೇಲೆ 5.60 ಪ್ರತಿಶತ ಮತ್ತು ಹಿರಿಯ ನಾಗರಿಕರಿಗೆ ಶೇ 6.10 ಪ್ರತಿಶತ, ಮೂರು ವರ್ಷ ಒಂದು ದಿನದಿಂದ 5 ವರ್ಷಗಳವರೆಗಿನ FD ಮೇಲೆ ಶೇ 6.10 ಮತ್ತು ಹಿರಿಯ ನಾಗರಿಕರಿಗೆ ಶೇ.6.60, 5 ವರ್ಷಗಳು ಒಂದು ದಿನದಿಂದ 10 ವರ್ಷಗಳು ಶೇ 5.90 ಮತ್ತು ಹಿರಿಯ ನಾಗರಿಕರಿಗೆ ಶೇ 6.60, 5 ವರ್ಷಕ್ಕಿಂತ ಹೆಚ್ಚಿನ ಎಫ್‌ಡಿಗಳಿಗೆ ಶೇ 5.10 ಮತ್ತು ಹಿರಿಯ ನಾಗರಿಕರಿಗೆ ಶೇ 5.60 ಬಡ್ಡಿಯನ್ನು ನೀಡಲಾಗುತ್ತಿದೆ. ಸೆಕ್ಷನ್ 80ಸಿ ಅಡಿಯಲ್ಲಿ ಈ ಎಫ್‌ಡಿಯಲ್ಲಿ 1.5 ಲಕ್ಷ ರೂಪಾಯಿವರೆಗೆ ತೆರಿಗೆ ಕಡಿತವನ್ನು ಪಡೆಯಬಹುದು.

ಮತ್ತಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ