ಭಾರತದಲ್ಲಿ ಮತ್ತು ವಿಶ್ವದಲ್ಲಿ ಅತಿಹೆಚ್ಚು ಮಾರಾಟವಾದ ಕಾರುಗಳು ಯಾವುವು? ಇಲ್ಲಿದೆ ಪಟ್ಟಿ

Highest selling cars in India and world: ಸೆಪ್ಟೆಂಬರ್ನಲ್ಲಿ ಅತಿಹೆಚ್ಚು ಮಾರಾಟವಾದ ಕಾರುಗಳ ಪಟ್ಟಿಯಲ್ಲಿ ಮಾರುತಿ ಬ್ರೆಜ್ಜಾವನ್ನು ಮಾರುತಿ ಎರ್ಟಿಗಾ ಹಿಂದಿಕ್ಕಿದೆ. ಸೆಪ್ಟೆಂಬರ್ ತಿಂಗಳಲ್ಲಿ 17,441 ಎರ್ಟಿಗಾ ಕಾರುಗಳು ಸೇಲ್ ಆಗಿವೆ. ಮಾರುತಿ ಸ್ವಿಫ್ಟ್, ಹ್ಯುಂಡೈ ಕ್ರೆಟಾ, ಮಾರುತಿ ಬ್ರೆಜ್ಜಾ, ಮಹೀಂದ್ರ ಸ್ಕಾರ್ಪಿಯೋ ಟಾಪ್-5 ಪಟ್ಟಿಯಲ್ಲಿರುವ ಇತರ ಕಾರುಗಳು. ಜಾಗತಿಕವಾಗಿ ಫೋರ್ಡ್ ಎಫ್ ಸರಣಿಯ ಕಾರುಗಳು ಅತಿಹೆಚ್ಚು ಮಾರಾಟವಾಗಿವೆ.

ಕಾರು

ಸುಗ್ಗನಹಳ್ಳಿ ವಿಜಯಸಾರಥಿ |
Updated on:Oct 13, 2024 | 2:32 PM

ನವದೆಹಲಿ, ಅಕ್ಟೋಬರ್ 13: ಭಾರತದ ಕಾರು ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ ಕಂಪನಿಯ ಪ್ರಾಬಲ್ಯ ಮುಂದುವರಿದಿದೆ. ಸೆಪ್ಟೆಂಬರ್ ತಿಂಗಳಲ್ಲಿ ಅತಿಹೆಚ್ಚು ಮಾರಾಟವಾದ 15 ಕಾರುಗಳಲ್ಲಿ ಮಾರುತಿ ಕಂಪನಿಯದ್ದೇ ಹೆಚ್ಚು. ಮಾರುತಿ ಎರ್ಟಿಗಾ ಸೆಪ್ಟೆಂಬರ್ನಲ್ಲಿ ಅತಿಹೆಚ್ಚು ಸೇಲ್ ಆದ ಕಾರಾಗಿದೆ. ಸೆಪ್ಟೆಂಬರ್ನಲ್ಲಿ 17,441 ಎರ್ಟಿಗಾ ಕಾರುಗಳ ಮಾರಾಟವಾಗಿದೆ. ಮಾರುತಿ ಸುಜುಕಿಯ ಸ್ವಿಫ್ಟ್ ಕಾರುಗಳು 16,241 ಯೂನಿಟ್ ಮಾರಾಟವಾಗಿವೆ. ಟಾಪ್ 15 ಪಟ್ಟಿಯಲ್ಲಿ ಮಾರುತಿ ಸುಜುಕಿಯ 9 ಮಾಡಲ್ಗಳು ಸೇರಿವೆ. ಇನ್ನು, ಜಾಗತಿಕವಾಗಿ ಅತಿಹೆಚ್ಚು ಮಾರಾಟವಾದ ಕಾರೆಂದರೆ ಫೋರ್ಡ್ ಎಫ್ ಸೀರೀಸ್. ಬರೋಬ್ಬರಿ 5,28,028 ಕಾರುಗಳು ಜಾಗತಿಕವಾಗಿ ಸೇಲ್ ಆಗಿವೆ. ಆದರೆ ಇದು ಇಡೀ ವರ್ಷದಲ್ಲಿ ಆಗಿರುವ ಮಾರಾಟ.

ಭಾರತದಲ್ಲಿ ಮಾರುತಿ ಬಿಟ್ಟರೆ ಟಾಟಾ, ಹ್ಯುಂಡೈ ಮತ್ತು ಮಹೀಂದ್ರ ಕಾರುಗಳು ಹೆಚ್ಚು ಮಾರಾಟ ಕಂಡಿವೆ. ಟಾಪ್-15 ಕಾರುಗಳಲ್ಲಿ ಮಾರುತಿ ಸುಜುಕಿಯ 9 ಕಾರುಗಳಿವೆ. ಟಾಟಾ ಮತ್ತು ಹ್ಯುಂಡೈನ ಎರಡೆರಡು ಕಾರುಗಳಿವೆ. ಮಹೀಂದ್ರ ಮತ್ತು ಕಿಯಾದ ತಲಾ ಒಂದೊಂದು ಕಾರು ಈ ಪಟ್ಟಿಯಲ್ಲಿವೆ.

ಇದನ್ನೂ ಓದಿ: Best CNG Cars: ಬಜೆಟ್ ಬೆಲೆಗೆ ಭರ್ಜರಿ ಮೈಲೇಜ್ ನೀಡುವ ಟಾಪ್ 5 ಸಿಎನ್‌ಜಿ ಕಾರುಗಳಿವು!