ಇದಕ್ಕಿಂತ ಕಡಿಮೆಗೆ ಸಿಕ್ಕರೆ ಎರಡು ಪಟ್ಟು ಹಣ ರೀಫಂಡ್; ಪೇಟಿಎಂನಲ್ಲಿ ಪ್ರೈಸ್ ಗ್ಯಾರಂಟಿ ಆಫರ್
Paytm Carnival sale: ಪೇಟಿಎಂ ಪ್ಲಾಟ್ಫಾರ್ಮ್ನಲ್ಲಿ ಆಫರ್ ಮಾಡಲಾಗುವ ದರಕ್ಕಿಂತ ಕಡಿಮೆ ಬೆಲೆಗೆ ಯಾವುದೇ ಪ್ಲಾಟ್ಫಾರ್ಮ್ನಲ್ಲಿ ಫ್ಲೈಟ್ ಟಿಕೆಟ್ ಸಿಕ್ಕಿದರೆ ಎರಡು ಪಟ್ಟು ಹಣವನ್ನು ರೀಫಂಡ್ ಮಾಡುವುದಾಗಿ ಹೇಳಲಾಗಿದೆ. ವಿಮಾನ ಮಾತ್ರವಲ್ಲ ಬಸ್ ಟಿಕೆಟ್ಗೂ ಪೇಟಿಎಂ ಬೆಸ್ಟ್ ಪ್ರೈಸ್ ನೀಡುತ್ತಿದೆ. ತನ್ನ ಪ್ಲಾಟ್ಫಾರ್ಮ್ನಲ್ಲಿ ಬಸ್ ಟಿಕೆಟ್ ಅತಿ ಕಡಿಮೆ ಎಂದು ಪೇಟಿಎಂ ಹೇಳಿಕೊಂಡಿದೆ.
ನವೆಂಬರ್ 1: ಹಣಕಾಸು ತಂತ್ರಜ್ಞಾನ ಸಂಸ್ಥೆ ಪೇಟಿಎಂ (Paytm) ತನ್ನ ಪ್ಲಾಟ್ಫಾರ್ಮ್ನಲ್ಲಿ ಸಖತ್ ಆಫರ್ಗಳನ್ನು ಗ್ರಾಹಕರ ಮುಂದಿಟ್ಟಿದೆ. ಅದರಲ್ಲೂ ಫ್ಲೈಟ್, ರೈಲು ಮತ್ತು ಬಸ್ಸುಗಳ ಟಿಕೆಟ್ ಬುಕಿಂಗ್ಗೆ ಡಿಸ್ಕೌಂಟ್ ಸೇರಿದಂತೆ ವಿವಿಧ ಆಫರ್ಗಳಿವೆ. ಅಕ್ಟೋಬರ್ 27ರಂದೇ ಶುರುವಾದ ಕಾರ್ನಿವಲ್ ಸೇಲ್ (Paytm carnival sale) ನವೆಂಬರ್ 5ಕ್ಕೆ ಮುಗಿಯುತ್ತದೆ. ವಿಮಾನ ಟಿಕೆಟ್ಗಳಿಗಂತೂ ಬಹಳಷ್ಟು ರಿಯಾಯಿತಿಗಳನ್ನು ಪೇಟಿಎಂ ಘೋಷಿಸಿದೆ.
ದೇಶೀಯ ಫ್ಲೈಟ್ಗಳಿಗೆ ಶೇ. 15ರಷ್ಟು ಇನ್ಸ್ಟೆಂಟ್ ಡಿಸ್ಕೌಂಟ್ ಕೊಡಲಾಗುತ್ತಿದೆ. ಅಂತಾರಾಷ್ಟ್ರೀಯ ಫ್ಲೈಟ್ಗಳಿಗೆ ಶೇ. 10ರಷ್ಟು ರಿಯಾಯಿತಿ ಇದೆ. ಈ ಆಫರ್ ನವೆಂಬರ್ 5ರವರೆಗೂ ಮಾತ್ರವೇ ಇರುವುದು. ಇಂಡಿಗೋ, ವಿಸ್ತಾರ, ಏರ್ ಇಂಡಿಯಾ, ಏರ್ ಇಂಡಿಯಾ ಎಕ್ಸ್ಪ್ರೆಸ್, ಸ್ಪೈಸ್ಜೆಟ್, ಸ್ಟಾರ್ ಏರ್ ಮತ್ತು ಆಕಾಸ ಏರ್ಲೈನ್ಸ್ ಸಂಸ್ಥೆಗಳ ಫ್ಲೈಟ್ಗಳ ಬುಕಿಂಗ್ಗೆ ಪೇಟಿಎಂ ಈ ಭರ್ಜರಿ ಡಿಸ್ಕೌಂಟ್ಗಳನ್ನು ಕೊಟ್ಟಿದೆ.
ಇದನ್ನೂ ಓದಿ: ಅಕ್ಟೋಬರ್ನಲ್ಲಿ ಎರಡನೇ ಅತಿಹೆಚ್ಚು ಜಿಎಸ್ಟಿ ಕಲೆಕ್ಷನ್; ಈ ವರ್ಷ ಯಾವ ರಾಜ್ಯಗಳಿಗೆ ಎಷ್ಟು ತೆರಿಗೆ ಪಾಲು ಕೊಟ್ಟಿದೆ ಕೇಂದ್ರ?
ಬೆಸ್ಟ್ ಪ್ರೈಸ್ ಗ್ಯಾರಂಟಿ
ಪೇಟಿಎಂ ಪ್ಲಾಟ್ಫಾರ್ಮ್ನಲ್ಲಿ ಆಫರ್ ಮಾಡಲಾಗುವ ದರಕ್ಕಿಂತ ಕಡಿಮೆ ಬೆಲೆಗೆ ಯಾವುದೇ ಪ್ಲಾಟ್ಫಾರ್ಮ್ನಲ್ಲಿ ಫ್ಲೈಟ್ ಟಿಕೆಟ್ ಸಿಕ್ಕಿದರೆ ಎರಡು ಪಟ್ಟು ಹಣವನ್ನು ರೀಫಂಡ್ ಮಾಡುವುದಾಗಿ ಹೇಳಲಾಗಿದೆ. ವಿಮಾನ ಮಾತ್ರವಲ್ಲ ಬಸ್ ಟಿಕೆಟ್ಗೂ ಪೇಟಿಎಂ ಬೆಸ್ಟ್ ಪ್ರೈಸ್ ನೀಡುತ್ತಿದೆ. ತನ್ನ ಪ್ಲಾಟ್ಫಾರ್ಮ್ನಲ್ಲಿ ಬಸ್ ಟಿಕೆಟ್ ಅತಿ ಕಡಿಮೆ ಎಂದು ಪೇಟಿಎಂ ಹೇಳಿಕೊಂಡಿದೆ. 2,500 ಬಸ್ ಆಪರೇಟರುಗಳನ್ನು ಪೇಟಿಎಂ ಒಳಗೊಂಡಿದೆ. ಈ ಪ್ಲಾಟ್ಫಾರ್ಮ್ನಲ್ಲಿ ಲೈವ್ ಬಸ್ ಟ್ರ್ಯಾಕಿಂಗ್ ಸೌಲಭ್ಯವೂ ಇದೆ.
ಪೇಟಿಎಂ ಕಾರ್ನಿವಲ್ ಸೇಲ್ನ (2023ರ ಅಕ್ಟೋಬರ್ 27ರಿಂದ ನವೆಂಬರ್ 5ರವರೆಗೆ) ಕೆಲ ಪ್ರಮುಖ ಅಂಶಗಳು
- ಭಾರತದೊಳಗೆ ಹಾರಾಡುವ ವಿಮಾನದ ಟಿಕೆಟ್ಗಳಿಗೆ ಪೇಟಿಎಂನಿಂದ ಶೇ. 15ರಷ್ಟು ರಿಯಾಯಿತಿ
- ಅಂತಾರಾಷ್ಟ್ರೀಯ ಫ್ಲೈಟ್ಗಳಿಗೆ ಶೇ. 10ರಷ್ಟು ಡಿಸ್ಕೌಂಟ್
ಇದನ್ನೂ ಓದಿ: ಎಲ್ ಅಂಡ್ ಟಿಯಿಂದ ಫ್ಯಾಬ್ಲೆಸ್ ಸೆಮಿಕಂಡಕ್ಟರ್ ಡಿಸೈನ್ ಘಟಕ; ಪ್ರತ್ಯೇಕ ಉಪಸಂಸ್ಥೆ ರಚನೆಗೆ ಅನುಮೋದನೆ
- ಇಂಡಿಗೋ, ವಿಸ್ತಾರ, ಏರ್ ಇಂಡಿಯಾ, ಏರ್ ಇಂಡಿಯಾ ಎಕ್ಸ್ಪ್ರೆಸ್, ಸ್ಪೈಸ್ ಜೆಟ್, ಸ್ಟಾರ್ ಏರ್, ಆಕಾಸ ಇತ್ಯಾದಿ ಪ್ರಮುಖ ಏರ್ಲೈನ್ ಕಂಪನಿಗಳ ಟಿಕೆಟ್ಗಳಿಗೆ ಡಿಸ್ಕೌಂಟ್
- ಐಸಿಐಸಿಐ ಬ್ಯಾಂಕ್, ಇಂಡಸ್ಇಂಡ್ ಬ್ಯಾಂಕ್, ಆರ್ಬಿಎಲ್ ಬ್ಯಾಂಕ್ ಮತ್ತು ಎಚ್ಎಸ್ಬಿಸಿ ಬ್ಯಾಂಕ್ನಲ್ಲಿ ಝೀರೋ ಕನ್ವೀನಿಯನ್ಸ್ ಶುಲ್ಕ ಇತ್ಯಾದಿ ಆಫರ್.
- ವಿದ್ಯಾರ್ಥಿಗಳು, ಹಿರಿಯ ನಾಗರಿಕರು ಮತ್ತು ಯೋಧರಿಗೆ ವಿಶೇಷ ರಿಯಾಯಿತಿ
- ಟ್ರೈನ್ ಬುಕಿಂಗ್ನಲ್ಲಿ ಪೇಮೆಂಟ್ ಗೇಟ್ವೇ ಶುಲ್ಕ ಇಲ್ಲ.
- ಟ್ರೈನ್ ಸ್ಟೇಟಸ್ ಮತ್ತು ಪಿಎನ್ಆರ್ ಸ್ಟೇಟಸ್ ಅನ್ನು ಪರಿಶೀಲಿಸಬಹುದು.
- ಗ್ಯಾರಂಟೀಡ್ ಸೀಟ್ ಅಸಿಸ್ಟೆನ್ಸ್ ಸ್ಕೀಮ್ ಅಡಿಯಲ್ಲಿ ಗ್ರಾಹಕರು ಖಚಿತವಾಗಿ ಸೀಟು ಬುಕ್ ಮಾಡಬಹುದು. ವೈಟಿಂಗ್ ಲಿಸ್ಟ್ನಲ್ಲಿ ಕಾಯುವುದು ಬೇಕಾಗಿಲ್ಲ.
- ಆಯ್ದ ಬಸ್ ಆಪರೇಟುಗಳ ಬಸ್ ಟಿಕೆಟ್ ಮೇಲೆ ಶೇ. 20ರವರೆಗೂ ರಿಯಾಯಿತಿ ಪಡೆಯಬಹುದು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ