November Changes: ನವೆಂಬರ್ನಲ್ಲಿ ಇರುವ ಪ್ರಮುಖ ಹಣಕಾಸು ಬದಲಾವಣೆಗಳು
financial Rules Changes: ಅಕ್ಟೋಬರ್ ಮುಗಿದು ನವೆಂಬರ್ ತಿಂಗಳು ಅಡಿ ಇಟ್ಟಿದೆ. ಈ ವೇಳೆ ಹಣಕಾಸು ಕ್ಷೇತ್ರದಲ್ಲಿ ಕೆಲವಿಷ್ಟು ಬದಲಾವಣೆಗಳು ಮತ್ತು ಬೆಳವಣಿಗೆಗಳು ಹಲವು ಇವೆ. ಜನಸಾಮಾನ್ಯರಿಗೆ ಮತ್ತು ಉದ್ಯಮಗಳಿಗೆ ಆರ್ಥಿಕವಾಗಿ ಪರಿಣಾಮ ಬೀರುವ ಸಂಗತಿಗಳು ಕೆಲವಿವೆ. ನವೆಂಬರ್ 1ರಿಂದ ಹೊಸ ಹಣಕಾಸು ನಿಯಮಗಳು ಜಾರಿಗೆ ಬರಲಿವೆ. ಇವುಗಳ ಒಂದು ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ...
Updated on: Nov 01, 2023 | 2:03 PM
ಅಕ್ಟೋಬರ್ ಮುಗಿದು ನವೆಂಬರ್ ತಿಂಗಳು (November 2023) ಅಡಿ ಇಟ್ಟಿದೆ. ಈ ವೇಳೆ ಹಣಕಾಸು ಕ್ಷೇತ್ರದಲ್ಲಿ ಕೆಲವಿಷ್ಟು ಬದಲಾವಣೆಗಳು ಮತ್ತು ಬೆಳವಣಿಗೆಗಳು (financial rules changes) ಹಲವು ಇವೆ. ಜನಸಾಮಾನ್ಯರಿಗೆ ಮತ್ತು ಉದ್ಯಮಗಳಿಗೆ ಆರ್ಥಿಕವಾಗಿ ಪರಿಣಾಮ ಬೀರುವ ಸಂಗತಿಗಳು ಕೆಲವಿವೆ. ನವೆಂಬರ್ 1ರಿಂದ ಹೊಸ ಹಣಕಾಸು ನಿಯಮಗಳು ಜಾರಿಗೆ ಬರಲಿವೆ. ಇವುಗಳ ಒಂದು ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ…
ನವೆಂಬರ್ನಲ್ಲಿ ಅನಿಲ ದರ ಪರಿಷ್ಕರಣೆ
ಪೆಟ್ರೋಲಿಯಂ ಮಾರ್ಕೆಟಿಂಗ್ ಕಂಪನಿಗಳು ಪ್ರತೀ ತಿಂಗಳ ಆರಂಭದಲ್ಲಿ ಗ್ಯಾಸ್ ಸಿಲಿಂಡರ್ಗಳ ಬೆಲೆ ಪರಿಷ್ಕರಿಸುತ್ತವೆ. ಅಡುಗೆಗೆ ಬಳಸುವ ಎಲ್ಪಿಜಿ ಮತ್ತು ವಾಹನಗಳಿಗೆ ಬಳಸುವ ಸಿಎನ್ಜಿ ಗ್ಯಾಸ್ ಸಿಲಿಂಡರ್ಗಳ ಪರಿಷ್ಕೃತ ಬೆಲೆ ಪ್ರತೀ ತಿಂಗಳ ಒಂದನೇ ತಾರೀಖು ಪ್ರಕಟವಾಗುತ್ತದೆ. ಇಂದು ನವೆಂಬರ್ 1ರಂದು ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ ಬೆಲೆ 101.50 ರೂನಷ್ಟು ಹೆಚ್ಚಾಗಿದೆ.
ಷೇರುಪೇಟೆಯಲ್ಲಿ ವಹಿವಾಟು ಶುಲ್ಕ
ಭಾರತದ ಎರಡು ಪ್ರಮುಖ ಷೇರು ವಿನಿಮಯ ಕೇಂದ್ರಗಳಲ್ಲಿ ಒಂದಾದ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ ನವೆಂಬರ್ 1ರಿಂದ ಈಕ್ವಿಟಿ ಡಿರೈವೇಟಿಂಗ್ ಸೆಗ್ಮೆಂಟ್ನಲ್ಲಿ ಟ್ರಾನ್ಸಾಕ್ಷನ್ ಶುಲ್ಕವನ್ನು ಹೆಚ್ಚಿಸಿದೆ. ಅಕ್ಟೋಬರ್ 20ರಂದು ಈ ನಿಟ್ಟಿನಲ್ಲಿ ಬಿಎಸ್ಇಯಿಂದ ಘೋಷಣೆಯಾಗಿತ್ತು.
ಇದನ್ನೂ ಓದಿ: LPG Cylinder Price: ದೀಪಾವಳಿ ಹೊಸ್ತಿಲಲ್ಲಿ ಗ್ರಾಹಕರಿಗೆ ಶಾಕ್, ವಾಣಿಜ್ಯ ಬಳಕೆಯ ಎಲ್ಪಿಜಿ ಸಿಲಿಂಡರ್ ಬೆಲೆ ಹೆಚ್ಚಳ
ಇ-ಚಲನ್ ಪೋರ್ಟಲ್ಗೆ ಜಿಎಸ್ಟಿ ಚಲನ್ ಹಾಕುವುದು
ಕನಿಷ್ಠ 100 ಕೋಟಿ ರೂಗೂ ಹೆಚ್ಚು ಮೌಲ್ಯದ ಸಂಸ್ಥೆಗಳು ಇ-ಚಲನ್ ಪೋರ್ಟಲ್ನಲ್ಲಿ ಜಿಎಸ್ಟಿ ಚಲನ್ ಅಪ್ಲೋಡ್ ಮಾಡಬೇಕು. ಬಿಲ್ ರಚನೆಯಾಗಿ 30 ದಿನದೊಳಗೆ ಅಪ್ಲೋಡ್ ಆಗಬೇಕು ಎಂದು ನ್ಯಾಷನಲ್ ಇನ್ಫಾರ್ಮ್ಯಾಟಿಕ್ಸ್ ಸೆಂಟರ್ (ಎನ್ಐಸಿ) ಹೇಳಿದೆ.
ಲ್ಯಾಪ್ಟಾಪ್ ಆಮದು ನಿರ್ಬಂಧ
ಎಚ್ಎಸ್ಎನ್ 8741 ಕೆಟಗರಿ ಅಡಿಯಲ್ಲಿ ಲ್ಯಾಪ್ಟಾಪ್, ಪರ್ಸನಲ್ ಕಂಪ್ಯೂಟರ್, ಟ್ಯಾಬ್ಲೆಟ್ ಇತ್ಯಾದಿ ಏಳು ಉತ್ಪನ್ನಗಳ ಆಮದುಗಳ ಮೇಲೆ ಸರ್ಕಾರ ಆಗಸ್ಟ್ 3ರಂದು ನಿರ್ಬಂಧ ಹೇರಿತ್ತು. ಈಗ ನಿರ್ಬಂಧಿತ ಆಮದುಗಳಿಗೆ ಪರವಾನಿಗೆ ಹೊಂದಿದ್ದರೆ ಈ ಏಳು ಉತ್ಪನ್ನಗಳ ಆಮದು ಮಾಡಲು ಅವಕಾಶ ಕೊಡಲಾಗಿದೆ.
ಇದನ್ನೂ ಓದಿ: ಸುಕನ್ಯಾ ಸಮೃದ್ಧಿ ಯೋಜನೆ: ತಿಂಗಳಿಗೆ 1,000 ರೂ ಕಟ್ಟಿದರೆ ಎಷ್ಟು ರಿಟರ್ನ್ ಸಿಗುತ್ತದೆ? ಇಲ್ಲಿದೆ ಡೀಟೇಲ್ಸ್
ಲ್ಯಾಪ್ಸ್ ಆದ ಎಲ್ಐಸಿ ಪಾಲಿಸಿಗಳಿಗೆ ಮರುಜೀವ
ಎಲ್ಐಸಿ ಪಾಲಿಸಿಯ ಪ್ರೀಮಿಯಮ್ ಅನ್ನು ನಿರ್ದಿಷ್ಟ ಅವಧಿಯವರೆಗೆ ಕಟ್ಟದೇ ಹೋದರೆ ಅವುಗಳು ಲ್ಯಾಪ್ಸ್ ಆಗುತ್ತವೆ. ಇವುಗಳ ರಿನಿವಲ್ಗೆ ಸರ್ಕಾರ ಅವಕಾಶ ಕೊಟ್ಟಿತ್ತು. ಅಕ್ಟೋಬರ್ 31ರವರೆಗೂ ಇದಕ್ಕೆ ಅವಕಾಶ ಇತ್ತು. ಈಗ ಈ ಡೆಡ್ಲೈನ್ ಮುಗಿದಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
