ಕ್ರೆಡಿಟ್ ಸ್ಕೋರ್ ಕಡಿಮೆ ಇದ್ದರೂ ದೊಡ್ಡಸಾಲ ಪಡೆಯುವುದು ಹೇಗೆ? ಇಲ್ಲಿದೆ ಮಾರ್ಗೋಪಾಯ

ಸಾಲ ಪಡೆಯಲು ಕ್ರೆಡಿಟ್ ಸ್ಕೋರ್ (credit score) ಬಹಳ ಮುಖ್ಯ. 300ರಿಂದ 900 ಅಂಕಗಳವರೆಗೆ ಇರುವ ಕ್ರೆಡಿಟ್ ಸ್ಕೋರ್​ನಲ್ಲಿ 750ಕ್ಕಿಂತ ಹೆಚ್ಚಿನದ್ದನ್ನು ಉತ್ತಮ ಸ್ಕೋರ್ ಎಂದು ಪರಿಗಣಿಸಲಾಗುತ್ತದೆ. ಅಲ್ಪ ಕ್ರೆಡಿಟ್ ಸ್ಕೋರ್ ಇದ್ದರೆ ಬ್ಯಾಂಕುಗಳು ಸಾಲ ಕೊಡಲು ಹಿಂದೇಟು ಹಾಕುತ್ತವೆ. ಸಾಲಕ್ಕೆ ಕ್ರೆಡಿಟ್ ಸ್ಕೋರ್ ಒಂದೇ ಮಾನದಂಡವಲ್ಲ. ಬ್ಯಾಂಕುಗಳು ಇನ್ನೂ ಕೆಲ ಅಂಶಗಳನ್ನು ಪರಿಗಣಿಸುತ್ತವೆ. ಆದ್ದರಿಂದ ನಿಮಗೆ ಕ್ರೆಡಿಟ್ ಸ್ಕೋರ್ ಕಡಿಮೆ ಇದ್ದರೆ ಸಾಲ ಪಡೆಯಲು ಒಂದಿಲ್ಲೊಂದು ಮಾರ್ಗೋಪಾಯ ಇರುತ್ತದೆ. ಹೆಚ್ಚಿನ ಸಂದರ್ಭದಲ್ಲಿ ಸಾಲ ನಿರಾಕರಿಸಲಾಗುವುದಿಲ್ಲವಾದರೂ ಬಡ್ಡಿದರ ಹೆಚ್ಚಿಸಲಾಗುತ್ತದೆ. ಕ್ರೆಡಿಟ್ ಸ್ಕೋರ್ ಕಡಿಮೆ ಇದ್ದು, ನೀವು ಸಾಲಕ್ಕೆ ಅರ್ಜಿ ಹಾಕುವವರಿದ್ದರೆ ಕೆಲ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು.

ಬೇರೆ ಬೇರೆ ಬ್ಯಾಂಕುಗಳಲ್ಲಿ ವಿಚಾರಿಸಿ

ಬೇರೆ ಬೇರೆ ಬ್ಯಾಂಕುಗಳಲ್ಲಿ ಸಾಲ ನೀಡುವ ಕ್ರಮ ಬೇರೆ ಇರಬಹುದು. ಕೆಲ ಬ್ಯಾಂಕುಗಳು ಕ್ರೆಡಿಟ್ ಸ್ಕೋರ್ ಅನ್ನು ಪ್ರಮುಖ ಮಾನದಂಡವಾಗಿ ಇಟ್ಟಿರುತ್ತವೆ. ಬೇರೆ ಕೆಲ ಬ್ಯಾಂಕುಗಳು ಕ್ರೆಡಿಟ್ ಸ್ಕೋರ್​ಗೆ ಪ್ರಾಮುಖ್ಯತೆ ನೀಡದೇ ಹೋಗಬಹುದು. ಆದ್ದರಿಂದ ಗೃಹಸಾಲಕ್ಕೆ ಅರ್ಜಿ ಸಲ್ಲಿಸುವಾಗ ಬೇರೆ ಬೇರೆ ಬ್ಯಾಂಕುಗಳಲ್ಲಿ ಸಾಲಕ್ಕೆ ವಿಚಾರಿಸಬಹುದು.

ಇದನ್ನೂ ಓದಿ: ಎನ್​ಪಿಎಸ್ ಮತ್ತು ಪಿಪಿಎಫ್ ಸ್ಕೀಮ್​ನಲ್ಲಿ ಯಾವುದರ ಮೇಲೆ ಹೂಡಿಕೆ ಮಾಡಬೇಕು ಎಂಬ ಗೊಂದಲವಾ? ಇಲ್ಲಿದೆ ಒಂದು ಹೋಲಿಕೆ

ಡೌನ್ ಪೇಮೆಂಟ್ ಹೆಚ್ಚು ನೀಡಿ

ನಿಮ್ಮ ಕ್ರೆಡಿಟ್ ಸ್ಕೋರ್ ಕಡಿಮೆ ಇದ್ದರೆ ಆಗ ಹೆಚ್ಚಿನ ಡೌನ್​ಪೇಮೆಂಟ್ ಕೊಡುವುದಾಗಿ ಆಫರ್ ಮಾಡಿರಿ. ಇದರಿಂದ ನಿಮ್ಮ ಬಗ್ಗೆ ಬ್ಯಾಂಕಿಗೆ ವಿಶ್ವಾಸ ಮೂಡಬಹುದು. ನಿಮಗೆ ಸಾಲದ ಹೊರೆಯೂ ಕಡಿಮೆ ಆಗಬಹುದು.

ಜಂಟಿಯಾಗಿ ಸಾಲ ಪಡೆಯುವ ಸಾಧ್ಯತೆ ನೋಡಿ

ಕ್ರೆಡಿಟ್ ಸ್ಕೋರ್ ಉತ್ತಮ ಇರುವ ಕುಟುಂಬ ಸದಸ್ಯರೊಬ್ಬರ ಜೊತೆ ಸೇರಿ ಜಂಟಿಯಾಗಿ ಸಾಲಕ್ಕೆ ಅರ್ಜಿ ಸಲ್ಲಿಸುವುದು ಉತ್ತಮ ಐಡಿಯಾ ಎನಿಸಬಹುದು. ಜಂಟಿಯಾಗಿ ಸಾಲಕ್ಕೆ ಅರ್ಜಿ ಸಲ್ಲಿಸುವವರಲ್ಲಿ ಒಬ್ಬರದ್ದಾದರೂ ಕ್ರೆಡಿಟ್ ಸ್ಕೋರ್ ಚೆನ್ನಾಗಿದ್ದರೆ ಸಾಕಾಗುತ್ತದೆ.

ಇದನ್ನೂ ಓದಿ: ಪಿಪಿಎಫ್​ನಲ್ಲಿ ಹೂಡಿಕೆ ಮಾಡುತ್ತಿರುವಿರಾ? ಏಪ್ರಿಲ್ 5ರೊಳಗೆ ಹಣ ಕಟ್ಟದಿದ್ದರೆ ಕೈತಪ್ಪಲಿದೆ ಸಾವಿರಾರು ರೂ ಆದಾಯ

ಹೆಚ್ಚುವರಿ ದಾಖಲೆ ಒದಗಿಸಿ

ಕ್ರೆಡಿಟ್ ಸ್ಕೋರ್ ಬೇರೆ ಬೇರೆ ಕಾರಣ, ಒತ್ತಡಕ್ಕೆ ಕಡಿಮೆ ಆಗಿದ್ದಿರಬಹುದು. ಆದರೆ, ನಿಮಗೆ ಉತ್ತಮ ಆದಾಯ ಇದೆ, ಸ್ಥಿರ ಕೆಲಸ ಇದೆ, ಆಸ್ತಿಪಾಸ್ತಿ ಭದ್ರತೆ ಚೆನ್ನಾಗಿದ್ದ ಪಕ್ಷದಲ್ಲಿ ಅದನ್ನು ಬಿಂಬಿಸುವ ದಾಖಲೆಗಳನ್ನು ನೀಡಿರಿ. ಉದಾಹರಣೆಗೆ, ಬ್ಯಾಂಕ್ ಸ್ಟೇಟ್ಮೆಂಟ್, ಸ್ಯಾಲರಿ ಸ್ಲಿಪ್ ಇತ್ಯಾದಿಯನ್ನು ಒದಗಿಸಬಹುದು. ಇದರಿಂದ ನಿಮ್ಮ ಹಣಕಾಸು ಬದ್ಧತೆ ಬಗ್ಗೆ ಬ್ಯಾಂಕಿಗೆ ವಿಶ್ವಾಸ ಬರಬಹುದು.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ