LIC Aadhaar Shila: ಎಲ್​ಐಸಿ ಆಧಾರ್ ಶಿಲಾ ಪಾಲಿಸಿ: ದಿನಕ್ಕೆ 58 ರೂನಂತೆ ಕಟ್ಟಿ, 8 ಲಕ್ಷ ರೂ ಲಾಭ ಮಾಡಿ

ಎಲ್​ಐಸಿ ಭಾರತದ ನಂಬರ್ ಒನ್ ವಿಮಾ ಸಂಸ್ಥೆ. ಹಲವು ವೈವಿಧ್ಯಮಯ ಪಾಲಿಸಿ ಪ್ಲಾನ್​ಗಳನ್ನು ಹೊಂದಿರುವ ಎಲ್​ಐಸಿಯಲ್ಲಿ (LIC) ಎಲ್ಲರ ಅಗತ್ಯಗಳಿಗೆ ತಕ್ಕಂತಹ ಸ್ಕೀಮ್​ಗಳಿವೆ. ನಿಶ್ಚಿತ ರಿಟರ್ನ್ ಕೊಡುವ ಪ್ಲಾನ್​ಗಳಿಂದ ಹಿಡಿದು ಷೇರುಜೋಡಿತ ಪ್ಲಾನ್​ಗಳವರೆಗೆ ನೀವು ಎಲ್​ಐಸಿ ಪಾಲಿಸಿಯ ಆಯ್ಕೆ ಪಡೆಯಬಹುದು. ಎಲ್​ಐಸಿಯ ನ್ಯೂ ಜೀವನ್ ಆನಂದ್ ಇತ್ಯಾದಿ ಕೆಲ ಜನಪ್ರಿಯ ಪಾಲಿಸಿಗಳಿಗೆ ಹೊರತಾಗಿಯೂ ಬೇರೆ ಪ್ರಮುಖ ಸ್ಕೀಮ್​ಗಳು ಎಲ್​ಐಸಿಯಲ್ಲಿ ಇವೆ. ಅದರಲ್ಲಿ ಎಲ್​ಐಸಿ ಆಧಾರ್ ಶಿಲಾ ಯೋಜನೆಯೂ (LIC Aadhaar Shila Plan) ಒಂದು. ಇದು ಮಹಿಳೆಯರಿಗೆಂದೇ ರೂಪಿಸಲಾದ ಸ್ಕೀಮ್ ಎಂಬುದು ವಿಶೇಷ. 8ರಿಂದ 55 ವರ್ಷದೊಳಗಿನ ಮಹಿಳೆಯರು ಈ ಸ್ಕೀಮ್ ಪಡೆಯಬಹುದಾಗಿದ್ದು 75,000 ರೂನಿಂದ 3,00,000 ರೂವರೆಗೂ ಹೂಡಿಕೆ ಮಾಡಬಹುದು. ಇದರಲ್ಲಿ 8 ಲಕ್ಷ ರೂವರೆಗೂ ರಿಟರ್ನ್ ಪಡೆಯುವ ಅವಕಾಶ ಇದೆ.

ಎಲ್​ಐಸಿ ಆಧಾರ್ ಶಿಲಾ ಯೋಜನೆಗೆ ಆಧಾರ್ ಹೆಸರು ಇರುವುದು ಯಾಕೆ?

ಈ ಪಾಲಿಸಿಗೆ ಆಧಾರ್ ಅನ್ನು ಲಿಂಕ್ ಮಾಡಲಾಗುತ್ತದೆ. ನೀವು ಈ ಪಾಲಿಸಿ ಮಾಡಿಸಬೇಕೆಂದರೆ ಆಧಾರ್ ದಾಖಲೆ ಕಡ್ಡಾಯ.

• ಪಾಲಿಸಿ ಹೆಸರು: ಆಧಾರ್ ಶಿಲಾ ಪ್ಲಾನ್
• ಅರ್ಹತೆ: 18ರಿಂದ 55 ವರ್ಷದೊಳಗಿನ ಮಹಿಳೆಯರು
• ಕನಿಷ್ಠ ಭರವಸೆ ಮೊತ್ತ: 3,00,000 ರೂ
• ಗರಿಷ್ಠ ಭರವಸೆ ಮೊತ್ತ: 5,00,000 ರೂ
• ಪಾಲಿಸಿ ಅವಧಿ: 10-20 ವರ್ಷ
• ಪಾಲಿಸಿದಾರಳ ಕನಿಷ್ಠ ವಯಸ್ಸು: 8 ವರ್ಷ
• ಪಾಲಿಸಿದಾರಳ ಗರಿಷ್ಠ ವಯಸ್ಸು: 55 ವರ್ಷ

ಇದನ್ನೂ ಓದಿ: Aadhaar: ಆಧಾರ್ ಅಪ್​ಡೇಶನ್; ಡೆಡ್​ಲೈನ್​ಗೆ ಕೆಲವೇ ದಿನ; ಜೂನ್ 14ರೊಳಗೆ ಹೇಗೆ ಮಾಡುವುದು? ಅಪ್​ಡೇಟ್ ಮಾಡದಿದ್ದರೆ ಮುಂದೇನು?

ಪಾಲಿಸಿ ಮೆಚ್ಯೂರ್ ಆದಾಗ ಪಾಲಿಸಿದಾರಳ ವಯಸ್ಸು 70 ವರ್ಷ ಮೀರಿರಬಾರದು. ಅಂದರೆ ನೀವು 55 ರ ವಯಸ್ಸಿನಲ್ಲಿ ಈ ಪಾಲಿಸಿಯನ್ನು ಖರೀದಿಸಿದಲ್ಲಿ 20 ವರ್ಷದ ಪ್ಲಾನ್ ಅನ್ನು ಪಡೆಯಲು ಆಗುವುದಿಲ್ಲ. ಗರಿಷ್ಠ ಎಂದರೆ 15 ವರ್ಷದ ಪಾಲಿಸಿ ಪಡೆಯಬಹುದು.

ಪಾಲಿಸಿ ಕಂತುಗಳನ್ನು ತಿಂಗಳಿಗಾದರೂ ಕಟ್ಟಬಹುದು, ಮೂರು ತಿಂಗಳಿಗೊಮ್ಮೆ, 6 ತಿಂಗಳಿಗೊಮ್ಮೆ ಅಥವಾ ವರ್ಷಕ್ಕೊಮೆಯೂ ಕಟ್ಟಡಬಹುದು.

ದಿನಕ್ಕೆ 58 ರೂ ಕಟ್ಟಿ 8 ಲಕ್ಷ ರೂ ಪಡೆಯುವುದು ಹೇಗೆ?

ನೀವು 20 ವರ್ಷ ಪಾಲಿಸಿ ಆಯ್ದುಕೊಂಡರೆ 8 ಲಕ್ಷ ರೂ ಪಡೆಯಲು ಹೇಗೆ ಸಾಧ್ಯವಾಗುತ್ತದೆ? ನೀವು ವರ್ಷಕ್ಕೆ 22,000 ರೂನಷ್ಟು ಪ್ರೀಮಿಯಮ್ ಅನ್ನು 20 ವರ್ಷ ಕಾಲ ಕಟ್ಟಿದರೆ, 4.30 ಲಕ್ಷ ರೂ ಕಟ್ಟಿದಂತಾಗುತ್ತದೆ. ನಿಮಗೆ ಬರುವ ರಿಟರ್ನ್ಸ್ 8 ಲಕ್ಷ ರೂ ಆಸುಪಾಸು ಇರುತ್ತದೆ. ಇಲ್ಲಿ ನೀವು ವರ್ಷಕ್ಕೆ 22,000 ರೂ ಸೇರಿಸಲು ದಿನಕ್ಕೆ ಸುಮಾರು 58 ರೂ ಸೇರಿಸುತ್ತಾ ಹೋಗಬೇಕಾಗುತ್ತದೆ. ತಿಂಗಳಿಗೆ 1,833 ರೂ ಕಟ್ಟಬೇಕು.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ