ಆರ್​ಬಿಐ ಎಂಪಿಸಿ ಸಭೆ: ರೆಪೋ ದರ ಶೇ. 5.50 ಗೆ ಏರಿಕೆ

ನವದೆಹಲಿ, ಅಕ್ಟೋಬರ್ 7: ಹಲವು ಪರಿಣಿತರು ಮತ್ತು ಆರ್ಥಿಕ ತಜ್ಞರು ಅಂದಾಜಿಸಿದಂತೆ ಆರ್​ಬಿಐನ ಎಂಪಿಸಿ ಸಭೆಯಲ್ಲಿ ರೆಪೋ ದರವನ್ನು 25 ಮೂಲಾಂಕಗಳಷ್ಟು ಹೆಚ್ಚಿಸುವ ನಿರ್ಧಾರ ಮಾಡಲಾಗಿದೆ. ಶೇ. 5.25ರಷ್ಟಿದ್ದ ರೆಪೋ ದರ ಈಗ ಶೇ. 5.50ಕ್ಕೆ ಏರಿದೆ. ಕಳೆದ ಮೂರು ಮೂರೂವರೆ ವರ್ಷದಲ್ಲೇ ಮೊದಲ ಬಾರಿಗೆ ಆರ್​ಬಿಐ ತನ್ನ ರೆಪೋ ದರ ಏರಿಸಿದಂತಾಗಿದೆ. ರೆಪೋ ದರ ಕೊನೆಯ ಬಾರಿ ಏರಿಕೆಯಾಗಿದ್ದು 2023ರ ಫೆಬ್ರುವರಿಯಲ್ಲಿ.

ಫೆಬ್ರುವರಿ 5ರಿಂದ ನಡೆದ ಆರ್​ಬಿಐನ ಆರು ಸದಸ್ಯರ ಎಂಪಿಸಿ ಸಭೆಯಲ್ಲಿ ರೆಪೋ ದರ ಹೆಚ್ಚಿಸಲು ಸರ್ವಸಮ್ಮತದ ಅನುಮೋದನೆ ಸಿಕ್ಕಿತು. ಆರ್​ಬಿಐ ಗವರ್ನರ್ ಸಂಜಯ್ ಮಲ್ಹೋತ್ರಾ ಇಂದು ಬೆಳಗ್ಗೆ ಸುದ್ದಿಗೋಷ್ಠಿಯಲ್ಲಿ ಸಭೆಯ ನಿರ್ಧಾರಗಳನ್ನು ತಿಳಿಸಿದರು.

ಇದನ್ನೂ ಓದಿ: ಹೆಲ್ತ್ ಇನ್ಷೂರೆನ್ಸ್ ಕ್ಷೇತ್ರದಲ್ಲಿ ಸುಧಾರಣೆಗಳಿಗೆ ಪ್ರಸ್ತಾಪ; ಬರಲಿದೆ ಕೋ-ಪೇಮೆಂಟ್ ನಿಯಮ; ಪ್ರೀಮಿಯಮ್ ದರವೂ ಇಳಿಕೆ ಸಾಧ್ಯತೆ

ಇದೇ ವೇಳೆ, ಆರ್​ಬಿಐ ತನ್ನ ನೀತಿ ನಿಲುವನ್ನು ನ್ಯೂಟ್ರಲ್​ನಿಂದ ಬಿಗಿ ನೀತಿಗೆ ಬದಲಾಯಿಸಿದೆ. ಕ್ಯಾಲಿಬ್ರೇಟೆಡ್ ಟೈಟನಿಂಗ್ ನಿಲುವು ಎಂದರೆ, ಸದ್ಯೋಭವಿಷ್ಯದಲ್ಲಿ ಬಡ್ಡಿದರ ಇಳಿಕೆಯ ಪ್ರಸ್ತಾಪ ಇರುವುದಿಲ್ಲ. ಅಗತ್ಯಬಿದ್ದರೆ ಎಚ್ಚರಿಕೆಯಿಂದ ರೆಪೋ ದರ ಏರಿಕೆ ಮಾಡಲು ಆರ್​ಬಿಐ ಮುಂದಾಗುತ್ತದೆ. ಇದು ಬ್ಯಾಂಕುಗಳಿಗೆ ಆರ್​ಬಿಐ ನೀಡಿರುವ ಸ್ಪಷ್ಟ ಸಂದೇಶವಾಗಿದೆ.

ಬ್ಯಾಂಕ್ ಬಡ್ಡಿದರಗಳೂ ಏರಿಕೆ ಸಾಧ್ಯತೆ

ಆರ್​ಬಿಐ ತನ್ನ ರೆಪೋ ದರ, ರಿವರ್ಸ್ ರೆಪೋ ದರಗಳನ್ನು ಏರಿಸಿರುವ ಹಿನ್ನೆಲೆಯಲ್ಲಿ ಬ್ಯಾಂಕುಗಳೂ ಕೂಡ ತಮ್ಮ ಬೆಂಚ್​ಮಾರ್ಕ್ ರೇಟ್​ಗಳನ್ನು ಹೆಚ್ಚಿಸುವ ಸಾಧ್ಯತೆ ಇದೆ. ಅಂದರೆ, ಸಾಲಗಳಿಗೆ ಬಡ್ಡಿದರ ಹೆಚ್ಚಲಿದೆ. ಇಎಂಐ ಮೊತ್ತ ಹೆಚ್ಚಲಿದೆ. ಹಾಗೆಯೇ, ಠೇವಣಿ ದರಗಳನ್ನೂ ಬ್ಯಾಂಕುಗಳು ಹೆಚ್ಚಿಸಬಹುದು. ಷೇರು ಮಾರುಕಟ್ಟೆ ಹಿನ್ನಡೆಯಲ್ಲಿರುವ ಪರಿಸ್ಥಿತಿಯಲ್ಲಿ ಬ್ಯಾಂಕುಗಳು ಹೆಚ್ಚಿನ ಹೂಡಿಕೆದಾರರನ್ನು ಆಕರ್ಷಿಸಲು ಸಾಧ್ಯವಾಗುತ್ತದೆ.

ಇದನ್ನೂ ಓದಿ: ಸಣ್ಣ ಉದ್ದಿಮೆಗಳಿಗೆ ಸಿಗಲಿದೆ ದೊಡ್ಡ ಪುಷ್ಟಿ; ಸರ್ಕಾರದಿಂದ 10,000 ಕೋಟಿ ರೂ ‘ಎಸ್​ಎಂಇ ಗ್ರೋತ್ ಫಂಡ್’ ಸ್ಥಾಪನೆಗೆ ನಿರ್ಧಾರ

ಆರ್​ಬಿಐ ಬಡ್ಡಿದರ ಹೆಚ್ಚಿಸಲು ಏನು ಕಾರಣ?

ಜಾಗತಿಕ ವಿದ್ಯಮಾನಗಳು ಮತ್ತು ಅಧಿಕ ತೈಲಬೆಲೆಗಳ ಪರಿಸ್ಥಿತಿ ಸದ್ಯಕ್ಕೆ ತಹಬದಿಗೆ ಬರುವ ಲಕ್ಷಣಗಳು ಇಲ್ಲ. ಹೀಗಾಗಿ, ಹಣದುಬ್ಬರದ ಮೇಲೆ ಒತ್ತಡ ಹೆಚ್ಚುತ್ತಲೇ ಇರುವ ನಿರೀಕ್ಷೆ ಇದೆ. ಹೀಗಾಗಿ, ಆರ್​ಬಿಐ ರೆಪೋ ದರ ಏರಿಸುವ ಅತ್ಯವಶ್ಯಕತೆ ಇದೆ. ಇನ್ನೊಂದೆಡೆ, ಭಾರತದ ಆರ್ಥಿಕತೆ ಹೆಚ್ಚು ಪ್ರತಿರೋಧ ಶಕ್ತಿ ತೋರುತ್ತಿದೆ. ಅದರ ಬೆಳವಣಿಗೆ ಶೇ. 8ರ ಸಮೀಪ ಹೋಗಿದೆ. ಹೀಗಾಗಿ, ಬಡ್ಡಿದರ ಹೆಚ್ಚಳದ ಆಘಾತವನ್ನು ತಡೆದುಕೊಳ್ಳುವ ಕ್ಷಮತೆ ಆರ್ಥಿಕತೆಗೆ ಇದೆ ಎಂಬುದು ಆರ್​ಬಿಐನ ಭಾವನೆ. ಹೀಗಾಗಿ, ರೆಪೋ ದರ ಹೆಚ್ಚಿಸುವ ರಿಸ್ಕ್ ತೆಗೆದುಕೊಂಡಿರಬಹುದು.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 10:23 am, Wed, 7 October 26