19 ಫಾರೆಕ್ಸ್ ಟ್ರೇಡಿಂಗ್ ಸಂಸ್ಥೆಗಳು ಆರ್ಬಿಐನ ಅಲರ್ಟ್ ಪಟ್ಟಿಗೆ; ಒಟ್ಟು ಸಂಖ್ಯೆ 75ಕ್ಕೆ ಏರಿಕೆ
RBI Alert List: ಅನಧಿಕೃತ ಫಾರೆಕ್ಸ್ ಟ್ರೇಡಿಂಗ್ ಮಾಡುತ್ತಿರುವ ಮತ್ತು ಅಂಥವುಗಳನ್ನು ಶಿಫಾರಸು ಮಾಡುತ್ತಿರುವ ಸಂಸ್ಥೆಗಳನ್ನು ಆರ್ಬಿಐ ಅಲರ್ಟ್ ಲಿಸ್ಟ್ಗೆ ಸೇರಿಸಿದೆ. ಇದರಲ್ಲಿ ಎಫ್ಎಕ್ಸ್ ಸ್ಮಾರ್ಟ್ಬುಲ್, ಜಸ್ಟ್ ಮಾರ್ಕೆಟ್ಸ್, ಗೋಡೂ ಎಫ್ಎಕ್ಸ್ ಮೊದಲಾದವು ಸೇರಿವೆ. ಈ ಅಲರ್ಟ್ ಪಟ್ಟಿಯಲ್ಲಿ ಇವೂ ಒಳಗೊಂಡಂತೆ ಒಟ್ಟು ಸಂಖ್ಯೆ 75 ಆಗಿದೆ. ಆದರೆ, ಪಟ್ಟಿಯಲ್ಲಿಲ್ಲದ ಸಂಸ್ಥೆಗಳು ಅಧಿಕೃತ ಎಂದು ಭಾವಿಸಬೇಕಿಲ್ಲ ಎಂದೂ ಆರ್ಬಿಐ ಎಚ್ಚರಿಸಿದೆ.
ನವದೆಹಲಿ, ನವೆಂಬರ್ 25: ಎಫ್ಎಕ್ಸ್ ಸ್ಮಾರ್ಟ್ಬುಲ್ ಸೇರಿದಂತೆ 19 ಫಾರೆಕ್ಸ್ ಪ್ಲಾಟ್ಫಾರ್ಮ್ಗಳನ್ನು ಆರ್ಬಿಐ ಅಲರ್ಟ್ ಲಿಸ್ಟ್ಗೆ (RBI alert list) ಸೇರಿಸಿದೆ. ಈ 19 ವಿದೇಶ ವಿನಿಮಯ ಟ್ರೇಡಿಂಗ್ ಸೆಂಟರ್ಗಳು (foreign exchange trading centers) ಅನಧಿಕೃತವಾಗಿವೆ. ಇದರೊಂದಿಗೆ ಆರ್ಬಿಐ ಅಲರ್ಟ್ ಲಿಸ್ಟ್ನಲ್ಲಿರುವ ಇಂಥ ಅನಧಿಕೃತ ಫಾರೆಕ್ಸ್ ಟ್ರೇಡಿಂಗ್ ಪ್ಲಾಟ್ಫಾರ್ಮ್ಗಳ ಸಂಖ್ಯೆ 75ಕ್ಕೆ ಏರಿದೆ. ಈ ಅಲರ್ಟ್ ಲಿಸ್ಟ್ನಲ್ಲಿರುವ ಸಂಸ್ಥೆಗಳು 1999ರ ಫಾರೀನ್ ಎಕ್ಸ್ಚೇಂಜ್ ಮ್ಯಾನೇಜ್ಮೆಂಟ್ ಆ್ಯಕ್ಟ್ನ ಅಡಿಯಲ್ಲಿ ಯಾವುದೇ ಫಾರೆಕ್ಸ್ ಸರ್ವಿಸ್ ನೀಡಲು ಮಾನ್ಯತೆ ಹೊಂದಿರುವುದಿಲ್ಲ. ಎಲೆಕ್ಟ್ರಾನಿಕ್ ಟ್ರೇಡಿಂಗ್ ಪ್ಲಾಟ್ಫಾರ್ಮ್ ನಿರ್ವಹಿಸುವುದಾಗಲೀ ಮಾಡುವಂತಿಲ್ಲ.
ಆರ್ಬಿಐನ ಅಲರ್ಟ್ ಲಿಸ್ಟ್ಗೆ ಸೇರ್ಪಡೆಯಾದ ಫಾರೆಕ್ಸ್ ಟ್ರೇಡಿಂಗ್ ಸಂಸ್ಥೆಗಳು
- ಎಫ್ಎಕ್ಸ್ ಸ್ಮಾರ್ಟ್ಬುಲ್
- ಜಸ್ಟ್ ಮಾರ್ಕೆಟ್ಸ್
- ಗೋಡೂ ಎಫ್ಎಕ್ಸ್
- ಅಡ್ಮಿರಲ್ ಮಾರ್ಕೆಟ್
- ಬ್ಲ್ಯಾಕ್ಬುಲ್
- ಈಸಿ ಮಾರ್ಕೆಟ್ಸ್
- ಎನ್ಕ್ಲೇವ್ ಎಫ್ಎಕ್ಸ್
- ಫಿನೋವಿಜ್ ಫಿನ್ಟೆಕ್
- ಎಫ್ಎಕ್ಸ್ ಟ್ರೇ ಮಾರ್ಕೆಟ್
- ಫೋರೆಕ್ಸ್4 ಯು
- ಗ್ರೋಯಿಂಗ್ ಕ್ಯಾಪಿಟಲ್ ಸರ್ವಿಸಸ್
- ಎಚ್ಎಫ್ ಮಾರ್ಕೆಟ್ಸ್
- ಎಚ್ವೈಸಿಎಂ ಕ್ಯಾಪಿಟಲ್ ಮಾರ್ಕೆಟ್ಸ್
- ಜೆಜಿಸಿಎಫ್ಎಕ್ಸ್
- ಪಿಯು ಪ್ರೈಮ್
- ರಿಯಲ್ ಗೋಲ್ಡ್ ಕ್ಯಾಪಿಟಲ್
- ಟಿಎನ್ಎಫ್ಎಕ್ಸ್
- ಯಾ ಮಾರ್ಕೆಟ್ಸ್
- ಗೇಟ್ ಟ್ರೇಡ್
ಇದನ್ನೂ ಓದಿ: ಮದುವೆಗೂ ಇದೆ ವಿಮಾ ಸುರಕ್ಷೆ; ವೆಡ್ಡಿಂಗ್ ಇನ್ಷೂರೆನ್ಸ್ ಪಾಲಿಸಿಯಲ್ಲಿ ಏನೇನು ಕವರೇಜ್ ಇರುತ್ತದೆ?
ಅನಧಿಕೃತ ಟ್ರೇಡಿಂಗ್ ಪ್ಲಾಟ್ಫಾರ್ಮ್ಗಳನ್ನು ಶಿಫಾರಸು ಮಾಡುತ್ತಿರುವ ಕೆಲ ಸಂಸ್ಥೆಗಳೂ ಕೂಡ ಆರ್ಬಿಯ ಈ ಅಲರ್ಟ್ ಪಟ್ಟಿಯಲ್ಲಿವೆ. ಈ ವೇಳೆ ಆರ್ಬಿಐ ಒಂದು ಸಂಗತಿ ಸ್ಪಷ್ಟಪಡಿಸಿದೆ. ಈ ಅಲರ್ಟ್ ಲಿಸ್ಟ್ ಅಂತಿಮ ಅಥವಾ ಅಮೂಲಾಗ್ರವಲ್ಲ. ಈ ಪಟ್ಟಿಯಲ್ಲಿಲ್ಲದ ಟ್ರೇಡಿಂಗ್ ಪ್ಲಾಟ್ಫಾರ್ಮ್ಗಳು ಅಥವಾ ಸಂಸ್ಥೆಗಳು ಆರ್ಬಿಐನ ಮಾನ್ಯತೆ ಪಡೆದಿವೆ ಎಂದರ್ಥವಲ್ಲ ಎಂದು ತಿಳಿಸಲಾಗಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ