ಆರ್ಬಿಐ ನಿಲುವಿನಲ್ಲಿ ಪರಿಷ್ಕರಣೆ; ನ್ಯೂಟ್ರಲ್ನಿಂದ Accommodativeಗೆ ಬದಲಾವಣೆ; ಜೂನ್ನಲ್ಲೂ ಬಡ್ಡಿ ದರ ಇಳಿಕೆಯಾಗುತ್ತಾ?
2025ರ ಏಪ್ರಿಲ್ನಲ್ಲಿ ನಡೆದ ಎಂಪಿಸಿ ಸಭೆಯಲ್ಲಿ ಆರ್ಬಿಐ ತನ್ನ ನಿಲುವನ್ನು ನ್ಯೂಟ್ರಲ್ನಿಂದ ಅಕಾಮೊಡೇಟಿವ್ಗೆ ಬದಲಾಯಿಸಿದೆ. ಎಂಪಿಸಿ ಸಭೆ ಬಳಿಕ ಆರ್ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಈ ಮಾಹಿತಿ ನೀಡಿದರು. ಮುಂದಿನ ಎಂಪಿಸಿ ಸಭೆಯಲ್ಲಿ ಆರ್ಬಿಐ ಒಂದು, ದರ ಇಳಿಕೆ ಮಾಡಬಹುದು, ಅಥವಾ ಯಥಾಸ್ಥಿತಿ ಕಾಯ್ದುಕೊಳ್ಳಬಹುದು.
ನವದೆಹಲಿ, ಏಪ್ರಿಲ್ 9: ಮಹತ್ವದ ನಿರ್ಧಾರದಲ್ಲಿ ರಿಸರ್ವ್ ಬ್ಯಾಂಕ್ ತನ್ನ ನಿಲುವನ್ನು ಬದಲಿಸಿದೆ. ನ್ಯೂಟ್ರಲ್ ಎಂದಿದ್ದ ನಿಲುವನ್ನು ಅದು ಉದಾರತೆ ಅಥವಾ ಅಕಾಮೊಡೇಟಿವ್ಗೆ (Accommodative stance) ಬದಲಾಯಿಸಿದೆ. ಆರ್ಬಿಐನ ಮಾನಿಟರಿ ಪಾಲಿಸಿ ಸಭೆ ಬಳಿಕ ಗವರ್ನರ್ ಸಂಜಯ್ ಮಲ್ಹೋತ್ರಾ (RBI governor Sanjay Malhotra) ಅವರು ಈ ನಿರ್ಧಾರವನ್ನು ಪ್ರಕಟಿಸಿದರು. ಮುಂದಿನ ಎಂಪಿಸಿ ಸಭೆಯಲ್ಲಿ ರಿಪೋ ದರ ಏರಿಕೆ ಸಾಧ್ಯತೆಯನ್ನು ಅವರು ತಳ್ಳಿಹಾಕಿದರು. ಆರ್ಬಿಐ ತನ್ನ ಪರಿಷ್ಕೃತ ನಿಲುವಿನಲ್ಲಿ ಎರಡು ಆಯ್ಕೆ ಮಾತ್ರ ಮುಂದಿಟ್ಟುಕೊಂಡಿರುತ್ತದೆ. ರಿಪೋ ದರದ ಯಥಾಸ್ಥಿತಿ ಕಾಯ್ದುಕೊಳ್ಳುವುದು ಮತ್ತು ದರ ಕಡಿತ ಮಾಡುವುದು. ಅನಿರೀಕ್ಷಿತ ಸಂದರ್ಭಗಳು ಎದುರಾಗದೇ ಇದ್ದಲ್ಲಿ ಈ ಎರಡು ಆಯ್ಕೆಗಳಲ್ಲಿ ಒಂದನ್ನು ಆರ್ಬಿಐ ತನ್ನ ಮುಂದಿನ ದರ ಪರಿಷ್ಕರಣೆಯಲ್ಲಿ ಪರಿಗಣಿಸಬಹುದು.
ಆರ್ಬಿಐ ಬಳಿ ವಿವಿಧ ನಿಲುವುಗಳು
- ಬಿಗಿ ನಿಲುವು (Tightening stance)
- ತಟಸ್ಥ (Neutral stance)
- ಉದಾರ (Accommodative stance)
ಇದನ್ನೂ ಓದಿ: ಬಡ್ಡಿದರ 25 ಅಂಕ ಇಳಿಸಿದ ಆರ್ಬಿಐ; ರಿಪೋ ದರ ಶೇ. 6ಕ್ಕೆ ಇಳಿಕೆ
ಇವೆಲ್ಲವೂ ಕೂಡ ಹಣದುಬ್ಬರದ ಏರಿಳಿತದ ಟ್ರೆಂಡ್ಗೆ ಅನುಗುಣವಾಗಿ ಆರ್ಬಿಐ ತೆಗೆದುಕೊಳ್ಳುವ ನಿಲುವುಗಳಾಗಿವೆ. ಹಣದುಬ್ಬರವು ಹೆಚ್ಚಿನ ಮಟ್ಟದಲ್ಲಿದ್ದರೆ, ಮತ್ತು ಅಂಕೆ ಇಲ್ಲದೇ ಏರಿಕೆ ಆಗುವಂತಿದ್ದರೆ ಆಗ ಆರ್ಬಿಐ ಬಿಗಿ ನಿಲುವು ತಳೆಯುತ್ತದೆ. ಅಂದರೆ, ರಿಪೋ ದರವನ್ನು ಅದು ಹೆಚ್ಚಿಸುವ ಸಾಧ್ಯತೆ ದಟ್ಟವಾಗಿರುತ್ತದೆ.
ನ್ಯೂಟ್ರಲ್ ಸ್ಟಾನ್ಸ್ ಅಥವಾ ತಟಸ್ಥ ನಿಲುವಿನಲ್ಲಿ ಆರ್ಬಿಐ ತನ್ನ ಆಯ್ಕೆಯನ್ನು ಮುಕ್ತವಾಗಿಟ್ಟುಕೊಳ್ಳುತ್ತದೆ. ಸಂದರ್ಭ ಬಯಸಿದರೆ ದರ ಕಡಿತ ಮಾಡಬಹುದು. ಅಥವಾ ದರ ಏರಿಕೆಯನ್ನೂ ಮಾಡಬಹುದು. ಕಳೆದ ಬಾರಿಯ ಎಂಪಿಸಿ ಸಭೆಯಲ್ಲಿ ಆರ್ಬಿಐ ನಿಲುವು ನ್ಯೂಟ್ರಲ್ ಆಗಿತ್ತು.
ಇನ್ನು, ಅಕಾಮೊಡೇಟಿವ್ ಸ್ಟಾನ್ಸ್ನಲ್ಲಿ ಆರ್ಥಿಕ ಅಭಿವೃದ್ಧಿಗೆ ಪೂರಕವಾಗುವ ಅಂಶವನ್ನು ಗಮನದಲ್ಲಿಟ್ಟುಕೊಂಡು ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ. ಬಹುತೇಕ ರಿಪೋ ದರ ಕಡಿತಕ್ಕೆ ಪ್ರಾಧಾನ್ಯತೆ ಕೊಡಲಾಗುತ್ತದೆ. ಮುಂದಿನ ಎಂಪಿಸಿ ಸಭೆಯಲ್ಲಿ ರಿಪೋ ದರ ಇಳಿಕೆ ಆಗಬಹುದು ಅಥವಾ ಯಥಾಸ್ಥಿತಿ ಮುಂದುವರಿಯಬಹುದು. ರಿಪೋ ದರ ಹೆಚ್ಚಳ ಸಾಧ್ಯತೆ ಬಹುತೇಕ ಇರುವುದಿಲ್ಲ. ತೀರಾ ವೈರುದ್ಧ್ಯ ಸಂದರ್ಭ ಎದುರಾದರೆ ಮಾತ್ರ ಆ ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ.
ಇದನ್ನೂ ಓದಿ: 2025-26ರಲ್ಲಿ ಜಿಡಿಪಿ ದರ ಶೇ. 6.5; ಹಣದುಬ್ಬರ ಶೇ 4: ಆರ್ಬಿಐ ಅಂದಾಜು
ರಿಪೋ ದರದಲ್ಲಿ ಇಳಿಕೆ
ಕಳೆದ ಬಾರಿಯಂತೆ ಈ ಬಾರಿಯ ಎಂಪಿಸಿ ಸಭೆಯಲ್ಲೂ ರಿಪೋ ದರವನ್ನು 25 ಮೂಲಾಂಕಗಳಷ್ಟು ಕಡಿತ ಮಾಡಲು ನಿರ್ಧರಿಸಲಾಯಿತು. ಶೇ. 6.25ರಷ್ಟಿದ್ದ ರಿಪೋ ದರ ಈಗ ಶೇ. 6ಕ್ಕೆ ಇಳಿದಿದೆ.
ಇನ್ನು, 2025-26ರ ವರ್ಷಕ್ಕೆ ಜಿಡಿಪಿ ಶೇ. 6.5ರಷ್ಟು ಬೆಳೆಯಬಹುದು. ಹಣದುಬ್ಬರ ದರ ಶೇ. 4ಕ್ಕೆ ಸೀಮಿತಗೊಳ್ಳಬಹುದು ಎಂದೂ ಆರ್ಬಿಐ ಅಂದಾಜು ಮಾಡಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ