GDP
ಜಿಡಿಪಿ ಎಂದರೆ ಗ್ರಾಸ್ ಡೊಮೆಸ್ಟಿಕ್ ಪ್ರಾಡಕ್ಟ್. ಅಂದರೆ ಒಂದು ಪ್ರದೇಶದ ಸಮಗ್ರ ಉತ್ಪನ್ನ. ನಿರ್ದಿಷ್ಟ ದೇಶ ಅಥವಾ ಪ್ರದೇಶದಲ್ಲಿ ನಿರ್ದಿಷ್ಟ ಅವಧಿಯಲ್ಲಿ ತಯಾರಾಗುವ ಎಲ್ಲಾ ಸರಕು ಮತ್ತು ಸೇವೆಗಳ ಮಾರುಕಟ್ಟೆ ಮೌಲ್ಯದ ಗಣನೆಯೇ ಜಿಡಿಪಿ ಆಗಿರುತ್ತದೆ. ಇಲ್ಲಿ ಮಾರುಕಟ್ಟೆ ಮೌಲ್ಯ ಎಂದರೆ ಸರಕು ಅಥವಾ ಸೇವೆ ಯಾವ ಬೆಲೆಗೆ ಅಂತಿಮ ಗ್ರಾಹಕನನ್ನು ಮುಟ್ಟುತ್ತದೆ ಎಂಬುದು. ಒಂದು ದೇಶದ ಆರ್ಥಿಕ ಪರಿಸ್ಥಿತಿಗೆ ಜಿಡಿಪಿ ಕೈಗನ್ನಡಿಯಂತೆ ಇರುತ್ತದೆ. ಇನ್ನು, ನಿರ್ದಿಷ್ಟ ಕಾಲಮಾನದಲ್ಲಿ ಜಿಡಿಪಿ ವ್ಯತ್ಯಯವಾಗುವುದಕ್ಕೆ ಜಿಡಿಪಿ ದರ ಎನ್ನುತ್ತಾರೆ. ಆರ್ಥಿಕ ಬೆಳವಣಿಗೆಯ ದರವೂ ಹೌದು. ಅತಿಹೆಚ್ಚು ಜಿಡಿಪಿ ಹೊಂದಿದ ದೇಶಗಳ ಪಟ್ಟಿಯಲ್ಲಿ ಅಮೆರಿಕ ಮೊದಲ ಸ್ಥಾನದಲ್ಲಿ ಇದೆ. ಭಾರತದ ಜಿಡಿಪಿ 2023ರಲ್ಲಿ 3 ಟ್ರಿಲಿಯನ್ ಡಾಲರ್ ಮುಟ್ಟಿತು. ಪಟ್ಟಿಯಲ್ಲಿ ಭಾರತ 5ನೇ ಸ್ಥಾನದಲ್ಲಿದೆ. ಅಮೆರಿಕದ ಜಿಡಿಪಿ 25 ಟ್ರಿಲಿಯನ್ ಡಾಲರ್ನಷ್ಟಿದೆ. ಚೀನಾ ಜಿಡಿಪಿ 18 ಟ್ರಿಲಿಯನ್ ಡಾಲರ್ ಗಡಿ ದಾಟಿದೆ. ಇವೆರಡು ದೇಶಗಳ ಜಿಡಿಪಿ ಇತರರಿಗಿಂತ ಬಹಳ ಮುಂದಿದೆ.
ಇನ್ನೂ ಹೆಚ್ಚು ಓದಿ
ಈ ವರ್ಷ ಮಧ್ಯಪ್ರಾಚ್ಯ, ಪಾಕಿಸ್ತಾನ, ಉತ್ತರ ಆಫ್ರಿಕನ್ ದೇಶಗಳಲ್ಲಿ ಆರ್ಥಿಕ ಕುಸಿತ: ಐಎಂಎಫ್ ವರದಿ
ಐಎಂಎಫ್ ಅ. 22ರಂದು ಬಿಡುಗಡೆ ಮಾಡಿದ ವರದಿ ಪ್ರಕಾರ, 2026ರಲ್ಲಿ ಮಧ್ಯಪ್ರಾಚ್ಯ ಭಾಗದ ಆರ್ಥಿಕತೆ ಮೈನಸ್ ಶೇ. 1.3ರಷ್ಟು ಕುಸಿಯಲಿದೆ. ಪಾಕಿಸ್ತಾನ ಹಾಗೂ ಉತ್ತರ ಆಫ್ರಿಕನ್ ದೇಶಗಳ ಆರ್ಥಿಕತೆಗಳೂ ಕೂಡ ಭಾರೀ ಹಿನ್ನಡೆ ಕಾಣಲಿವೆ. 2027ರ ಶುರುವಿನಲ್ಲೇ ತೈಲ ಬಿಕ್ಕಟ್ಟು ಶಮನಗೊಂಡರೆ ಮಧ್ಯಪ್ರಾಚ್ಯ ಭಾಗದ ಆರ್ಥಿಕತೆ 2027ರಲ್ಲಿ ಶೇ. 6.6ಕ್ಕೆ ಪುಟಿದೇಳಬಹುದು ಎಂದೂ ಐಎಂಎಫ್ ಹೇಳಿದೆ.
- Vijaya Sarathy SN
- Updated on: Oct 22, 2026
- 3:03 pm
20 ವರ್ಷಗಳ ದಾಖಲೆ ಮುರಿಯಲಿದೆ ಭಾರತದ ಜಿಡಿಪಿ ದರ; ಕೊರಿಯನ್ ಅರ್ಥಶಾಸ್ತ್ರಜ್ಞರ ವಿಶ್ಲೇಷಣೆ ಇಲ್ಲಿದೆ
ಕೊರಿಯಾ ಇನ್‌ಸ್ಟಿಟ್ಯೂಟ್ ಫಾರ್ ಇಂಟರ್ನ್ಯಾಷನಲ್ ಎಕನಾಮಿಕ್ ಪಾಲಿಸಿಯ ದಕ್ಷಿಣ ಏಷ್ಯಾದ ಮುಖ್ಯಸ್ಥ ಕ್ಯುಂಗ್‌ಹೂನ್ ಕಿಮ್ ಅವರ ಪ್ರಕಾರ, ದಶಕಗಳಲ್ಲಿ ಮೊದಲ ಬಾರಿಗೆ ಭಾರತವು ಶೇ. 7ಕ್ಕಿಂತ ಹೆಚ್ಚಿನ ಆರ್ಥಿಕ ಬೆಳವಣಿಗೆಯ ಹಾದಿಯಲ್ಲಿ ಸಾಗುವ ನಿರೀಕ್ಷೆಯಿದೆ. ಈ ಬಗ್ಗೆ ಎಕ್ಸ್ನಲ್ಲಿ ಸರಣಿ ಪೋಸ್ಟ್‌ಗಳನ್ನು ಮಾಡಿರುವ ಅರ್ಥಶಾಸ್ತ್ರಜ್ಞ ಕ್ಯುಂಗ್‌ಹೂನ್ ಕಿಮ್ ಕೊವಿಡ್-19 ಸಾಂಕ್ರಾಮಿಕ ರೋಗದಿಂದ ಭಾರತೀಯ ಆರ್ಥಿಕತೆಯು ಹೇಗೆ ಬಲವಾದ ಬೆಳವಣಿಗೆಯ ದರಗಳನ್ನು ಕಾಯ್ದುಕೊಂಡಿದೆ ಎಂಬುದನ್ನು ವಿವರಿಸಿದ್ದಾರೆ. ಅಂತಾರಾಷ್ಟ್ರೀಯ ಹಣಕಾಸು ನಿಧಿ, ವಿಶ್ವ ಬ್ಯಾಂಕ್ ಮತ್ತು ಏಷ್ಯನ್ ಅಭಿವೃದ್ಧಿ ಬ್ಯಾಂಕ್ ಭಾರತದ ಬೆಳವಣಿಗೆಯ ದರವನ್ನು ಸುಮಾರು ಶೇ. 7 ಅಥವಾ ಅದಕ್ಕಿಂತ ಹೆಚ್ಚಿನದಾಗಿ ಅಂದಾಜಿಸಿರುವ ಸಮಯದಲ್ಲಿಯೇ ಕಿಮ್ ಅವರ ಈ ವಿಶ್ಲೇಷಣೆ ಬಂದಿದೆ.
- Sushma Chakre
- Updated on: Oct 17, 2026
- 9:38 pm
2027ರಲ್ಲಿ ಭಾರತದ್ದು 4.52 ಟ್ರಿಲಿಯನ್ ಡಾಲರ್ ಜಿಡಿಪಿ; ಜಪಾನ್ ಹಿಂದಿಕ್ಕಿ 4ನೇ ಸ್ಥಾನಕ್ಕೇರಲಿದೆ: ಐಎಂಎಫ್ ವರದಿ
ಭಾರತದ ಆರ್ಥಿಕತೆ 2027ರಲ್ಲಿ ಜಪಾನ್ ಅನ್ನು ಹಿಂದಿಕ್ಕಿ ವಿಶ್ವದ ನಂಬರ್ 4ನೇ ಸ್ಥಾನ ಪಡೆಯುತ್ತದೆ ಎಂದು ಐಎಂಎಫ್ನ ವರದಿ ಹೇಳುತ್ತಿದೆ. ನಾಲ್ಕನೇ ಸ್ಥಾನದಲ್ಲಿರುವ ಜಪಾನ್ 2027ರಲ್ಲಿ ಆರನೇ ಸ್ಥಾನಕ್ಕೆ ಕುಸಿಯುತ್ತದೆ ಎನ್ನುತ್ತಿದೆ ಐಎಂಎಫ್. 2027ರಲ್ಲಿ ಭಾರತದ ಜಿಡಿಪಿ ನಾಲ್ಕೂವರೆ ಟ್ರಿಲಿಯನ್ ಡಾಲರ್ ಗಡಿ ದಾಟಿ ಹೋಗುತ್ತದೆ. ಅಮೆರಿಕ, ಚೀನಾ, ಜರ್ಮನಿ ನಂತರದ ಸ್ಥಾನವನ್ನು ಭಾರತ ಪಡೆಯಲಿದೆ ಎಂದು ಈ ವರದಿ ತಿಳಿಸಿದೆ.
- Vijaya Sarathy SN
- Updated on: Oct 16, 2026
- 8:15 pm
ಭಾರತದ ಹೊಸ ಜಿಡಿಪಿ ದರ ಲೆಕ್ಕಾಚಾರ ಸರಿಯಾಗಿದೆ: ಐಎಂಎಫ್ ಸ್ಪಷ್ಟನೆ
ಭಾರತವು ತನ್ನ ಒಟ್ಟು ದೇಶೀಯ ಉತ್ಪನ್ನ (GDP) ಲೆಕ್ಕಾಚಾರದ ಪದ್ಧತಿಯಲ್ಲಿ ಮಾಡಿರುವ ಪರಿಷ್ಕರಣೆಗಳು ಉತ್ತಮ ಅಭ್ಯಾಸಗಳಿಗೆ (good practices) ಅನುಗುಣವಾಗಿವೆ ಎಂದು ಅಂತಾರಾಷ್ಟ್ರೀಯ ಹಣಕಾಸು ನಿಧಿ (IMF) ತಿಳಿಸಿದೆ. ಜಿಡಿಪಿ ವಿಧಾನದ ಈ ಬದಲಾವಣೆಯನ್ನು ಐಎಂಎಫ್ ಮುಕ್ತಕಂಠದಿಂದ ಸ್ವಾಗತಿಸಿದೆ. ರುಪಾಯಿ ಕರೆನ್ಸಿ ಮೇಲಿನ ಒತ್ತಡವು ಆರ್ಥಿಕತೆಯ ದೌರ್ಬಲ್ಯದ ಸಂಕೇತವಲ್ಲ ಎಂದೂ ಸ್ಪಷ್ಟಪಡಿಸಿದೆ.
- Vijaya Sarathy SN
- Updated on: Oct 16, 2026
- 5:00 am
ಈ ವರ್ಷ ಶೇ. 7 ಬೆಳವಣಿಗೆ ಸಾಧ್ಯತೆ; ಭಾರತದ ಆರ್ಥಿಕ ದರದ ಬಗ್ಗೆ ನಿರೀಕ್ಷೆ ಹೆಚ್ಚಿಸಿದ ಐಎಂಎಫ್
ಭಾರತದ ಆರ್ಥಿಕತೆ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇ. 7ರಷ್ಟು ಹೆಚ್ಚಬಹುದು ಎಂದು ಐಎಂಎಫ್ ಅಭಿಪ್ರಾಯಪಟ್ಟಿದೆ. 2026 ಮತ್ತು 2027ರ ವರ್ಷಗಳಲ್ಲೂ ಭಾರತ ಶೇ. 7ರಷ್ಟು ಜಿಡಿಪಿ ವೃದ್ಧಿ ಸಾಧಿಸಬಹುದು ಎಂದು ಈ ಏಜೆನ್ಸಿ ಅಂದಾಜು ಮಾಡಿದೆ. ತನ್ನ ಹಿಂದಿನ ವರದಿಯಲ್ಲಿ ಭಾರತದ ಜಿಡಿಪಿ ಶೇ 6.4ರಷ್ಟು ಹೆಚ್ಚಬಹುದು ಎಂದು ಐಎಂಎಫ್ ಹೇಳಿತ್ತು.
- Vijaya Sarathy SN
- Updated on: Oct 13, 2026
- 12:55 pm
ಈ ಬಾರಿ ನೊಬೆಲ್ ಪ್ರಶಸ್ತಿ ಪಡೆದ ಇಬ್ಬರು ಆರ್ಥಿಕತಜ್ಞರು ರೂಪಿಸಿದ ಎಕನಾಮಿಕ್ ಮಾಡಲ್ಗಳು ಎಷ್ಟು ಉಪಯುಕ್ತ ನೋಡಿ…
ಅಮೆರಿಕದ ಅರ್ಥಶಾಸ್ತ್ರಜ್ಞರಾದ ರಾಬರ್ಟ್ ಹಾಲ್ ಮತ್ತು ಮೈಕೇಲ್ ವುಡ್ಫೋರ್ಡ್ ಅವರಿಗೆ 2026ರ ನೊಬೆಲ್ ಪ್ರಶಸ್ತಿ ದೊರಕಿದೆ. ಜನರು ಮತ್ತು ಉದ್ಯಮಿಗಳು ತೆಗೆದುಕೊಳ್ಳುವ ನಿರ್ಧಾರಗಳು ಸ್ಥೂಲ ಆರ್ಥಿಕತೆಯ ಮೇಲೆ ಏನು ಪರಿಣಾಮ ಬೀರುತ್ತವೆ ಎಂಬುದನ್ನು ಇವರು ಅಧ್ಯಯನ ಮಾಡಿದ್ದಾರೆ. ಇವರ ಆರ್ಥಿಕ ಮಾದರಿಗಳು ವಿವಿಧ ಸರ್ಕಾರಗಳು ಹಾಗೂ ಸೆಂಟ್ರಲ್ ಬ್ಯಾಂಕುಗಳಿಗೆ ಸಹಾಯವಾಗಿವೆ.
- Vijaya Sarathy SN
- Updated on: Oct 12, 2026
- 6:37 pm
ಶ್ರೀಮಂತ ದೇಶಗಳ ಅತೀ ಬಡವರ ಬಳಿ ಇದೆ ಭಾರತದ ಅತೀ ಶ್ರೀಮಂತರಿಗಿಂತ ಹೆಚ್ಚು ಸಂಪತ್ತು: ವಿಶ್ವಬ್ಯಾಂಕ್ ವರದಿ
ವರ್ಲ್ಡ್ ಬ್ಯಾಂಕ್ ಪಾವರ್ಟಿ ಅಂಡ್ ಇನೀಕ್ವಾಲಿಟಿ ಪ್ಲಾಟ್ಫಾರ್ಮ್ ವರದಿಯು ವಿಶ್ವದ ಆರ್ಥಿಕ ಅಸಮಾನತೆಯ ಕೆಲ ಕುತೂಹಲಕಾರಿ ಅಂಶಗಳನ್ನು ಬಿಚ್ಚಿಟ್ಟಿದೆ. ಕೆಲ ಶ್ರೀಮಂತ ದೇಶಗಳಲ್ಲಿ ಕೆಳಗಿನ ಶೇ. 10ರಷ್ಟು ಜನರು ಭಾರತದಲ್ಲಿ ಮೇಲಿನ ಶೇ. 10 ಮಂದಿಗಿಂತ ಹೆಚ್ಚು ಆದಾಯವಂತರೆನಿಸಿದ್ದಾರೆ. ಪ್ರತಿಯೊಂದು ದೇಶದಲ್ಲೂ ಬಡವರು ಮತ್ತು ಶ್ರೀಮಂತರ ಮಧ್ಯೆ ಇರುವ ಆರ್ಥಿಕ ಅಸಮಾನತೆಯ ಅಂಶಗಳನ್ನು ಈ ವರದಿಯಲ್ಲಿ ತೋರಿಸಲಾಗಿದೆ.
- Vijaya Sarathy SN
- Updated on: Oct 12, 2026
- 11:58 am
2026-27ರಲ್ಲಿ ಜಿಡಿಪಿ ಶೇ. 7.1; ಹಣದುಬ್ಬರ ಶೇ. 5.2: ಆರ್ಬಿಐ ಅಂದಾಜು
ಭಾರತದ ಆರ್ಥಿಕತೆ 2026-27ರಲ್ಲಿ ಶೇ. 7.1ರಷ್ಟು ಉತ್ತಮ ಬೆಳವಣಿಗೆ ಸಾಧಿಸಬಹುದು ಎಂದು ಆರ್ಬಿಐ ಮಾನಿಟರಿ ಪಾಲಿಸಿ ಸಭೆಯಲ್ಲಿ ಅಂದಾಜಿಸಲಾಗಿದೆ. ಹಣದುಬ್ಬರವು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇ. 5.2ರಷ್ಟು ಇರಬಹುದು ಎಂದೂ ಎಂಪಿಸಿ ಸಭೆ ನಿರೀಕ್ಷಿಸಿದೆ. ದುರ್ಬಲ ಮುಂಗಾರು ಕಾರಣದಿಂದ ಬೆಲೆ ಏರಿಕೆ ಒತ್ತಡ ಮುಂದಿನ ದಿನಗಳಲ್ಲಿ ಹೆಚ್ಚಲಿದೆ ಎಂದಿದೆ.
- Vijaya Sarathy SN
- Updated on: Oct 7, 2026
- 11:44 am
ಶೇ. 8ರ ಆರ್ಥಿಕ ಬೆಳವಣಿಗೆ ದರದ ಹೊಸ್ತಿಲಲ್ಲಿ ಭಾರತ: ಪಿಎಂ ಮುಖ್ಯ ಕಾರ್ಯದರ್ಶಿ ಶಕ್ತಿಕಾಂತ ದಾಸ್
ಮಾಜಿ ಆರ್ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ ಅವರು ಭಾರತದ ಜಿಡಿಪಿ ಬೆಳವಣಿಗೆಯ ಕುರಿತು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ದೃಢವಾದ ಆರ್ಥಿಕ ಬುನಾದಿ ಮತ್ತು ದೇಶೀಯ ಬೇಡಿಕೆಯಿಂದ ಭಾರತ ಶೇ. 8 ರಷ್ಟು ಆರ್ಥಿಕ ದರವನ್ನು ಸಾಧಿಸುವ ಸಾಮರ್ಥ್ಯ ಹೊಂದಿದೆ ಎಂದು ಅವರು ಹೇಳಿದ್ದಾರೆ. ಮುಂದುವರಿದ ದೇಶಗಳು ಮಂದಗತಿಯಲ್ಲಿ ಆರ್ಥಿಕ ಬೆಳವಣಿಗೆ ಹೊಂದುತ್ತಿವೆ. ಆದರೆ, ಭಾರತ ವಿಶ್ವದಲ್ಲೇ ವೇಗದ ಆರ್ಥಿಕತೆ ಎನಿಸಿದೆ ಎಂದಿದ್ದಾರೆ.
- Vijaya Sarathy SN
- Updated on: Oct 6, 2026
- 6:37 pm
ಉತ್ಪಾದನಾ ಮೌಲ್ಯದಲ್ಲಿ ಭಾರತ ಮೇಲೇರಬೇಕು; ಅಸೆಂಬ್ಲಿಂಗ್ಗೆ ಸೀಮಿತವಾಗದೆ ಎಂಡ್ ಟು ಎಂಡ್ ಮ್ಯಾನುಫ್ಯಾಕ್ಚರಿಂಗ್ ಹೆಚ್ಚಿಸಬೇಕು: ಚಂದ್ರಶೇಖರನ್
ಟಾಟಾ ಸನ್ಸ್ ಅಧ್ಯಕ್ಷ ಎನ್. ಚಂದ್ರಶೇಖರನ್ ಅವರು ಭಾರತೀಯ ಉತ್ಪಾದನಾ ವಲಯದ ಅಭಿವೃದ್ಧಿಗೆ ಪ್ರಮುಖ ಸಲಹೆ ನೀಡಿದ್ದಾರೆ. ಭಾರತವು ಕೇವಲ ವಿದೇಶಿ ಭಾಗಗಳ ಜೋಡಣೆಗೆ (Assembly) ಸೀಮಿತವಾಗಬಾರದು ಎಂದು ಕಿವಿಮಾತು ಹೇಳಿದ್ದಾರೆ. ಕಚ್ಚಾವಸ್ತುವಿನಿಂದ ಅಂತಿಮ ಉತ್ಪನ್ನದವರೆಗೆ 'ಎಂಡ್-ಟು-ಎಂಡ್' ಉತ್ಪಾದನಾ ಸಾಮರ್ಥ್ಯ ಬೆಳೆಸಿಕೊಳ್ಳಬೇಕು ಎಂದಿದ್ದಾರೆ.
- Vijaya Sarathy SN
- Updated on: Oct 5, 2026
- 8:01 pm
ಭಾರತದ ಜಿಡಿಪಿ ಬೆಳವಣಿಗೆ ಬಗ್ಗೆ ಹೆಚ್ಚಿದ ಭರವಸೆ; ಫಿಚ್ ಶೇ. 6.9, ಎಸ್&ಪಿ ಶೇ 7, ಒಇಸಿಡಿ ಶೇ. 7.1 ವೃದ್ಧಿಯ ಅಂದಾಜು
2026-27ರ ಹಣಕಾಸು ವರ್ಷದಲ್ಲಿ ಭಾರತದ ಆರ್ಥಿಕ ಬೆಳವಣಿಗೆ ಬಗ್ಗೆ ವಿವಿಧ ಏಜೆನ್ಸಿಗಳು ಇಟ್ಟಿದ್ದ ನಿರೀಕ್ಷೆಗಳು ಹೆಚ್ಚಿವೆ. ಫಿಚ್ ರೇಟಿಂಗ್ಸ್ ಪ್ರಕಾರ ಜಿಡಿಪಿ ಶೇ. 6.9ರಷ್ಟು ಬೆಳೆಯುವ ಸಾಧ್ಯತೆ ಇದೆ. ಎಸ್&ಪಿ ಏಜೆನ್ಸಿ ಜಿಡಿಪಿ ವೃದ್ಧಿಯ ನಿರೀಕ್ಷೆಯನ್ನು ಶೇ. 6.6ರಿಂದ 7ಕ್ಕೆ ಹೆಚ್ಚಿಸಿದೆ. ಒಇಸಿಡಿಯಂತೂ ಆರ್ಥಿಕ ಬೆಳವಣಿಗೆ ವಿಚಾರದಲ್ಲಿ ತನ್ನ ಹಿಂದಿನ ಅಭಿಪ್ರಾಯಕ್ಕಿಂತ 80 ಮೂಲಾಂಕಗಳಷ್ಟು ಹೆಚ್ಚಿಸಿದೆ.
- Vijaya Sarathy SN
- Updated on: Sep 23, 2026
- 5:51 pm
‘ಮೋದಿ ಸರ್ಕಾರ ಅದ್ಭುತ ಕೆಲಸ ಮಾಡಿದೆ’: ಭಾರತದಲ್ಲಿ ಬದಲಾದ ವಾತಾವರಣದ ಕುರಿತು ಬ್ಲ್ಯಾಕ್‌ಸ್ಟೋನ್ ಅಧ್ಯಕ್ಷ ಜಾನ್ ಗ್ರೇ ಪ್ರಶಂಸೆ
ನರೇಂದ್ರ ಮೋದಿ ನೇತೃತ್ವದ ಭಾರತ ಸರ್ಕಾರ ಆರ್ಥಿಕ ವೃದ್ಧಿಗಾಗಿ ಅದ್ಭುತ ಕೆಲಸ ಮಾಡಿದೆ ಎಂದು ಬ್ಲ್ಯಾಕ್‌ಸ್ಟೋನ್ ಪ್ರೆಸಿಡೆಂಟ್ ಜಾನ್ ಗ್ರೇ ಹೇಳಿದ್ದಾರೆ. ಆರ್ಥಿಕ ಬೆಳವಣಿಗೆಯ ವೇಗ ದ್ವಿಗುಣಗೊಳ್ಳುವ ಹಂತಕ್ಕೆ ಭಾರತ ಹತ್ತಿರವಾಗುತ್ತಿದೆ ಎಂದು ಜಾನ್ ಗ್ರೇ ಅಭಿಪ್ರಾಯಪಟ್ಟಿದ್ದಾರೆ. ಭಾರತಕ್ಕೆ ಬಹಳ ವರ್ಷದಿಂದ ಹಿನ್ನಡೆಯಾಗಿದ್ದ ಮೂಲಭೂತ ಸೌಕರ್ಯ ಕೊರತೆಯನ್ನು ಈ ಸರ್ಕಾರ ನೀಗಿಸುತ್ತಿದೆ ಎಂದೂ ಅವರು ತಿಳಿಸಿದ್ದಾರೆ.
- Vijaya Sarathy SN
- Updated on: Sep 20, 2026
- 7:55 pm
