Jio new prepaid plan: ದಿನಕ್ಕೆ 2 ಜಿಬಿ ಡೇಟಾ ದೊರೆಯುವ ರಿಲಯನ್ಸ್ ಜಿಯೋದ ಹೊಸ ಪ್ರೀಪೇಯ್ಡ್ ಪ್ಲಾನ್; ದರ, ಇತರ ಬೆನಿಫಿಟ್​ಗಳ ವಿವರ

ರಿಲಯನ್ಸ್ ಜಿಯೋದಿಂದ ಹೊಸದಾಗಿ ತಿಂಗಳ ರೀಚಾರ್ಜ್ ಪ್ಲಾನ್​ ಅನ್ನು ಪ್ರೀಪೇಯ್ಡ್ ಗ್ರಾಹಕರಿಗಾಗಿ ಪರಿಚಯಿಸಲಾಗಿದೆ. 499 ರೂಪಾಯಿಯ ಈ ಪ್ಲಾನ್ ಅಡಿಯಲ್ಲಿ ದಿನಕ್ಕೆ ಎರಡು ಜಿಬಿ ಡೇಟಾ ಒದಗಿಸಲಾಗುತ್ತದೆ. ಇನ್ನು ಈ 499 ರೂಪಾಯಿಯ ಪ್ಲಾನ್​ನಲ್ಲಿ ಅನಿಯಮಿತ ಧ್ವನಿ ಕರೆ, ದಿನಕ್ಕೆ 100 ಎಸ್ಸೆಮ್ಮೆಸ್ ಕೂಡ ದೊರೆಯುತ್ತದೆ. ಮೈಜಿಯೋ ಆ್ಯಪ್ ಹಾಗೂ ಜಿಯೋ.ಕಾಮ್ ವೆಬ್​ಸೈಟ್ ಎರಡರಲ್ಲೂ ಈ ಪ್ಲಾನ್ ಲಭ್ಯ ಇದೆ. ಮೊದಲೇ ಹೇಳಿದ ಹಾಗೆ 499 ರೂಪಾಯಿಯ ಪ್ಲಾನ್​ಗೆ 28 ದಿನಗಳ ವ್ಯಾಲಿಡಿಟಿ ಇದೆ. ಗ್ರಾಹಕರಿಗೆ ದಿನಕ್ಕೆ 2 ಜಿಬಿಯಂತೆ 56 ಜಿಬಿ ಹೈ ಸ್ಪೀಡ್ ಡೇಟಾ ಸಿಗುತ್ತದೆ. ಒಂದು ಸಲ ಎರಡು ಜಿಬಿ ಡೇಟಾ ಮುಗಿದ ಮೇಲೆ ಇಂಟರ್​ನೆಟ್ ವೇಗ 64 ಕೆಬಿಪಿಎಸ್​ಗೆ ಇಳಿಯುತ್ತದೆ.

ಈ ಪ್ಲಾನ್​ನಲ್ಲಿ ಅನಿಯಮಿತ ಧ್ವನಿ ಕರೆ, 100 ಎಸ್ಸೆಮ್ಮೆಸ್ ಕೂಡ ಸಿಗುತ್ತದೆ. ಹೆಚ್ಚುವರಿ ಬೆನಿಫಿಟ್ ಆಗಿ ಜಿಯೋ ಆ್ಯಪ್​ಗಳಿಗೆ ಸಂಪರ್ಕ ಕೂಡ ಸಿಗುತ್ತದೆ. ಹೊಸ ಬಳಕೆದಾರರಿಗೆ ಹೊಸ ಪ್ಲಾನ್ ಜತೆಗೆ ಪ್ರೈಮ್ ಸಬ್​ಸ್ಕ್ರಿಪ್ಷನ್ ದೊರೆಯುತ್ತದೆ. ಕಾಂಪ್ಲಿಮೆಂಟರಿಯಾಗಿ ಡಿಸ್ನಿ+ ಹಾಟ್​ಸ್ಟಾರ್ ಮೊಬೈಲ್ ವಾರ್ಷಿಕ ಸಬ್​ಸ್ಕ್ರಿಪ್ಷನ್ ಲಭ್ಯ ಇದೆ. ಇನ್ನು ಏರ್​ಟೆಲ್​ನ 359 ರೂಪಾಯಿಯ ಪ್ಲಾನ್​ನೊಂದಿಗೆ ರಿಲಯನ್ಸ್ ಜಿಯೋದ 499 ರೂಪಾಯಿ ಪ್ಲಾನ್ ಸ್ಪರ್ಧಿಸುತ್ತಿದೆ. ಏರ್​ಟೆಲ್​ನಲ್ಲಿ ಕೂಡ ವ್ಯಾಲಿಡಿಟಿ 28 ದಿನವೇ ಇದೆ. ಜಿಯೋದ ಹೊಸ ಪ್ಲಾನ್​ನಂತೆ ಏರ್​ಟೆಲ್​ನ 359ರ ಪ್ಲಾನ್​ನಲ್ಲಿ ಪ್ರತಿ ದಿನ 2 ಜಿಬಿ ಡೇಟಾ, ದಿನಕ್ಕೆ ನೂರು ಎಸ್ಸೆಮ್ಮೆಸ್ ಒದಗಿಸುತ್ತದೆ.

ಏರ್​ಟೆಲ್​ನ ಗ್ರಾಹಕರಿಗೆ 28 ದಿನಗಳ ಕಾಲ Xstream ಆ್ಯಪ್​ನಲ್ಲಿ ಒಂದು Xstream ಚಾನೆಲ್​ಗೆ ಉಚಿತ ಸಂಪರ್ಕ ಸಿಗುತ್ತದೆ. ಅನಿಯಮಿತವಾದ ಧ್ವನಿ ಕರೆ ಸೌಲಭ್ಯ ಇದೆ. 28 ದಿನಗಳಿಗ ಪ್ರೈಮ್ ವಿಡಿತೋ ಮೊಬೈಲ್ ಎಡಿಷನ್ ಜತೆಗೆ ಇತರ ಬೆನಿಫಿಟ್​ಗಳಿವೆ.

ವೊಡಾಫೋನ್ ಐಡಿಯಾದಲ್ಲೂ 359 ರೂಪಾಯಿ ಪ್ರೀಪೇಯ್ಡ್ ಪ್ಲಾನ್ ಇದ್ದು, ದಿನಕ್ಕೆ 2 ಜಿಬಿ ಡೇಟಾದೊಂದಿಗೆ ಬರುತ್ತದೆ. ಅನಿಯಮಿತ ವಾಯ್ಸ್ ಕಾಲಿಂಗ್, ದಿನಕ್ಕೆ 100 ಎಸ್ಸೆಮ್ಮೆಸ್ 28 ದಿನಗಳ ಅವಧಿಗೆ ದೊರೆಯುತ್ತದೆ. ವಾರಾಂತ್ಯದ ಡೇಟಾ ರೋಲ್ ಓವರ್ ಜತೆಗೆ Vi ಮೂವೀಸ್ ಮತ್ತು ಟೀವಿಗೆ ಸಂಪರ್ಕ ಸಿಗುತ್ತದೆ.

ಇದನ್ನೂ ಓದಿ: Jio Recharge Plans: ರಿಲಯನ್ಸ್ ಜಿಯೋ ಪ್ರಿಪೇಯ್ಡ್​ನ ವಿವಿಧ ರೀಚಾರ್ಜ್​ ಯೋಜನೆಗಳು, ಅದರ ಬೆನಿಫಿಟ್​ಗಳು