Business Success Story: ಕಂಪೆನಿಯ ಷೇರಿನ ಪಾಲು ಮಾರಿ ತಲಾ 3500 ಕೋಟಿ ರೂಪಾಯಿ ಪಡೆದ ಮೂವರ ಯಶೋಗಾಥೆ

ಇದೊಂದು ಯಶೋಗಾಥೆ. ಆದರೆ ಅದೆಷ್ಟು ದೊಡ್ಡ ಪ್ರಮಾಣದ್ದು ಅಂತ ಮುಂದೆ ಮುಂದೆ ನಿಮಗೇ ಗೊತ್ತಾಗುತ್ತದೆ. ಆ ಮೂವರು ಸೇರಿ 2000ನೇ ಇಸವಿಯ ಆರಂಭದಲ್ಲಿ ಆರ್ಥರ್ ಆಂಡರ್ಸನ್ ಎಲ್​ಎಲ್​ಪಿಯ ಮೂವರು ಕನ್ಸಲ್ಟಂಟ್​ಗಳು ಡಿಜಿಟಲ್ ಪಾವತಿ ಕಂಪೆನಿ ಕಟ್ಟಲು ಸಿದ್ಧವಾದಾಗ ಅವರಿಗೆ ಬೆನ್ನೆಲುಬಾಗಿ ಕಂಡಿದ್ದು ಭಾರತೀಯ ಸರ್ಕಾರಿ ಮೂಲದ ಬ್ಯಾಂಕ್. ಈ ವಾರ ಪ್ರೊಸಸ್ ಎನ್​ವಿಯಿಂದ ಬಿಲ್​ಡೆಸ್ಕ್​ ಅನ್ನು 470 ಕೋಟಿ ಅಮೆರಿಕನ್​ ಡಾಲರ್​ಗಳಿಗೆ ಖರೀದಿಸಲಾಗುತ್ತಿದೆ. ಈ ಮೂವರಿಂದ ಸೇರಿ ಇರುವ ಶೇ 31ರಷ್ಟು ಷೇರಿನ ಪಾಲಿಗೆ ತಲಾ 50 ಕೋಟಿ ಡಾಲರ್​ ಬರುತ್ತದೆ. ಅಂದರೆ ಭಾರತದ ರೂಪಾಯಿ ಲೆಕ್ಕದಲ್ಲಿ 3652 ಕೋಟಿ ಆಗುತ್ತದೆ. ಒಬ್ಬೊಬ್ಬರಿಗೆ ಬಂದಿರುವ ಮೊತ್ತ ಇದು. ನವೋದ್ಯಮಗಳ ಪಾಲಿಗೆ ಪಠ್ಯಪುಸ್ತಕ ಎಂಬಂತೆ ಇರುವ ಎಲ್ಲ ನಿಯಮಕ್ಕೂ ವಿರುದ್ಧವಾಗಿ ಎಂ.ಎನ್​.ಶ್ರೀನಿವಾಸು, ಅಜಯ್ ಕೌಶಲ್ ಮತ್ತು ಕಾರ್ತಿಕ್ ಗಣಪತಿ ನಡೆಸಿದ್ದಾರೆ.

ಒಂದು ಸಂಸ್ಥೆಗೆ ಹಣಕಾಸಿನ ಬಂಡವಾಳ ಹರಿದುಬಂದಾಗ ಆ ಬಗ್ಗೆ ಪತ್ರಿಕಾ ಪ್ರಕಟಣೆ ನೀಡಲಾಗುತ್ತದೆ ಮತ್ತು ಸಿಬ್ಬಂದಿಗೆ ಔತಣ ನೀಡಲಾಗುತ್ತದೆ. ಪ್ರೊಸಸ್ ಮಾಲೀಕತ್ವದ ಪೇಯು ಎಲ್ಲ ಖರೀದಿಯ ಘೋಷಣೆಯಮ್ಮು ತಾನೇ ಮಾಡಿದ್ದು. ಏಕೆಂದರೆ ಸಾರ್ವಜನಿಕ ಸಂಪರ್ಕ ಸಂಸ್ಥೆಗಳ್ಯಾವುದನ್ನೂ ನೇಮಿಸಿಕೊಂಡಿರಲಿಲ್ಲ. “ನಾವೇನೂ ಎಲ್ಲ ಯುವ ನವೋದ್ಯಮ ಸ್ಥಾಪಕರರಂತೆ ಇರಲಿಲ್ಲ,” ಅಂತಲೇ ಶ್ರೀನಿವಾಸು ಹೇಳುತ್ತಾರೆ. ಏಕೆಂದರೆ ಉದ್ಯಮ ಆರಂಭಿಸುವ ಹೊತ್ತಿಗೆ ಶ್ರೀನಿವಾಸು ಮತ್ತು ಕೌಶಲ್​ಗೆ 53 ವರ್ಷವಾದರೆ, ಗಣಪತಿ ಅವರಿಗೆ 50 ವರ್ಷ ವಯಸ್ಸು. “ನಾವು ಜನವರಿ 1. 2000ನೇ ಇಸವಿಯಲ್ಲಿ ಆರಂಭಿಸಿದಾಗ ನವೋದ್ಯಮದ ಆಲೋಚನೆಯೇ ಇರಲಿಲ್ಲ. ಟೆಕ್ನಾಲಜಿ ಮತ್ತು ಹಣಕಾಸು ಸೇವೆಯ ವಿಭಾಗದಲ್ಲಿ ಏನನ್ನಾದರೂ ಕಟ್ಟಿ ನಿಲ್ಲಿಸಬೇಕು, ಇದು ನಮ್ಮ ಒಳ ಮನಸ್ಸಿನಲ್ಲಿ ಗಟ್ಟಿಯಾಗಿತ್ತು” ಎಂದಿದ್ದಾರೆ.

ಉಳಿತಾಯ ಕೂಡ ಹೇಳಿಕೊಳ್ಳುವಂಥದ್ದಿರಲಿಲ್ಲ
ಈ ಮೂವರು ತಮ್ಮ ಸಂಪೂರ್ಣ ಪಾಲನ್ನು ಮಾರಾಟ ಮಾಡಿದ್ದರೂ ಉದ್ಯಮದ ಭಾಗವಾಗಿ ಮುಂದುವರಿಯುವುದಾಗಿ ಹೇಳಿದ ಶ್ರೀನಿವಾಸು, ಸಂಪೂರ್ಣವಾದ ವಿವರಣೆ ನೀಡಲಿಲ್ಲ. ಪ್ರೊಸಸ್ ವ್ಯವಹಾರದ ಮೂಲಕ ಭಾರತದಲ್ಲಿ ಸ್ಪರ್ಧೆ ತೀವ್ರಗೊಳ್ಳಲಿದೆ. ಫಿನ್​ಟೆಕ್​ ವಲಯದಲ್ಲಿ ಅಗಾಧ ಅವಕಾಶ ಇದೆ ಎನ್ನುವ ಅವರು 0.05 ಡಾಲರ್​ನಿಂದ 100 ಮಿಲಿಯನ್​ ಯುಎಸ್​ಡಿಗೆ ಯಾರು ಬೇಕಾದರೂ ಸೆಕೆಂಡ್​ಗಳಲ್ಲಿ ಯಾವುದೇ ಖರ್ಚಿಲ್ಲದೆ ಸಾಗಬಹುದು ಎನ್ನುತ್ತಾರೆ. ಈ ಸ್ಥಾಪಕರು ಆರ್ಥರ್ ಆ್ಯಂಡರ್ಸನ್​ನಲ್ಲಿ ಉದ್ಯೋಗ ಮಾಡುವಾಗ ಪರಿಚಯ ಆದವರು. 1999ರಲ್ಲಿ ಆ ಫೈನಾನ್ಷಿಯಲ್ ಸರ್ವೀಸಸ್​ ಸಂಸ್ಥೆಯನ್ನು ಬಿಟ್ಟಿದ್ದರು. ಆ ನಂತರ 2002ರಲ್ಲಿ ಎನ್ರಾನ್ ಕಾರ್ಪೊರೇಷನ್ ಹಗರಣದ ಸಂದರ್ಭದಲ್ಲಿ ಐಐಎಂನ ಈ ಪದವೀಧರರು ತಮ್ಮದು ಅಂತ ಯಾವುದೇ ಉಳಿತಾಯ ಇಲ್ಲದೆ ಉದ್ಯಮಿಗಳಾಗಲು ನಿರ್ಧರಿಸಿದ್ದರು.

ಬೆನ್ನಿಗೆ ನಿಂತದ್ದು ಸರ್ಕಾರಿ ಬ್ಯಾಂಕ್​ಗಳು
ಬಿಲ್​ಡೆಸ್ಕ್​ನ ಆರಂಭಿಕ ಬೆಂಬಲಕ್ಕೆ ನಿಂತಿದ್ದು ಬ್ಯಾಂಕ್ ಆಫ್​ ಬರೋಡಾ ಮತ್ತು ಹಣಕಾಸಿನ ನೆರವು ಸಿಕ್ಕಿದ್ದು ಸ್ಮಾಲ್​ ಇಂಡಸ್ಟ್ರೀಸ್ ಡೆವಲಪ್​ಮೆಂಟ್​ ಬ್ಯಾಂಕ್​ ಆಫ್ ಇಂಡಿಯಾ. ಎರಡೂ ಕೂಡ ಸರ್ಕಾರಿ ಸಂಸ್ಥೆಗಳು. ಇವತ್ತಿಗೆ ಎಲ್ಲರೂ ಜಾಗತಿಕ ಬಂಡವಾಳ ಹೂಡಿಕೆ ಕಂಪೆನಿಗಳ ಬೆಂಬಲ ಇಲ್ಲದೆ ಏನೂ ಮಾಡಲು ಆಗಲ್ಲ ಅಂತಾರೆ. ಆದರೆ ಆಗಲೇ ಆ ನಿಯಮವನ್ನು ಸುಳ್ಳು ಮಾಡಲಾಗಿದೆ. ಟೆಮಾಸೆಕ್ ಹೋಲ್ಡಿಂಗ್ಸ್ ಪಿಟಿಇ, ವೀಸಾ ಇಂಕ್ ಮತ್ತು ಜನರಲ್ ಅಟ್ಲಾಂಟಿಕ್​ ಎಲ್​ಎಲ್​ಸಿಯಿಂದ ಹೂಡಿಕೆ ಮಾಡುವ ಹದಿನೈದು ವರ್ಷದ ಹಿಂದಿನ ಕಥೆ ಇದು.

ಇನ್ಷೂರೆನ್ಸ್​ನಿಂದ ಆಸ್ತಿ ತೆರಿಗೆ ತನಕ
ಬಿಲ್​ಡೆಸ್ಕ್​ನಿಂದ ಯುಟಿಲಿಟಿಗಳಿಗೆ ಕಮಿಷನ್ ವಿಧಿಸಲಾಗುತ್ತದೆ ಮತ್ತು ಬ್ಯಾಂಕ್​ಗಳ ಜತೆಗೆ ಪಾಲು ಹಂಚಿಕೊಳ್ಳಲಾಗುತ್ತದೆ. 2007ರಿಂದ ಕಂಪೆನಿಯು ಲಾಭದಲ್ಲಿದೆ. 2021ರ ಹಣಕಾಸು ವರ್ಷದಲ್ಲಿ 253 ಮಿಲಿಯನ್ ಡಾಲರ್ ಸಗಟು ಆದಾಯ ಗಳಿಸಿತ್ತು. EBITDA 42 ಮಿಲಿಯನ್ ಡಾಲರ್ ಇದೆ ಎಂದು ಪ್ರೊಸಸ್ ರೆಗ್ಯುಲೇಟರಿ ಫೈಲಿಂಗ್​ನಿಂದ ಗೊತ್ತಾಗಿದೆ. ಅಂದಹಾಗೆ ಬಿಲ್​ಡೆಸ್ಕ್​ನಿಂದ ಇನ್ಷೂರೆನ್ಸ್​ನಿಂದ ಆಸ್ತಿ ತೆರಿಗೆ ತನಕ, ಮ್ಯೂಚುವಲ್ ಫಂಡ್ ಹೂಡಿಕೆ, ಕ್ರೆಡಿಟ್​ ಕಾರ್ಡ್​ ಪಾವತಿ ಮತ್ತು ಶಾಲೆ ಶುಲ್ಕ ತನಕ ಪಾವತಿ ಮಾಡಲು ಅವಕಾಶ ನೀಡಿದೆ. ಆದ್ದರಿಂದ ಗ್ರಾಹಕರು ಸರತಿಯಲ್ಲಿ ನಿಂತು ಬಿಲ್ ಪಾವತಿ ಮಾಡಬೇಕು ಅಂತೇನೂ ಇಲ್ಲ/

ಶೇ 100ರಷ್ಟು ಖರೀದಿ ಆಫರ್
ಆ ಹೊತ್ತಿಗೆ, ಬಿಲ್‌ಡೆಸ್ಕ್ ಜಾಗತಿಕ ಗ್ರಾಹಕರ ಪಟ್ಟಿಯನ್ನು ಸೃಷ್ಟಿಸಿತ್ತು ಮತ್ತು ಅಮೆಜಾನ್​.ಕಾಮ್ ಇಂಕ್. ಅಥವಾ ಮೈಕ್ರೋಸಾಫ್ಟ್​ ಕಾರ್ಪ್​ನ ಲಿಂಕ್ಡ್‌ಇನ್ ಸೇವೆಯಲ್ಲಿ, ನೆಟ್​ಫ್ಲಿಕ್ಸ್​ ಇಂಕ್. ಚಂದಾದಾರಿಕೆಗಳನ್ನು ಖರೀದಿಸುವುದು ಅಥವಾ ಆಪಲ್ ಇಂಕ್​ನಲ್ಲಿ ಸ್ಥಳೀಯ ಆನ್​ಲೈನ್ ಸ್ಟೋರ್ ವಹಿವಾಟು ನಡೆಸುವ ಲಕ್ಷಾಂತರ ಗ್ರಾಹಕರಿಗೆ ತನ್ನ ಗೇಟ್‌ವೇ ನೀಡುತ್ತಿದೆ. ಬಿಲ್‌ಡೆಸ್ಕ್ ಈ ವರ್ಷ ಐಪಿಒಗೆ ಸಂಬಂಧಿಸಿದಂತೆ ಸಿದ್ಧತೆ ಆರಂಭಿಸಿತು ಮತ್ತು ಹೂಡಿಕೆ ಬ್ಯಾಂಕರ್‌ಗಳನ್ನು ನೇಮಿಸಿತು. ಆ ನಂತರ ಪ್ರೊಸಸ್ ವಾರಗಳ ಹಿಂದೆ ಅಖಾಡಕ್ಕೆ ಇಳಿದು, ಶೇ 100ರಷ್ಟು ಖರೀದಿಯ ಆಫರ್​ ಅನ್ನು ನೀಡಿತು.

ಇದನ್ನೂ ಓದಿ: ಯಶೋಗಾಥೆ | ಅಕ್ಷರ ಕಲಿಯದ ಮಹಿಳೆಯರು ಊರಿಗೆ ಬೆಳಕು ಕೊಟ್ಟರು

(These Trio Got Rs 3500 Each By Selling Their Payment Startup Share)