ಯುಪಿಐ, ವ್ಯಾಲಟ್ ಮತ್ತು ಲೈಟ್​ಗಳ ಮಧ್ಯೆ ಏನು ವ್ಯತ್ಯಾಸ? ಬ್ಯಾಂಕ್ ಖಾತೆಯಿಂದ ಎಷ್ಟು ಯುಪಿಐ ವಹಿವಾಟು ಸಾಧ್ಯ?

ಯುಪಿಐ ಭಾರತದ ಪ್ರಮುಖ ಡಿಜಿಟಲ್ ಪೇಮೆಂಟ್ ಸಿಸ್ಟಂ (UPI- unified payment interface) ಎನಿಸಿದೆ. ಭಾರತದಲ್ಲಿ ಅತಿಹೆಚ್ಚು ಹಣದ ವಹಿವಾಟು ಆಗುವುದು ಯುಪಿಐ ಮೂಲಕವೇ. ಯುಪಿಐ ರೂಪಿಸಿರುವ ನ್ಯಾಷನಲ್ ಪೇಮೆಂಟ್ ಕಾರ್ಪೊರೇಶನ್ (NPCL) ಆಗಾಗ್ಗೆ ಹೊಸ ಫೀಚರ್​ಗಳನ್ನು ಅನಾವರಣಗೊಳಿಸುತ್ತದೆ. ಇಂಥ ಕೆಲ ವಿಶೇಷ ವ್ಯವಸ್ಥೆ ಯುಪಿಐ ಲೈಟ್. ಸಣ್ಣ ವಹಿವಾಟುಗಳನ್ನು ನಡೆಸಲು ಅನುಕೂಲವಾಗುವಂತೆ ಇದನ್ನು ರೂಪಿಸಲಾಗಿದೆ. ಇದು ಯುಪಿಐ ಪೇಮೆಂಟ್ ಪ್ಲಾಟ್​ಫಾರ್ಮ್​ನಲ್ಲಿ ಇರುವ ವ್ಯಾಲಟ್ ರೀತಿಯಲ್ಲಿ ಯುಪಿಐ ಲೈಟ್ ಕಾರ್ಯನಿರ್ವಹಿಸುತ್ತದೆ.

ಯುಪಿಐ ಎಂದರೆ ಯೂನಿಫೈಡ್ ಪೇಮೆಂಟ್ ಇಂಟರ್ಫೇಸ್. ಎರಡು ಬ್ಯಾಂಕ್ ಖಾತೆಗಳ ಮಧ್ಯೆ ರಿಯಲ್​ಟೈಮ್​ನಲ್ಲಿ ಹಣದ ವರ್ಗಾವಣೆ ಮಾಡಬಹುದು ಈ ಸಿಸ್ಟಂನಿಂದ. ಪ್ರತಿಯೊಂದು ಬ್ಯಾಂಕ್ ಖಾತೆಗೂ ಪ್ರತ್ಯೇಕ ಯುಪಿಐ ಐಡಿ ನೀಡಲಾಗುತ್ತಿದ್ದು, ಈ ಐಡಿ ಮೂಲಕ ಹಣದ ವರ್ಗಾವಣೆ ಮಾಡಲಾಗುತ್ತದೆ.

ಇನ್ನು, ಯುಪಿಐ ಲೈಟ್ ವ್ಯಾಲಟ್ ಆ್ಯಪ್​ಗಳ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಪೇಟಿಎಂ, ಫೋನ್ ಪೇನಲ್ಲಿರುವ ವ್ಯಾಲಟ್​ಗಳಲ್ಲಿ ಹಣ ತುಂಬಿಸಿದರೆ ಹಣ ವಹಿವಾಟು ನಡೆಸುವಾಗ ಬ್ಯಾಂಕ್ ಖಾತೆಯನ್ನು ಮುಟ್ಟುವ ಅವಶ್ಯಕತೆ ಇರುವುದಿಲ್ಲ. ವ್ಯಾಲಟ್​ನಲ್ಲಿರುವ ಹಣವನ್ನು ನೇರವಾಗಿ ಬಳಸಬಹುದು. ಪ್ರತ್ಯೇಕವಾಗಿ ಪಿನ್ ನಮೂದಿಸುವ ಅಗತ್ಯ ಇರುವುದಿಲ್ಲ. ಯುಪಿಐ ಲೈಟ್ ಬಹುತೇಕ ಇದೇ ರೀತಿಯಲ್ಲಿ ಕಾರ್ಯವಹಿಸುತ್ತದೆ.

ಇದನ್ನೂ ಓದಿ: ನಿಮ್ಮ ಮ್ಯುಚುವಲ್ ಫಂಡ್ ಅಕೌಂಟ್​ಗೆ ನಾಮಿನಿ ಅಪ್​ಡೇಟ್ ಮಾಡುವುದು ಹೇಗೆ? ಇಲ್ಲಿದೆ ಡೀಟೇಲ್ಸ್

ಯುಪಿಐ ವ್ಯಾಲಟ್​ಗೆ ನಿಮ್ಮ ಬ್ಯಾಂಕ್ ಖಾತೆಯಿಂದ ಎಷ್ಟು ಬೇಕಾದರೂ ಹಣ ತುಂಬಿಸಬಹುದು. ಆದರೆ, ಯುಪಿಐ ಲೈಟ್​ನಲ್ಲಿ 4,000 ರೂಗಿಂತ ಹೆಚ್ಚು ಇರುವಂತಿಲ್ಲ. 200 ರೂಗಿಂತ ಹೆಚ್ಚಿನ ಮೊತ್ತದ ವಹಿವಾಟನ್ನು ಲೈಟ್ ಮೂಲಕ ಮಾಡಲು ಆಗುವುದಿಲ್ಲ.

ಬ್ಯಾಂಕ್ ಖಾತೆಯಿಂದ ದಿನಕ್ಕೆ ಗರಿಷ್ಠ 20 ಯುಪಿಐ ಟ್ರಾನ್ಸಾಕ್ಷನ್ ಮಾತ್ರ ಸಾಧ್ಯ

ಯುಪಿಐ ಮೂಲಕ ಒಂದು ಬ್ಯಾಂಕ್ ಖಾತೆಯಿಂದ ನೀವು ದಿನಕ್ಕೆ 2 ಲಕ್ಷ ರೂವರೆಗೆ ಮಾತ್ರವೇ ಹಣ ರವಾನೆ ಮಾಡಬಹುದು. 24 ಗಂಟೆಯಲ್ಲಿ ಬ್ಯಾಂಕ್ ಖಾತೆ ಬಳಸಿ 20 ಯುಪಿಐ ಟ್ರಾನ್ಸಾಕ್ಷನ್ ಮಾತ್ರವೇ ನಡೆಸಬಹುದು.

ಇದನ್ನೂ ಓದಿ: ವಿದ್ಯಾರ್ಥಿಗಳಿಗೆ ಖುಷಿ ಸುದ್ದಿ ಕೊಡುತ್ತಾ ಆರ್​ಬಿಐ?; ಸ್ಟಡಿ ಲೋನ್ ನಿಯಮವೊಂದರ ಬದಲಾವಣೆಗೆ ಬ್ಯಾಂಕುಗಳ ಪ್ರಸ್ತಾಪಕ್ಕೆ ಸಮ್ಮತಿ ಸಿಗುತ್ತಾ?

ಯುಪಿಐ ವ್ಯಾಲಟ್​ನಲ್ಲಿ ವಹಿವಾಟು ಮಿತಿ ಇಲ್ಲ. ನಿಮ್ಮ ವ್ಯಾಲಟ್​​ನಲ್ಲಿ ಹಣ ಇರುವವರೆಗೂ ಎಷ್ಟು ಬೇಕಾದರೂ ಟ್ರಾನ್ಸಾಕ್ಷನ್ ನಡೆಸಬಹುದು. ಯುಪಿಐ ಲೈಟ್ ಆದರೆ ದಿನಕ್ಕೆ 4,000 ರೂವರೆಗೂ ಟ್ರಾನ್ಸಾಕ್ಷನ್ ಲಿಮಿಟ್ ಇರುತ್ತದಾದರೂ ಆ ಹಣ ಖಾಲಿ ಆಗುವವರೆಗೂ ಎಷ್ಟು ಬೇಕಾದರೂ ವಹಿವಾಟು ನಡೆಸಬಹುದು.

ಸಣ್ಣ ಸಣ್ಣ ಮೊತ್ತದ ಪೇಮೆಂಟ್​ಗೆ ಯುಪಿಐ ಲೈಟ್ ಹೇಳಿ ಮಾಡಿಸಿದ್ದಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ