ಇರಾನ್ನೊಂದಿಗೆ ವ್ಯಾಪಾರ: 4 ಭಾರತೀಯ ಕಂಪನಿಗಳು ಹಾಗು 3 ವ್ಯಕ್ತಿಗಳ ಮೇಲೆ ಅಮೆರಿಕ ನಿರ್ಬಂಧ
US Sanctions 4 Indian Firms, 3 Nationals Over Iran Trade Under 'Operation Economic Outcast': ಇರಾನ್ ಜೊತೆ ವ್ಯಾಪಾರದಲ್ಲಿ ತೊಡಗಿರುವ ಮತ್ತು ಸಹಕಾರ ನೀಡುತ್ತಿರುವ ಶಂಕೆಯ ಮೇಲೆ ವಿಶ್ವಾದ್ಯಂತ 60 ಸಂಸ್ಥೆಗಳು ಹಾಗೂ ವ್ಯಕ್ತಿಗಳ ಮೇಲೆ ಅಮೆರಿಕ ನಿಷೇಧ ಹೇರಿದೆ. ಇದರಲ್ಲಿ 4 ಭಾರತೀಯ ಕಂಪನಿಗಳು ಹಾಗೂ 3 ವ್ಯಕ್ತಿಗಳು ಇದ್ದಾರೆ. ಆಪರೇಷನ್ ಎಕನಾಮಿಕ್ ಔಟ್ಕಾಸ್ಟ್ ಅಡಿಯಲ್ಲಿ ಅಮೆರಿಕ ಈ ನಿರ್ಬಂಧ ಕ್ರಮ ತೆಗೆದುಕೊಂಡಿದೆ.
Updated on: Aug 26, 2026 | 12:06 PM
ವಾಷಿಂಗ್ಟನ್, ಆಗಸ್ಟ್ 26: ಅಮೆರಿಕ ತನ್ನ “ಆಪರೇಷನ್ ಎಕನಾಮಿಕ್ ಔಟ್ಕಾಸ್ಟ್” (Operation Economic Outcast) ಕಾರ್ಯಾಚರಣೆಯಡಿಯಲ್ಲಿ ಇರಾನ್‌ಗೆ ಸಂಬಂಧಿಸಿದಂತೆ ಕಾನೂನುಬಾಹಿರ ವ್ಯಾಪಾರ ಮತ್ತು ಇಂಧನ ಸಾಗಣೆಯಲ್ಲಿ ತೊಡಗಿಸಿಕೊಂಡಿರುವ ಆರೋಪದ ಮೇಲೆ 4 ಭಾರತೀಯ ಸಂಸ್ಥೆಗಳು ಮತ್ತು 3 ಭಾರತೀಯ ಪ್ರಜೆಗಳ ಮೇಲೆ ನಿರ್ಬಂಧಗಳನ್ನು (US Sanctions) ಹೇರಿದೆ.
ಇರಾನ್ನ ಪೆಟ್ರೋಕೆಮಿಕಲ್ ಮತ್ತು ಪೆಟ್ರೋಲಿಯಂ ವಲಯದ ಮೇಲೆ ಒತ್ತಡ ಹೇರಲು ಅಮೆರಿಕ ಈ ಕ್ರಮ ಕೈಗೊಂಡಿದೆ.
ಇರಾನ್ ಉತ್ಪನ್ನಗಳ ಖರೀದಿ, ಮಾರಾಟ ಅಥವಾ ಸಾಗಣೆಗೆ ನೆರವಾದ ಆರೋಪದ ಮೇಲೆ ನಾಲ್ಕು ಭಾರತೀಯ ಮೂಲದ ನೆಟ್‌ವರ್ಕ್/ಸಂಸ್ಥೆಗಳನ್ನು ನಿರ್ಬಂಧಿತ ಪಟ್ಟಿಗೆ ಸೇರಿಸಲಾಗಿದೆ. ಈ ಅಕ್ರಮ ವ್ಯಾಪಾರ ಜಾಲಗಳಿಗೆ ನೆರವು ನೀಡಿದ ಮೂವರು ಭಾರತೀಯ ನಾಯಕರನ್ನು ಅಮೆರಿಕ ಹಣಕಾಸು ಇಲಾಖೆ ಗುರಿಯಾಗಿಸಿಕೊಂಡಿದೆ.
ಇದನ್ನೂ ಓದಿ: ಯುಪಿಐ: ಭಾರತದ ಡಿಜಿಟಲ್ ಪೇಮೆಂಟ್ ಕ್ರಾಂತಿಯ ಒಂದು ದಶಕದ ಸಾಧನೆ
ಅಮೆರಿಕದಿಂದ ನಿರ್ಬಂಧಕ್ಕೊಳಗಾದ ಭಾರತೀಯ ಕಂಪನಿಗಳು
- ಪೋರ್ಟ್ಈಸ್ ಪಾರ್ಟ್ನರ್ಸ್ ಎಲ್ಎಲ್ಪಿ
- ಸದಾಶಿವ ಓವರ್ಸೀಸ್ ಲಿ
- ಪಿಪಿ ಸಾಫ್ಟ್ಟೆಕ್ ಪ್ರೈ ಲಿ
- ಪ್ರಕೃತೀಸ್ ಇನ್ಫ್ರಾ ಇಂಪೆಕ್ಸ್ ಇಂಡಿಯಾ ಪ್ರೈ ಲಿ
ಅಮೆರಿಕದಿಂದ ನಿರ್ಬಂಧಕ್ಕೊಳಗಾದ ಭಾರತೀಯ ವ್ಯಕ್ತಿಗಳು
- ಇಂದ್ರಿಸ್ಮಿಯಾ ಅಷ್ರಫ್ಮಿಯಾ ಶೇಖ್
- ಹರೀಶ್ ರಾಮಚಂದ್ರ ರಂಗಿ (ಪೋರ್ಟ್ಈಸ್ ಪಾರ್ಟ್ನರ್ಸ್)
- ಪ್ರಶಾಂತ್ ಗರ್ಗ್ (ಪಿಪಿ ಸಾಫ್ಟ್ಟೆಕ್)
ನಿರ್ಬಂಧದ ಪರಿಣಾಮ: ಅಮೆರಿಕದಲ್ಲಿರುವ ಇವರ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗುತ್ತದೆ ಹಾಗೂ ಯಾವುದೇ ಅಮೆರಿಕನ್ ಪ್ರಜೆ ಅಥವಾ ಸಂಸ್ಥೆ ಇವರೊಂದಿಗೆ ವ್ಯವಹರಿಸುವುದನ್ನು ನಿಷೇಧಿಸಲಾಗಿದೆ.
ಇದನ್ನೂ ಓದಿ: ಡಿಆರ್ಡಿಒ ಮಿಸೈಲ್ ಸಿಸ್ಟಂಗಳ ತಂತ್ರಜ್ಞಾನ ರಕ್ಷಣಾ ಉದ್ಯಮಕ್ಕೆ ಹಸ್ತಾಂತರ; ದೇಶೀಯವಾಗಿ ಕ್ಷಿಪಣಿ ತಯಾರಿಕೆಗೆ ಭರ್ಜರಿ ಪುಷ್ಟಿ
ಅಮೆರಿಕವು ಕೇವಲ ಭಾರತೀಯ ಕಂಪನಿಗಳು ಮತ್ತು ಪ್ರಜೆಗಳನ್ನು ಗುರಿಯಾಗಿಸಿಲ್ಲ. ಇರಾನ್ನ ಮಿಲಿಟರಿ ಚಟುವಟಿಕೆ, ಸರಬರಾಜು, ವ್ಯಾಪಾರಗಳಲ್ಲಿ ಶಾಮೀಲಾಗಿರುವ ಶಂಕೆ ಮತ್ತು ಆರೋಪದ ಮೇಲೆ ಜಾಗತಿಕವಾಗಿ ಸುಮಾರು 60 ಸಂಸ್ಥೆಗಳು, ವ್ಯಕ್ತಿಗಳು ಹಾಗೂ ಹಡಗುಗಳ ಮೇಲೆ ಅಮೆರಿಕ ನಿಷೇಧ ಹಾಕಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
