Indian CEO: ಅಮೆರಿಕದ Honeywell ಸಂಸ್ಥೆಗೆ ವಿಮಲ್ ಕಪೂರ್ ಸಿಇಒ; ಭಾರತೀಯ CEOಗಳ ಪಟ್ಟಿ ಇಲ್ಲಿದೆ
Honeywell International CEO Vimal Kapur: ಜಾಗತಿಕ ಉದ್ಯಮ ವಲಯದಲ್ಲಿ ಭಾರತೀಯರು ಮುಂಚೂಣಿಯಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದ್ದು ಹಲವಾರು ಪ್ರಮುಖ ಕಂಪನಿಗಳಿಗೆ ಭಾರತೀಯರೇ ಸಿಇಒಗಳಾಗಿದ್ದಾರೆ. ಈ ಪಟ್ಟಿಗೆ ವಿಮಲ್ ಕಪೂರ್ ಸೇರ್ಪಡೆಯಾಗುತ್ತಿದ್ದಾರೆ.
ಬೆಂಗಳೂರು: ಈಗ ಜಾಗತಿಕವಾಗಿ ಉದ್ಯಮ ವಲಯದಲ್ಲಿ ಭಾರತೀಯರ ಹೆಗ್ಗುರುತು ಬಹಳ ಸ್ಪಷ್ಟವಾಗಿ ನಮೂದಾಗುತ್ತಿದೆ. ಹಲವು ದಿಗ್ಗಜ ಸಂಸ್ಥೆಗಳಿಗೆ ಭಾರತೀಯರೇ ಮುಂದಾಳತ್ವ (Indians In Leadership Role) ವಹಿಸುತ್ತಿರುವುದು ಹೆಚ್ಚಾಗುತ್ತಿದೆ. ಇದೀಗ ಅಮೆರಿಕದ ಬೃಹತ್ ಕಂಪನಿಗಳಲ್ಲಿ ಒಂದೆನಿಸಿದ ಹನಿವೆಲ್ ಇಂಟರ್ನ್ಯಾಷನಲ್ಗೆ (Honeywell International) ವಿಮಲ್ ಕಪೂರ್ ಸಿಇಒ ಆಗಲಿದ್ದಾರೆ. ಈ ವಿಷಯವನ್ನು ಹನಿವೆಲ್ ಸಂಸ್ಥೆಯೇ ಮಾರ್ಚ್ 14ರಂದು ಪ್ರಕಟಿಸಿದ್ದು, ಸಿಇಒ ಡೇರಿಯಸ್ ಅಡಂಜೈಕ್ ಅವರ ಸ್ಥಾನವನ್ನು ವಿಮಲ್ ಕಪೂರ್ ಕಪೂರ್ (Vimal Kapur) ತುಂಬಲಿದ್ದಾರೆ ಎಂದಿದೆ. ಸದ್ಯ ಹನಿವೆಲ್ನ ಅಧ್ಯಕ್ಷ ಮತ್ತು ಸಿಒಒ ಆಗಿರುವ ವಿಮಲ್ ಕಪೂರ್ ಜೂನ್ 1ರಿಂದ ಸಿಇಒ ಜವಾಬ್ದಾರಿ ನಿಭಾಯಿಸಲಿದ್ದಾರೆ. 2017ರಲ್ಲಿ ಸಿಇಒ ಆಗಿದ್ದ ಡೇರಿಯಸ್ ಅವರು ಎಕ್ಸಿಕ್ಯೂಟಿವ್ ಚೇರ್ಮನ್ ಆಗಿ ಕಂಪನಿಯಲ್ಲಿ ಮುಂದುವರಿಯಲಿದ್ದಾರೆ.
ವಿಮಲ್ ಕಪೂರ್ 3 ದಶಕಗಳಿಂದ ಹನಿವೆಲ್ನಲ್ಲಿ ಕೆಲಸ ಮಾಡುತ್ತಿದ್ದು, ವಿವಿಧ ಕ್ಷೇತ್ರಗಳ ಉದ್ದಿಮೆಗಳನ್ನು ಬೆಳೆಸುವ ಗುರುತರ ಜವಾಬ್ದಾರಿ ಹೊಂದಿದ್ದಾರೆ. ವಿಮಲ್ ಕಪೂರ್ ಈ ಹಿಂದೆ ಹನಿವೆಲ್ನ ಇತರ ಉಪ ಸಂಸ್ಥೆಗಳಿಗೆ ಸಿಇಒ ಆಗಿಯೂ ಕೆಲಸ ಮಾಡಿದ್ದಾರೆ. ಈಗ ಇಡೀ ಗ್ರೂಪ್ಗೆ ಅವರು ಸಿಇಒ ಆಗುತ್ತಿರುವುದು ಗಮನಾರ್ಹ. ಕಂಪನಿಯ ತಂತ್ರಜ್ಞಾನ ವಿಭಾಗವನ್ನು ಸುದೃಢಗೊಳಿಸಿದ ಶ್ರೇಯಸ್ಸು ಅವರದ್ದು. ಹನಿವೆಲ್ನ ಸಾಫ್ಟ್ವೇರ್ ವ್ಯವಹಾರಕ್ಕೆ ಭದ್ರ ಬುನಾದಿ ಹಾಕಿದ ಸಾಧನೆ ಅವರದ್ದು.
ಜಾಗತಿಕವಾಗಿ ಪ್ರಬಲ ಸಂಸ್ಥೆಗಳಿಗೆ ಭಾರತೀಯರು ಸಿಇಒ ಆಗುವ ಟ್ರೆಂಡ್ ಜೋರಾಗುತ್ತಿದೆ. ಹಲವಾರು ಕಂಪನಿಗಳ ಲೀಡರ್ಶಿಪ್ ಸ್ಥಾನದಲ್ಲಿ ಭಾರತೀಯರು ಅಥವಾ ಭಾರತೀಯ ಮೂಲದವರು ಇದ್ದಾರೆ. ಅಂಥ ಕೆಲ ಪ್ರಮುಖ ಭಾರತೀಯ ಸಿಇಒಗಳ ಪಟ್ಟಿ ಇಲ್ಲಿದೆ:
- ಗೂಗಲ್ ಸಿಇಒ: ಸುಂದರ್ ಪಿಚೈ
- ಯೂಟ್ಯೂಬ್ ಸಿಇಒ: ನೀಲ್ ಮೋಹನ್
- ಮೈಕ್ರೋಸಾಫ್ಟ್ ಸಿಇಒ: ಸತ್ಯ ನಾದೆಲ್ಲಾ
- ಆಲ್ಬರ್ಟ್ಸನ್ಸ್ ಕಾಸ್ ಸಿಇಒ: ವಿವೇಕ್ ಶಂಕರನ್
- ಐಬಿಎಂ ಸಿಇಒ: ಅರವಿಂದ್ ಕೃಷ್ಣ
- ಡುಲೋಯ್ಟ್ (Duloitte) ಸಿಇಒ: ಪುನೀತ್ ರೆಂಜೆನ್
- ನೊವಾರ್ಟಿಸ್ ಸಿಇಒ: ವಸಂತ್ ನರಸಿಂಹನ್
- ಮೈಕ್ರಾನ್ ಸಿಇಒ: ಸಂಜಯ್ ಮೆಹರೋತ್ರಾ
- ಸ್ಟಾರ್ಬಕ್ಸ್ ಸಿಇಒ: ಲಕ್ಷ್ಮಣ್ ನರಸಿಂಹನ್
- ಫ್ಲೆಕ್ಸ್ ಸಿಇಒ: ರೇವತಿ ಅದ್ವೈತಿ
- ಡಿಯಾಜಿಯೊ ಸಿಇಒ: ಇವಾನ್ ಮೆನೆಜಿಸ್
- ಅಡೋಬ್ ಸಿಇಒ: ಶಾಂತನು ನಾರಾಯಣ್
- ವೇಫೇರ್ ಸಿಇಒ: ನೀರಜ್ ಷಾ
- ನೆಟ್ಆ್ಯಪ್ ಸಿಇಒ: ಜಾರ್ಜ್ ಕುರಿಯನ್
- ಚಾನಲ್ ಸಿಇಒ: ಲೀನಾ ನಾಯರ್
- ಓನ್ಲಿಫ್ಯಾನ್ಸ್ ಸಿಇಒ: ಆಮ್ರಪಾಲಿ
- ಮೋಟೊರೋಲಾ ಸಿಇಒ: ಸಂಜಯ್ ಝಾ
- ನೊಕಿಯಾ ಸಿಇಒ: ರಾಜೀವ್ ಸೂರಿ
- ಕಾಗ್ನೈಜೆಂಟ್ ಸಿಇಒ: ಫ್ರಾನ್ಸಿಸ್ಕೋ ಡಿಸೋಜಾ
- ಪಾಲೋ ಆಲ್ಟೋ ನೆಟ್ವರ್ಕ್ಸ್ ಸಿಇಒ: ನಿಕೇಶ್ ಅರೋರಾ
- ವಿಮಿಯೋ ಸಿಇಒ: ಅಂಜಲಿ ಸೂದ್
- ಓಗಿಲ್ವಿ ಸಿಇಒ: ದೇವಿಕಾ ಬುಲಚಂದಾನಿ
- ಅರಿಸ್ಟಾ ನೆಟ್ವರ್ಕ್ಸ್ ಸಿಇಒ: ಜಯಶ್ರೀ ಉಳ್ಳಾಲ
- ವಿಎಂವೇರ್ ಸಿಇಒ: ರಂಗರಾಜನ್ ರಘುರಾಮ್
ಇದನ್ನೂ ಓದಿ: Yes Bank: ಯೆಸ್ ಬ್ಯಾಂಕ್ ಷೇರುಗಳನ್ನು ಮನಬಂದಂತೆ ಮಾರುತ್ತಿರುವ ಜನರು; ಯಾಕಿಷ್ಟು ನೂಕುನುಗ್ಗುಲು?
ಹಿಂದೆ ಸಿಇಒಗಳಾಗಿದ್ದವರು:
- ಹರ್ಮನ್ ಇಂಟರ್ನ್ಯಾಷನಲ್ ಸಿಇಒ: ದಿನೇಶ್ ಪಲಿವಾಲಿ
- ಕಾಂಡುಯೆಂಟ್ (ಜೆರಾಕ್ಸ್ ಕಾರ್ಪ್) ಸಿಇಒ: ಅಶೋಕ್ ವೇಮುರಿ
- ಮಾಸ್ಟರ್ಕಾರ್ಡ್ ಸಿಇಒ: ಅಜಯ್ ಪಾಲ್ ಸಿಂಗ್ ಬಾಂಗಾ
- ಟ್ವಿಟ್ಟರ್ ಸಿಇಒ: ಪರಾಗ್ ಅಗರ್ವಾಲ್