Warren Buffett: ವಾರೆನ್ ಬಫೆಟ್​ರಿಂದ 30 ಸಾವಿರ ಕೋಟಿ ರೂ. ದಾನ; ಈ ತನಕ ಪೂರ್ತಿಯಾಗಿದ್ದು ಕೊಟ್ಟ ಮಾತಿನ ಅರ್ಧದಷ್ಟೇ

ಜಗದ್ವಿಖ್ಯಾತ ಹೂಡಿಕೆದಾರ ವಾರೆನ್ ಬಫೆಟ್ ಮತ್ತೊಂದು ದೇಣಿಗೆಯ ಘೋಷಣೆ ಮಾಡಿದ್ದಾರೆ. 410 ಕೋಟಿ ಅಮೆರಿಕನ್ ಡಾಲರ್ ಮೌಲ್ಯದ ಬರ್ಕ್​ಶೈರ್ ಹಾಥ್​ವೇ ಷೇರುಗಳನ್ನು ಐದು ಫೌಂಡೇಷನ್​ಗಳಿಗೆ ದೇಣಿಗೆ ನೀಡುವುದಾಗಿ ಜೂನ್ 23ನೇ ತಾರೀಕಿನ ಬುಧವಾರದಂದು ವಾರೆನ್ ಬಫೆಟ್ ಘೋಷಣೆ ಮಾಡಿದ್ದಾರೆ. ಬಿಲ್ ಮತ್ತು ಮೆಲಿಂಡಾ ಗೇಟ್ಸ್ ಫೌಂಡೇಷನ್​ನ ಟ್ರಸ್ಟಿ ಜವಾಬ್ದಾರಿಗೆ ರಾಜೀನಾಮೆ ಘೋಷಿಸುವ ಸಂದರ್ಭದಲ್ಲೇ ಈ ವಿಷಯವನ್ನೂ ಅವರು ತಿಳಿಸಿದ್ದಾರೆ. ಇವತ್ತಿಗೆ 410 ಕೋಟಿ ಡಾಲರ್ ಮೌಲ್ಯದ ಷೇರು ಅಂದರೆ, ಭಾರತದ ರೂಪಾಯಿ ಲೆಕ್ಕದಲ್ಲಿ 30.4 ಸಾವಿರ ಕೋಟಿಗೂ ಹೆಚ್ಚಿನ ಮೊತ್ತವಾಗುತ್ತದೆ.

ಈ ಬಗ್ಗೆ ಮಾತನಾಡಿರುವ ವಾರೆನ್ ಬಫೆಟ್, “ವರ್ಷಗಳಿಂದ ನಾನು ಟ್ರಸ್ಟಿ ಆಗಿದ್ದೇನೆ. ನಾನು ಹಣ ನೀಡುವ ಬಿಲ್​ ಮತ್ತು ಗೇಟ್ಸ್​ ಫೌಂಡೇಷನ್​ನಲ್ಲಿ ನಿಷ್ಕ್ರಿಯ ಟ್ರಸ್ಟಿ ಆಗಿದ್ದೇನೆ. ಹೇಗೆ ಬರ್ಕ್‌ಶೈರ್ ಹೊರತುಪಡಿಸಿ ಎಲ್ಲಾ ಕಾರ್ಪೊರೇಟ್ ಮಂಡಳಿಗಳಲ್ಲಿ ಮಾಡಿದಂತೆಯೇ ಈಗ ಈ ಸ್ಥಾನಕ್ಕೂ ರಾಜೀನಾಮೆ ನೀಡುತ್ತಿದ್ದೇನೆ,” ಎಂದು ಬಫೆಟ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

2006ನೇ ಇಸವಿಯಲ್ಲಿ ತಮ್ಮ ಪಾಲಿನ ಎಲ್ಲ ಬರ್ಕ್​ಶೈರ್ ಷೇರುಗಳನ್ನು ದಾನ ಮಾಡುವುದಾಗಿ ಬಫೆಟ್ ಘೋಷಣೆ ಮಾಡಿದ್ದರು. ಪ್ರತಿ ವರ್ಷ ಬಿಲ್ ಮತ್ತ ಮೆಲಿಂಡಾ ಗೇಟ್ಸ್ ಫೌಂಡೇಷನ್, ಸೂಸಾನ್ ಥಾಮ್ಸನ್ ಬಫೆಟ್ ಫೌಂಡೇಷನ್, ಶೆರ್​ವುಡ್​ ಫೌಂಡೇಷನ್, ಹೊವಾರ್ಡ್ ಜಿ. ಬಫೆಟ್ ಫೌಂಡೇಷನ್ ಮತ್ತು NoVo ಫೌಂಡೇಷನ್​ಗೆ ಉಡುಗೊರೆಯಾಗಿ ನೀಡುತ್ತೇನೆ ಎಂದು ಹೇಳಿದ್ದರು. ಅವರು ಆಗ ಹೇಳಿದ್ದರು ಒಟ್ಟು ಲೆಕ್ಕದ ಅರ್ಧದಷ್ಟನನ್ನು ತಲುಪಿದಂತಾಗಿದೆ.

“ಈ ದಿನ ನ್ನ ಪಾಲಿನ ಮೈಲುಗಲ್ಲು,” ಎಂದು ಬಫೆಟ್ ಹೇಳಿದ್ದಾರೆ. “2006ರಲ್ಲಿ ನನ್ನ ನಿವ್ವಳ ಮೌಲ್ಯದ ಶೇ 99ರಷ್ಟನ್ನು, ಅಂದರೆ ಬಕ್​ಶೈರ್ ಷೇರಿನ ಎಲ್ಲವನ್ನೂ ದಾನದ ಉದ್ದೇಶಕ್ಕೆ ವಿತರಣೆ ಮಾಡುತ್ತೇನೆ ಎಂದು ಸಂಕಲ್ಪ ಮಾಡಿದ್ದೆ. ಈಗಿನ 4.1 ಬಿಲಿಯನ್ ಅಮೆರಿಕನ್ ಡಾಲರ್​ ವಿತರಣೆಯೊಂದಿಗೆ ನಾನು ಅರ್ಧ ದಾರಿಯಲ್ಲಿ ಇದ್ದೇನೆ,” ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: Jamshetji Tata: ಶತಮಾನದ ಟಾಪ್ 50 ದಾನಿಗಳಲ್ಲಿ ಜಮ್ಷೆಡ್​ ಜೀ ಟಾಟಾ ನಂಬರ್ 1; ನೀಡಿದ ದೇಣಿಗೆ 10,200 ಕೋಟಿ ಯುಎಸ್​ಡಿ

(Veteran Warren Buffett announced 4.1 billion USD donation to 5 foundations also resignation for Bill And Melinda foundation as trustee on June 23rd, Wednesday)